ރާއްޖޭގައި ތައުލީމީ ދާއިރާގައި ފަވާލެވޭ އެވިޑް ކޮލެޖު ޑައިމަންޑް ކެންޕަސްގެ ސެކަންޑް ފްލޯގައި ބޯޑު ރޫމާއި ހޯލް މިއަދު ހުޅުވައިފިއެވެ.

އެވިޑް ކޮލެޖަށް 21 އަހަރު މިއަދު ފުރޭ މުނާސަބަތާ ދިމާކޮށް މިއަދު އެވިޑް ކޮލެޖު ޑައިމަންޑް ކެންޕަސްގައި ބޭއްްވި ހާއްސަ ރަސްމިޔާތެއްގައި ހޯލް އަދި ބޯޑް ރޫމް ހުޅުވައިދިނީ އެވިޑް ކޮލެޖުގެ ޗެއާމަން ޑރ. އަބްދުالله މުޝްތާޤް ރަޝާދެވެ.

ޖާގަ ތަނަވަސް ހޯލް އަދި ބޯޑް ރޫމް ހުޅުވައި ދެއްވަމުން އެވިޑް ކޮލެޖުގެ ޗެއާމަން ޑރ. އަބްދުالله މުޝްތާޤް ރަޝާދު ވިދާޅުވީ އެވިޑް ކޮލެޖަށް 21 އަހަރު މިއަދު ފުރޭ މުނާސަބަތާ ދިމާކޮށް އެންމެ ހާއްސަކޮށް ފާހަގަ ކޮއްލެވެނީ އެވިޑް ކޮލެޖުގެ ބޯޑް ރޫމާއި ބޮޑު ހޯލު ހުޅުވިގެންދިއުން ކަމަށެވެ.





" މިކަމުގެ ސަބަބުން މުއައްޒަފުންގެ އިތުރުން ދަރިވަރުންނަށް އެތަކެއް ފައިދާ ތަކެއް ލިބިގެން ދާނެ ކަމަށް އަޅުގަނޑު އުންމީދުކުރަން، އަޅުގަނޑުމެންގެ މި ބޯޑު ރޫމްގެ ސަބަބުން އަދި ހާއްސަކޮށް ހޯލުގައި އެތަށް ބަޔަކަށް ހާއްސަ ހަފުލާތަކާއި މުބާސަބަތުތަށް ބޭއްވުމުގެ ފުރުސަތު އޮންނާނެ" މުޝްތާޤް ވިދާޅުވިއެވެ.

އެވިޑް ކޮލެޖުން މައުލޫމާތުދޭ ގޮތުގައި މިއަދު ހުޅުވުނު ހޯލު ތަފާތު އެކި އެކި މުނާސަބާތައް، އުފަން ދުވަހުގެ ހަފްލާ ، ވެޑިން ، އެހެން ގޮސް އެކި ހަފްލާ ބޭއްވުމަށް ކުއްޔަތް ދޭ ގޮތަށް ވަނީ ހަމަ ޖެހިފައެވެ.