ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދުފުޅުތަކުގެ ތެރޭގައި ހިމެނޭ "އިޙްތިރާމް އަދާކުރުމުގެ ޤައުމީ މަޝްރޫޢު" ވިލަރެސްކުރުމަށް އެކުލަވާލި ކޮމިޓީގެ ފުރަތަމަ ބައްދަލުވުން ދިވެހިބަހާއި ސަޤާފަތާއި ތަރިކައާ ބެހޭ ވުޒާރާގައި ބާއްވައިފިއެވެ.

ސަރުކާރުން ޚާއްޞަ އިސްކަމެއް ދީގެން ކުރިއަށްގެންދާ މި ޤައުމީ މަޝްރޫޢު ރަސްމީކޮށް އިފްތިތާޙުކުރުމުގެ އެންމެ ފަހުގެ ތައްޔާރީތައް މިހާރު ދަނީ ކުރެވެމުންނެވެ.

މި މަޝްރޫޢުގެ މަސައްކަތްތައް ހަރުދަނާކަމާއެކު ވިލަރެސްކޮށް ހިންގުމަށްޓަކައި އެކުލަވާލާފައިވާ މި ކޮމިޓީގައި، ކަމާގުޅުންހުރި އެކި ވުޒާރާތަކާއި މުއައްސަސާތައް ތަމްސީލުކުރައްވާ ޖުމްލަ 9 މެންބަރުން ހިމެނިވަޑައިގަންނަވައެވެ.

ކޮމިޓީގައި ހިމެނިވަޑައިގަންނަވާ ބޭފުޅުންނަކީ:

1. ދިވެހިބަހާއި ސަޤާފަތާއި ތަރިކައާ ބެހޭ ވުޒާރާ: ޑެޕިއުޓީ މިނިސްޓަރ އިބްރާހީމް ޞަބާޙް

2. ދާޚިލީ ސަލާމަތާއި ފަންނިއްޔާތާ ބެހޭ ވުޒާރާ: ޑިރެކްޓަރ ނަސްރީނާ އިދްރީސް

3. ދިފާޢީ ވުޒާރާ: ކެޕްޓަން ޢަލީ ފަހުމީ

4. ތަޢުލީމީ ވުޒާރާ: އެޑިއުކޭޝަން ސުޕްރިންޓެންޑެންޓް މުޙައްމަދު ނާތިމް

5. މާލީ ވުޒާރާ: ޑެޕިއުޓީ މިނިސްޓަރ އަޙްމަދު އައިމަން

6. އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާ: ޑެޕިއުޓީ މިނިސްޓަރ މަރްޔަމް ލަހުފާ ޚަލީލް

7. އިސްލާމީ ކަންތައްތަކާ ބެހޭ ވުޒާރާ: ވާޢިޡު އަލްއުސްތާޛު އަޙްމަދު ފަހުމީ ދީދީ

8. ޒުވާނުން ބާރުވެރިކުރުވުމާ ބެހޭ ވުޒާރާ: ޑިރެކްޓަރ ޝާދިޔާ އަޙްމަދު

9. ޕަބްލިކް ސަރވިސް މީޑިއާ (ޕީ.އެސް.އެމް): އެގްޒެކެޓިވް ޑިރެކްޓަރ އިބްރާހީމް އިޤްބާލް

މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވުނީ މަޝްރޫޢު ކުރިއަށްގެންދިއުމަށް އެކަށައަޅާފައިވާ ޕްލޭންތަކާއި، ކޮމިޓީގެ ދައުރާއި ޒިންމާތަކާ ގުޅޭގޮތުންނެވެ. މީގެއިތުރުން، މަޝްރޫޢުގެ ލަނޑުދަނޑިތައް އެންމެ ފުރިހަމަ ގޮތުގައި ހާސިލުކުރުމަށްޓަކައި މުއައްސަސާތައް ގުޅިގެން މަސައްކަތްކުރާނެ ގޮތްތަކާ ބެހޭގޮތުންވެސް ފުޅާ ދާއިރާއެއްގައި ޚިޔާލު ބަދަލުކުރެވުނެވެ.