މިޞްރުގެ މިނިވަން ތަޙުޤީޤީ އަދި ޚަބަރުތަކުގެ ތެދުދޮގު ކަށަވަރުކުރާ މީޑިއާ ޕްލެޓްފޯމް "މަތުޞަދާޝް" ގެ މުޅި ނިއުސްރޫމްގައި މަސައްކަތްކުރާ ހުރިހާ ނޫސްވެރިން މިޞްރުގެ ސަރުކާރުން ހައްޔަރުކޮށްފިއެވެ.
ކޮމިޓީ ޓޫ ޕްރޮޓެކްޓް ޖާނަލިސްޓްސް (ސީޕީޖޭ) އިން ހާމަކޮށްފައިވާ ގޮތުގައި، މި ސެޕްޓެމްބަރު މަހުގެ 28 އާއި 29 ވަނަ ދުވަހާ ދެމެދު މިޞްރުގެ ސެކިއުރިޓީ ބާރުތަކުން ވަނީ އެ މީޑިއާގައި މަސައްކަތްކުރާ ހުރިހާ ނޫސްވެރިން ހައްޔަރުކޮށްފައެވެ.
މިއީ މިޞްރުގެ ސަރުކާރުން މިނިވަން ނޫސްވެރިކަމަށް ހުރަސްއެޅުމަށް ހިންގާ ހަރަކާތްތަކުގެ ތެރެއިން މީޑިއާ އައުޓްލެޓެއްގެ މުޅި އެޑިޓޯރިއަލް ޓީމު އެކީގައި ހައްޔަރުކުރި ފުރަތަމަ ފަހަރެވެ.
ހައްޔަރުކުރެވުނު ނޫސްވެރިންގެ ތެރެއިން ހަތަރު ނޫސްވެރިއަކު ހައްޔަރުކޮށްފައިވަނީ ގާހިރާ އަދި ޣަރްބިއްޔާއާއި ޕޯޓް ސައީދުގައި ހުންނަ އެމީހުންގެ ދިރިއުޅޭ ގޭގޭގެ ތެރެއިންނެވެ.
އަދި އަނެއް ދެ ނޫސްވެރިން ހައްޔަރުކޮށްފައިވަނީ ގާހިރާގެ މަގުމަތިންނެވެ. އެމީހުން ހައްޔަރުކުރި އިރު ސެކިއުރިޓީ ބާރުތަކުން ވަނީ އެމީހުން ބޭނުންކުރާ ފޯނުތަކާއި ލެޕްޓޮޕްތައް އަތުލައިގެންފައެވެ.
އެ ނޫސްވެރިން ހައްޔަރުކޮށްގެން ގެންދިޔައީ ކޮން ތަނަކަށް ކަމެއް އަދި އެމީހުންގެ މައްޗަށް ކުރެވޭ ތުހުމަތުތަކަކީ ކޮބައިކަން މިޞްރުގެ ކަމާބެހޭ އިދާރާތަކުން ރަސްމީކޮށް ހާމަކޮށްފައެއް ނުވެއެވެ.
މަތުޞަދާޝްއިން ވަނީ މިއީ ނޫސްވެރިކަމުގެ މިނިވަންކަމާ ދެކޮޅަށް ހިންގި "ނުރައްކާތެރި އަދި މީގެ ކުރިން ހިނގާފައިނުވާފަދަ"ބިރުވެރި ކަމެއްގެ ގޮތުގައި ސިފަކޮށްފައެވެ. ސީޕީޖޭ އިން ވަނީ މި ނޫސްވެރިން ވަގުތުން ދޫކޮށްލުމަށް މިޞްރުގެ ސަރުކާރަށް ގޮވާލާފައެވެ.
2018 ވަނަ އަހަރު އުފެއްދި "މަތުޞަދާޝް" އަކީ ޚަބަރުތަކުގެ ތެދުދޮގު ބަލައި، ސަރުކާރުގެ މަސްއޫލުވެރިން ދައްކަވާ ވާހަކަފުޅުތަކުގެ ތެދުކަން ކަށަވަރުކުރުކޮށް އެކަންކަމުގެ ތެދުދޮގު ހާމަކުރަމުންދާ ޚާއްޞަ މީޑިއާ ޕްލެޓްފޯމެކެވެ.
އެގޮތުން އެންމެ ފަހުން އެ ޕްލެޓްފޯމުން ވަނީ މިޞްރުގެ ޚާރިޖީ ވަޒީރު ބަދްރު ޢަބްދުލްޢާޠީ ރެފިއުޖީންނާ ގުޅޭގޮތުން ދެއްކެވި ވާހަކަފުޅުތަކުގެ ތެދުދޮގު ބަލައި ރިޕޯޓެއް ޝާއިޢުކޮށްފައެވެ.
މީގެއިތުރުން ޕްރޮސެކިއުޝަންގެ މަޤާމުތަކަށް މީހުން ހަމަޖެއްސުމުގައި އުޞޫލާ ޚިލާފަށް ކަންކަން ކުރާކަމަށް ބުނެ އަދި ސަރުކާރުގެ ކޮރަޕްޝަނާ ގުޅޭ ތަޙުޤީޤީ ރިޕޯޓުތަކެއްވެސް އެ މީޑިއާއިން ވަނީ އާންމުކޮށްފައެވެ.
މި ހާދިސާއާއެކު މިޞްރުގައި ޖަލަށްލެވިފައިވާ ނޫސްވެރިންގެ އަދަދު ވަނީ 26 އަށް އަރާފައެވެ.
މިޞްރަކީ މުޅި ދުނިޔޭގައިވެސް ނޫސްވެރިން އެންމެ ގިނައިން ޖަލަށްލާ އަދި ނޫސްވެރިކަމުގެ މިނިވަންކަން އެންމެ ބޮޑަށް ހަނިކޮށްފައިވާ އެއް ޤައުމެވެ. ސީޕީޖޭއާއި ބައިނަލްއަޤްވާމީ އިންސާނީ ޙައްޤުތަކަށް މަސައްކަތްކުރާ ޖަމްޢިއްޔާތަކުން ވަނީ މިޞްރުގައި ނޫސްވެރިންނަށް ކުރިމަތިވަމުންދާ ފިއްތުންތަކާމެދު ކަންބޮޑުވުން ފާޅުކޮށް، ބައިނަލްއަޤްވާމީ މުޖުތަމަޢުން މިކަމަށް ސަމާލުކަން ދިނުމަށް ގޮވާލާފައެވެ.
މިއީ މިޞްރުގެ ސަރުކާރުން މިނިވަން ނޫސްވެރިކަމަށް ހުރަސްއެޅުމަށް ހިންގާ ހަރަކާތްތަކުގެ ތެރެއިން މީޑިއާ އައުޓްލެޓެއްގެ މުޅި އެޑިޓޯރިއަލް ޓީމު އެކީގައި ހައްޔަރުކުރި ފުރަތަމަ ފަހަރެވެ.
ހައްޔަރުކުރެވުނު ނޫސްވެރިންގެ ތެރެއިން ހަތަރު ނޫސްވެރިއަކު ހައްޔަރުކޮށްފައިވަނީ ގާހިރާ އަދި ޣަރްބިއްޔާއާއި ޕޯޓް ސައީދުގައި ހުންނަ އެމީހުންގެ ދިރިއުޅޭ ގޭގޭގެ ތެރެއިންނެވެ.
އަދި އަނެއް ދެ ނޫސްވެރިން ހައްޔަރުކޮށްފައިވަނީ ގާހިރާގެ މަގުމަތިންނެވެ. އެމީހުން ހައްޔަރުކުރި އިރު ސެކިއުރިޓީ ބާރުތަކުން ވަނީ އެމީހުން ބޭނުންކުރާ ފޯނުތަކާއި ލެޕްޓޮޕްތައް އަތުލައިގެންފައެވެ.
އެ ނޫސްވެރިން ހައްޔަރުކޮށްގެން ގެންދިޔައީ ކޮން ތަނަކަށް ކަމެއް އަދި އެމީހުންގެ މައްޗަށް ކުރެވޭ ތުހުމަތުތަކަކީ ކޮބައިކަން މިޞްރުގެ ކަމާބެހޭ އިދާރާތަކުން ރަސްމީކޮށް ހާމަކޮށްފައެއް ނުވެއެވެ.
މަތުޞަދާޝްއިން ވަނީ މިއީ ނޫސްވެރިކަމުގެ މިނިވަންކަމާ ދެކޮޅަށް ހިންގި "ނުރައްކާތެރި އަދި މީގެ ކުރިން ހިނގާފައިނުވާފަދަ"ބިރުވެރި ކަމެއްގެ ގޮތުގައި ސިފަކޮށްފައެވެ. ސީޕީޖޭ އިން ވަނީ މި ނޫސްވެރިން ވަގުތުން ދޫކޮށްލުމަށް މިޞްރުގެ ސަރުކާރަށް ގޮވާލާފައެވެ.
2018 ވަނަ އަހަރު އުފެއްދި "މަތުޞަދާޝް" އަކީ ޚަބަރުތަކުގެ ތެދުދޮގު ބަލައި، ސަރުކާރުގެ މަސްއޫލުވެރިން ދައްކަވާ ވާހަކަފުޅުތަކުގެ ތެދުކަން ކަށަވަރުކުރުކޮށް އެކަންކަމުގެ ތެދުދޮގު ހާމަކުރަމުންދާ ޚާއްޞަ މީޑިއާ ޕްލެޓްފޯމެކެވެ.
އެގޮތުން އެންމެ ފަހުން އެ ޕްލެޓްފޯމުން ވަނީ މިޞްރުގެ ޚާރިޖީ ވަޒީރު ބަދްރު ޢަބްދުލްޢާޠީ ރެފިއުޖީންނާ ގުޅޭގޮތުން ދެއްކެވި ވާހަކަފުޅުތަކުގެ ތެދުދޮގު ބަލައި ރިޕޯޓެއް ޝާއިޢުކޮށްފައެވެ.
މީގެއިތުރުން ޕްރޮސެކިއުޝަންގެ މަޤާމުތަކަށް މީހުން ހަމަޖެއްސުމުގައި އުޞޫލާ ޚިލާފަށް ކަންކަން ކުރާކަމަށް ބުނެ އަދި ސަރުކާރުގެ ކޮރަޕްޝަނާ ގުޅޭ ތަޙުޤީޤީ ރިޕޯޓުތަކެއްވެސް އެ މީޑިއާއިން ވަނީ އާންމުކޮށްފައެވެ.
މިޞްރަކީ މުޅި ދުނިޔޭގައިވެސް ނޫސްވެރިން އެންމެ ގިނައިން ޖަލަށްލާ އަދި ނޫސްވެރިކަމުގެ މިނިވަންކަން އެންމެ ބޮޑަށް ހަނިކޮށްފައިވާ އެއް ޤައުމެވެ. ސީޕީޖޭއާއި ބައިނަލްއަޤްވާމީ އިންސާނީ ޙައްޤުތަކަށް މަސައްކަތްކުރާ ޖަމްޢިއްޔާތަކުން ވަނީ މިޞްރުގައި ނޫސްވެރިންނަށް ކުރިމަތިވަމުންދާ ފިއްތުންތަކާމެދު ކަންބޮޑުވުން ފާޅުކޮށް، ބައިނަލްއަޤްވާމީ މުޖުތަމަޢުން މިކަމަށް ސަމާލުކަން ދިނުމަށް ގޮވާލާފައެވެ.
ކިޔުންތެރިންގެ ހިޔާލު