ދިވެހި އަސްކަރިއްޔާއާ މެދު އެއްވެސް ފަރާތަކުން ޙަޤީޤަތާ ޚިލާފު އެއްވެސް ވާހަކައެއް ފަތުރައިގެން ނުވާނެ ކަމަށް ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޑރ. ޝަހީމް މިމޭރުމުން ވިދާޅުވެފައިވަނީ އުތުރު ތިލަފަޅުގައި ޑޮކްޔާޑެއް ތަރައްގީ ކުރުމަށް އިންޑިއާ ސަރުކާރާއިއެކު ދިވެހި ސަރުކާރުން ވެފައިވާ އެއްބަސްވުމާ ގުޅިގެން ދިވެހި އަސްކަރިއްޔާއަށް އަމާޒުކޮށް ބޮޑެތި ތުހުމަތު ތަކެއް ކުރަމުންދާތީ އެކަމަށް ރައްދު ދިނުމުގެ ގޮތުންނެވެ.
ޑރ. ޝަހީމް ވިދާޅުވީ، ދިވެހި ޢަސްކަރިއްޔާއަކީ ދިވެހި ދައުލަތުގެ އެންމެ މަތީ ޝަރަފްވެރި މުއައްސަސާ ކަމަށެވެ. އަދި އެއީ ދިވެހިންގެ ދީނާއި ޤައުމުގެ ދިފާޢީ އަށްޑަނަ ކަމަށް ޑރ. ޝަހީމް ވިދާޅުވިއެވެ. އެހެންކަމުން އެ މުޢައްސަސާގެ ޝަރަފް ދެމެހެއްޓުމަށް އެންމެންވެސް މަސައްކަތް ކުރަންވާނެ ކަމަށް ޑރ. ޝަހީމް ވިދާޅުވިއެވެ.
"ހުރިހާ ފަރާތްތަކުން ވެސް އެ މުއައްސަސާގެ ޝަރަފާއި އައުދާނަކަން ދަމަހައްޓަވަންވާނެކަމަށް ދެކެން. ޢަސްކަރިއްޔާއާމެދު ޙަޤީޤަތާ ޚިލާފު އެއްވެސް ވާހަކައެއް ފަތުރައިގެން ނުވާނެ." އަސްކަރިއްޔާ އަށް ނިސްބަތްކޮށް ކުރަމުންދާ ތުހުމަތުތަކަށް ރައްދު ދެއްވަމުން ޑރ. ޝަހީމް ވިދާޅުވިއެވެ.
ޑރ. ޝަހީމް މި ބީދައިން އަސްކަރިއްޔާ ދިފާޢު ކުރަށްވާފައިވާއިރު، ޑރ. ޝަހީމް ނިސްބަތްވެ ވަޑައިގަންނަވާ އިދިކޮޅު ޕީޕީއެމްގެ ލީޑަރޝިޕްގެ ބައެއް އިސް ބޭފުޅުން ގެންދަވަނީ އަސްކަރިއްޔާއަށް ނިސްބަތްކޮށް އެތައް ތުހުމަތެއް ކުރަމުންނެވެ. އިދިކޮޅުގެ ތުހުމަތުތަކާ ގުޅިގެން ދިފާޢީ ވުޒާރާއިން ބުނެފައިވަނީ ދިވެހިރާއްޖޭގެ ޤައުމީ ދިފާޢީ ބާރަށް އަމާޒުކޮށް، ހަޤީޤަތާ ޚިލާފް ޕްރޮޕެގެންޑާ ފަތުރާ، ރިޝްވަތުގެ ހުތުރު އިލްޒާމް އަޅުވާ، ޒަމާނުއްސުރެ ދިވެހި އަސްކަރިއްޔާއަށް ދިވެހި ރައްޔިތުންގެ ހިތްތަކުގައި އޮންނަ އިތުބާރާއި އިޙްތިރާމާއި ޤަދަރު ނަގާލުމަށް ކުރަމުންގެންދާ މަސައްކަތަށް ފުރުޞަތު ނުދޭނެ ކަމަށެވެ.
މީގެ އިތުރުން ސިޔާސީ މަންފާއެއް ހޯދުމަށް ސިފައިންގެ މުއައްސަސާ ސިޔާސީ ޕްރޮޕެގަންޑާ އެއްގައި ޖެއްސިދާނެކަމަށް ބަޔަކަށް ހީވާނަމަ އެއީ ވަރަށް ބޮޑު ކުށްހީއެއް ކަމަށާއި އަދި ސިފައިންގެ ތެރޭގައި ބައިބައިވުން އުފައްދަން މަސައްކަތްކުރާ ފަރާތްތަކަށް އެ ފުރުސަތު ނުދެއްވާނެކަމަށް ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލު ވެސް ވަނީ ވިދާޅުވެފައެވެ.
ޑރ. ޝަހީމް ވިދާޅުވީ، ދިވެހި ޢަސްކަރިއްޔާއަކީ ދިވެހި ދައުލަތުގެ އެންމެ މަތީ ޝަރަފްވެރި މުއައްސަސާ ކަމަށެވެ. އަދި އެއީ ދިވެހިންގެ ދީނާއި ޤައުމުގެ ދިފާޢީ އަށްޑަނަ ކަމަށް ޑރ. ޝަހީމް ވިދާޅުވިއެވެ. އެހެންކަމުން އެ މުޢައްސަސާގެ ޝަރަފް ދެމެހެއްޓުމަށް އެންމެންވެސް މަސައްކަތް ކުރަންވާނެ ކަމަށް ޑރ. ޝަހީމް ވިދާޅުވިއެވެ.
"ހުރިހާ ފަރާތްތަކުން ވެސް އެ މުއައްސަސާގެ ޝަރަފާއި އައުދާނަކަން ދަމަހައްޓަވަންވާނެކަމަށް ދެކެން. ޢަސްކަރިއްޔާއާމެދު ޙަޤީޤަތާ ޚިލާފު އެއްވެސް ވާހަކައެއް ފަތުރައިގެން ނުވާނެ." އަސްކަރިއްޔާ އަށް ނިސްބަތްކޮށް ކުރަމުންދާ ތުހުމަތުތަކަށް ރައްދު ދެއްވަމުން ޑރ. ޝަހީމް ވިދާޅުވިއެވެ.
ދިވެހި ޢަސްކަރިއްޔާއަކީ ދިވެހި ދައުލަތުގެ އެންމެ މަތީ ޝަރަފްވެރި މުއައްސަސާ. ދީނާއި ޤައުމުގެ ދިފާޢީ އަށްޑަނަ. ހުރިހާ ފަރާތްތަކުން ވެސް އެ މުއައްސަސާގެ ޝަރަފާއި އައުދާނަކަން ދަމަހައްޓަވަންވާނެކަމަށް ދެކެން. ޢަސްކަރިއްޔާއާމެދު ޙަޤީޤަތާ ޚިލާފު އެއްވެސް ވާހަކައެއް ފަތުރައިގެން ނުވާނެ pic.twitter.com/ww9P6VKnhL
— Mohamed Shaheem Ali Saeed (@Mohamedshaheem1) March 19, 2021
މީގެ އިތުރުން ސިޔާސީ މަންފާއެއް ހޯދުމަށް ސިފައިންގެ މުއައްސަސާ ސިޔާސީ ޕްރޮޕެގަންޑާ އެއްގައި ޖެއްސިދާނެކަމަށް ބަޔަކަށް ހީވާނަމަ އެއީ ވަރަށް ބޮޑު ކުށްހީއެއް ކަމަށާއި އަދި ސިފައިންގެ ތެރޭގައި ބައިބައިވުން އުފައްދަން މަސައްކަތްކުރާ ފަރާތްތަކަށް އެ ފުރުސަތު ނުދެއްވާނެކަމަށް ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލު ވެސް ވަނީ ވިދާޅުވެފައެވެ.
ކިޔުންތެރިންގެ ހިޔާލު