މުޖުތަމަޢަށް ފައިދާހުރި އަދި އަޚްލާޤީ ގޮތުން ހަރުދަނާ ޝަޚްޞިއްޔަތެއް ދަރިވަރުންގެ ކިބައިގައި އަށަގެންނެވުމުގައި ގަރލް ގައިޑް ހަރަކާތަކީ ނުހަނު މުހިންމު ދައުރެއް އަދާކުރާ ކަމެއް ކަމުގައި ޗީފް ގައިޑް އަދި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ.
ވިލިމާލޭގައި ކުރިއަށްދިޔަ 25 ވަނަ ޤައުމީ ޕެޓްރޯލް ލީޑަރުން ތަމްރީނުކުރުމުގެ ކޭމްޕު ނިންމުމަށް ބޭއްވި ޚާއްޞަ ޖަލްސާ ޝަރަފުވެރިކޮށްދެއްވައި ވާހަކަފުޅު ދައްކަވަމުން، އެކަމަނާ ވަނީ މި ތަމްރީނު ކާމިޔާބުކަމާއެކު ނިންމާލި ހުރިހާ ބައިވެރިންނަށް މަރުޙަބާ ދަންނަވާފައެވެ. އަދި ރާއްޖޭގެ އެކި ހިސާބުތަކުން މި ކޭމްޕުގައި ބައިވެރިވި ދަރިވަރުންނަށް ޢަމަލީ މައިދާނުގައި ބޭނުންކުރެވޭނެ ގިނަގުނަ ތަޖުރިބާތަކެއް ލިބިގެންގޮސްފައިވާކަން ފާހަގަކުރެއްވިއެވެ.
ރައީސުލްޖުމްހޫރިއްޔާގެ އަނބިކަނބަލުންގެ ވާހަކަފުޅުގައި، ރާއްޖޭގައި ގައިޑް ހަރަކާތް ހިންގަމުން އަންނަތާ ބައްކަރު ގަރުނެއްހާ ދުވަސް ވާން ކައިރިވެފައިވާކަން ފާހަގަކުރައްވައި ވިދާޅުވީ، މިއީ ދިވެހިން އަބަދުވެސް ރިވެތި އަޚްލާޤާއި ހުނަރުވެރިކަން ދަސްކުރުމަށް ދޭ އަހައްމިއްޔަތުކަން ރަމްޒުކޮށްދޭ ކަމެއް ކަމަށެވެ. އެގޮތުން، މި ހަރަކާތުގެ ސަބަބުން ކުދިންގެ ޞިއްޙަތަށް ސަމާލުކަންދީ، މުރާލިކަމާއެކު އެހެން މީހުންނަށް އޯގާތެރިވުމާއި، އިސްލާމްދީނާއި ޤައުމިއްޔަތަށް ލޯބިކުރާ ބަޔަކަށް އެކުދިން ވެގެންދާނެ ކަމަށް ވިދާޅުވިއެވެ.
މީގެއިތުރުން، އަމިއްލަ ނަފްސު އިޞްލާޙުކުރުމުގެ އިތުރުން މުޖުތަމަޢުގެ ލާބައަށް މަސައްކަތްކުރާނެ ހަރުދަނާ އަންހެން ޒުވާނުންތަކެއް އުފެއްދުމަށް ގައިޑް ހަރަކާތުން އެހީތެރިވެދޭކަން އެކަމަނާ ފާހަގަކުރެއްވިއެވެ. އަދި މިފަދަ ހަރަކާތްތަކުން ލިބޭ ތަމްރީނުގެ އަލީގައި، ޖަމާޢަތުގެ ފައިދާއަށް އިސްކަންދީ، ޤައުމީ ފެންވަރުގައި ނުފޫޒުގަދަ އަދި ބަލައިގަންނަ ފަދަ ލީޑަރުންގެ ގޮތުގައި މި ދަރިވަރުން މުސްތަޤުބަލުގައި ފެނިގެންދާނެ ކަމަށްވެސް އެކަމަނާ ވިދާޅުވިއެވެ.
ހަމައެއާއެކު، ދީނީ ވާޖިބުތަކަށް ރައްކާތެރިވެ، ނަމާދު ވަގުތުތަކަށް ސަމާލުކަން ދިނުމަކީ ކޮންމެ ކުއްޖެއްގެ ކިބައިގައިވެސް ހުންނަންޖެހޭނެ އެންމެ މުހިންމު ސިފަކަން ހަނދާންކޮށްދެއްވަމުން، ގައިޑުންނަކީ ޤައުމަށް އަގުހުރި އަދި މާތް ޚިދުމަތްތަކެއް ކޮށްދޭ ނަމޫނާ ބައެއްގެ ގޮތުގައި ފަސްޓް ލޭޑީ ވަނީ ސިފަކުރައްވާފައެވެ.
ރައީސުލްޖުމްހޫރިއްޔާގެ އަނބިކަނބަލުންގެ ވާހަކަފުޅުގައި، ރާއްޖޭގައި ގައިޑް ހަރަކާތް ހިންގަމުން އަންނަތާ ބައްކަރު ގަރުނެއްހާ ދުވަސް ވާން ކައިރިވެފައިވާކަން ފާހަގަކުރައްވައި ވިދާޅުވީ، މިއީ ދިވެހިން އަބަދުވެސް ރިވެތި އަޚްލާޤާއި ހުނަރުވެރިކަން ދަސްކުރުމަށް ދޭ އަހައްމިއްޔަތުކަން ރަމްޒުކޮށްދޭ ކަމެއް ކަމަށެވެ. އެގޮތުން، މި ހަރަކާތުގެ ސަބަބުން ކުދިންގެ ޞިއްޙަތަށް ސަމާލުކަންދީ، މުރާލިކަމާއެކު އެހެން މީހުންނަށް އޯގާތެރިވުމާއި، އިސްލާމްދީނާއި ޤައުމިއްޔަތަށް ލޯބިކުރާ ބަޔަކަށް އެކުދިން ވެގެންދާނެ ކަމަށް ވިދާޅުވިއެވެ.
މީގެއިތުރުން، އަމިއްލަ ނަފްސު އިޞްލާޙުކުރުމުގެ އިތުރުން މުޖުތަމަޢުގެ ލާބައަށް މަސައްކަތްކުރާނެ ހަރުދަނާ އަންހެން ޒުވާނުންތަކެއް އުފެއްދުމަށް ގައިޑް ހަރަކާތުން އެހީތެރިވެދޭކަން އެކަމަނާ ފާހަގަކުރެއްވިއެވެ. އަދި މިފަދަ ހަރަކާތްތަކުން ލިބޭ ތަމްރީނުގެ އަލީގައި، ޖަމާޢަތުގެ ފައިދާއަށް އިސްކަންދީ، ޤައުމީ ފެންވަރުގައި ނުފޫޒުގަދަ އަދި ބަލައިގަންނަ ފަދަ ލީޑަރުންގެ ގޮތުގައި މި ދަރިވަރުން މުސްތަޤުބަލުގައި ފެނިގެންދާނެ ކަމަށްވެސް އެކަމަނާ ވިދާޅުވިއެވެ.
— The President's Office (@presidencymv) September 16, 2026
ހަމައެއާއެކު، ދީނީ ވާޖިބުތަކަށް ރައްކާތެރިވެ، ނަމާދު ވަގުތުތަކަށް ސަމާލުކަން ދިނުމަކީ ކޮންމެ ކުއްޖެއްގެ ކިބައިގައިވެސް ހުންނަންޖެހޭނެ އެންމެ މުހިންމު ސިފަކަން ހަނދާންކޮށްދެއްވަމުން، ގައިޑުންނަކީ ޤައުމަށް އަގުހުރި އަދި މާތް ޚިދުމަތްތަކެއް ކޮށްދޭ ނަމޫނާ ބައެއްގެ ގޮތުގައި ފަސްޓް ލޭޑީ ވަނީ ސިފަކުރައްވާފައެވެ.
ކިޔުންތެރިންގެ ހިޔާލު