ގްރޭޓާ މާލެ ކަނެކްޓިވިޓީ ޕްރޮޖެކްޓް (ތިލަމާލެ ބުރިޖު) ގެ ދަށުން ވިލިމާލެއާއި ގުޅިފަޅު ގުޅާލުމަށް އަޅާ ބުރިޖުގެ އެންމެ ފަހުގެ ގުޅުވުންތައް މި ހިނގާ އޮކްޓޫބަރު މަހުގެ ނިޔަލަށް ނިންމުމުގެ އަމާޒުގައި މަސައްކަތްތައް ބާރަށް ކުރިއަށްދާ ކަމަށް އިމާރާތްކުރުމާއި ބިނާރާ ބެހޭ ވުޒާރާއިން ހާމަކޮށްފިއެވެ.
މާލެ، ވިލިމާލެ، ގުޅިފަޅު އަދި ތިލަފުށި އެއްގަމު މަގުން ގުޅުވާލުމަށް ސަރުކާރުން ހިންގާ މި ބިޔަ މަޝްރޫޢުގެ ތެރެއިން މާލެއިން ވިލިމާލެއަށް ބުރިޖު ގުޅާލުމުގެ މަސައްކަތް ނިމިދިޔަ އޮގަސްޓް މަހުގެ ފަހުކޮޅު ވަނީ ކާމިޔާބުކަމާއެކު ނިންމާލާފައެވެ. އެއަށްފަހު، މިހާރު އެންމެ ހަލުވިކަމާއެކު ކުރިއަށްދަނީ ވިލިމާލެއިން ގުޅިފަޅަށް ބުރިޖު ގުޅާލުމުގެ އަމަލީ މަސައްކަތްތަކެވެ.
މި މަޝްރޫޢުގެ އެންމެ ފަހުގެ ތަފްސީލުތައް ހިއްސާކުރައްވަމުން އިމާރާތްކުރުމާއި ބިނާރާ ބެހޭ ވަޒީރު ޑރ. ޢަބްދުﷲ މުއްޠަލިބް ވިދާޅުވީ، ވިލިމާލެއިން ގުޅިފަޅަށް ބުރިޖު އެއްކޮށް ގުޅާލުމަށް މިހާރު ބާކީ އޮތީ އެންމެ ސެގްމަންޓެއްގެ މަސައްކަތް ކަމަށެވެ. މިއީ ގުޅިފަޅުގައި ޤާއިމުކޮށްފައިވާ ސައިޓުގައި ކުރިން ތައްޔާރުކޮށްފައިވާ (ޕްރީ-ފެބްރިކޭޓެޑް) ބައިތަކެއް ގެނެސްގެން ގުޅާލެވޭ ބައިތަކެއްކަން ވަޒީރު ފާހަގަކުރެއްވިއެވެ.
ވިލިމާލެއާއި ގުޅިފަޅާ ދެމެދު އެޅޭ ބުރިޖުގެ ދިގުމިނުގައި 750 މީޓަރު ހުންނައިރު، މި ބައި ތިލަފުއްޓާ ގުޅިގެންދާނީ ގުޅިފަޅުގައި ހަދާ 2.5 ކިލޯމީޓަރުގެ ޒަމާނީ ހައިވޭއަކުންނެވެ. އަދި އޭގެ އިތުރުން ގުޅިފަޅުން ތިލަފުއްޓަށް އެޅުމަށް ހަމަޖެހިފައިވަނީ 600 މީޓަރުގެ ބުރިޖެކެވެ.
މީގެއިތުރުން، ކުރިން ގުޅާލެވުނު މާލެއާއި ވިލިމާލެއާ ދެމެދު އޮތް ބުރިޖުގެ މަސައްކަތްތައް މިހާރު އޮތީ ފިނިޝިންގ މަރުހަލާގައެވެ. އެގޮތުން ދުއްވާ އެއްޗެހި ދަތުރުކުރާ ލޭންތައް ވަކިކުރުމަށް އަޅާ މީޑިއަން ބެރިއަރުތަކާއި، ތާރުއެޅުމުގެ ކުރިން ބުރިޖުގެ ޑެކް ތައްޔާރުކުރުމުގެ މުހިންމު މަސައްކަތްތައް ދަނީ ހިނގަމުންނެވެ. އަދި އުޅަނދުތަކާއި ފައިމަގުގައި އުޅޭ މީހުންގެ ސަލާމަތަށް ޖަހާ ރެއިލިންގތަކާއި، މަގުބައްތިތަކުގެ އިތުރުން، ސަލާމަތީ ކަންކަން ބެލެހެއްޓުމަށް ބަހައްޓާ ސީސީޓީވީ ކެމެރާތައް ހަރުކުރުމުގެ ތައްޔާރީތައް ވެސް ދަނީ ފުރިހަމަކުރަމުންނެވެ.
އިންޑިއާ ސަރުކާރުގެ އެގްޒިމް ބޭންކުގެ ލައިން އޮފް ކްރެޑިޓާއި ދިވެހި ސަރުކާރުގެ ބަޖެޓުން ޚަރަދުކޮށްގެން ކުރިއަށްގެންދާ 500 މިލިއަން ޑޮލަރު (ގާތްގަނޑަކަށް 7.7 ބިލިއަން ރުފިޔާ) ގެ މި ބިޔަ މަޝްރޫޢުގެ %77 މަސައްކަތް މިހާރު ވަނީ ކާމިޔާބުކަމާއެކު ނިމިފައެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން މި މަޝްރޫޢުގެ މަސައްކަތްތައް ވަރަށް ގާތުން ބައްލަވަމުން ގެންދަވާއިރު، ސަރުކާރުގެ އެންމެ ބޮޑު އަމާޒަކީ އަންނަ އަހަރުގެ ނިޔަލަށް ތިލަމާލެ ބުރިޖުގެ މުޅި މަޝްރޫޢު އެއްކޮށް ނިންމައި ރައްޔިތުންނަށް އޭގެ ލުއިފަސޭހަކަން ހޯދައިދިނުމެވެ.
މި މަޝްރޫޢުގެ އެންމެ ފަހުގެ ތަފްސީލުތައް ހިއްސާކުރައްވަމުން އިމާރާތްކުރުމާއި ބިނާރާ ބެހޭ ވަޒީރު ޑރ. ޢަބްދުﷲ މުއްޠަލިބް ވިދާޅުވީ، ވިލިމާލެއިން ގުޅިފަޅަށް ބުރިޖު އެއްކޮށް ގުޅާލުމަށް މިހާރު ބާކީ އޮތީ އެންމެ ސެގްމަންޓެއްގެ މަސައްކަތް ކަމަށެވެ. މިއީ ގުޅިފަޅުގައި ޤާއިމުކޮށްފައިވާ ސައިޓުގައި ކުރިން ތައްޔާރުކޮށްފައިވާ (ޕްރީ-ފެބްރިކޭޓެޑް) ބައިތަކެއް ގެނެސްގެން ގުޅާލެވޭ ބައިތަކެއްކަން ވަޒީރު ފާހަގަކުރެއްވިއެވެ.
ވިލިމާލެއާއި ގުޅިފަޅާ ދެމެދު އެޅޭ ބުރިޖުގެ ދިގުމިނުގައި 750 މީޓަރު ހުންނައިރު، މި ބައި ތިލަފުއްޓާ ގުޅިގެންދާނީ ގުޅިފަޅުގައި ހަދާ 2.5 ކިލޯމީޓަރުގެ ޒަމާނީ ހައިވޭއަކުންނެވެ. އަދި އޭގެ އިތުރުން ގުޅިފަޅުން ތިލަފުއްޓަށް އެޅުމަށް ހަމަޖެހިފައިވަނީ 600 މީޓަރުގެ ބުރިޖެކެވެ.
މީގެއިތުރުން، ކުރިން ގުޅާލެވުނު މާލެއާއި ވިލިމާލެއާ ދެމެދު އޮތް ބުރިޖުގެ މަސައްކަތްތައް މިހާރު އޮތީ ފިނިޝިންގ މަރުހަލާގައެވެ. އެގޮތުން ދުއްވާ އެއްޗެހި ދަތުރުކުރާ ލޭންތައް ވަކިކުރުމަށް އަޅާ މީޑިއަން ބެރިއަރުތަކާއި، ތާރުއެޅުމުގެ ކުރިން ބުރިޖުގެ ޑެކް ތައްޔާރުކުރުމުގެ މުހިންމު މަސައްކަތްތައް ދަނީ ހިނގަމުންނެވެ. އަދި އުޅަނދުތަކާއި ފައިމަގުގައި އުޅޭ މީހުންގެ ސަލާމަތަށް ޖަހާ ރެއިލިންގތަކާއި، މަގުބައްތިތަކުގެ އިތުރުން، ސަލާމަތީ ކަންކަން ބެލެހެއްޓުމަށް ބަހައްޓާ ސީސީޓީވީ ކެމެރާތައް ހަރުކުރުމުގެ ތައްޔާރީތައް ވެސް ދަނީ ފުރިހަމަކުރަމުންނެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން މި މަޝްރޫޢުގެ މަސައްކަތްތައް ވަރަށް ގާތުން ބައްލަވަމުން ގެންދަވާއިރު، ސަރުކާރުގެ އެންމެ ބޮޑު އަމާޒަކީ އަންނަ އަހަރުގެ ނިޔަލަށް ތިލަމާލެ ބުރިޖުގެ މުޅި މަޝްރޫޢު އެއްކޮށް ނިންމައި ރައްޔިތުންނަށް އޭގެ ލުއިފަސޭހަކަން ހޯދައިދިނުމެވެ.
ކިޔުންތެރިންގެ ހިޔާލު