މަތީ ސާނަވީ ފެންވަރަށް ކިޔަވައިދޭ ސްކޫލުތަކުގެ ވެރިންނާ ތަޢުލީމާބެހޭ ވަޒީރު ޑރ. އައިޝަތު ޢަލީ ބައްދަލުކުރައްވައިފިއެވެ.

އޮންލައިންކޮށް ބޭއްވި މި ބައްދަލުވުމުގައި ޑރ. އައިޝަތު އަލީ ވަނީ ސްކޫލުތަކުގައި ކިޔެވުން ކުރިއަށް ގެންދިއުމާ މެދު މަޝްވަރާކުރައްވައިފައެވެ. އަދި ކޯވިޑް-19 ގެ ސަބަބުން ފަސް ކުރެވުނު މޭ، ޖޫންގެ އޭ ލެވެލް އިމްތިހާނަށް ދަރިވަރުން ތައްޔާރު ކުރުމަށް ކުރެވޭނެ ކަންތައްތަކާ ބެހޭގޮތުން މިނިސްޓަރ ވަނީ މަޝްވަރާކުރައްވައިފައެވެ.

މިއަހަރުގެ މޭ އަދި ޖޫން މަހު ބޭއްވުމަށް ހަމަޖައްސާފައިވާ އޭލެވެލް އިމްތިހާނު ކޯވިޑް-19 ގެ ސަބަބުން، އޮކްޓޫބަރު އަދި ނޮވެމްބަރު މަހަށް ވަނީ ފަސްކޮށްފައެވެ. އަދި ސްކޫލުތަކުގެ ކިޔެވުންވެސް މެދުކަނޑާލައިފައި އޮންނަތާ ގިނަ ދުވަސްތަކެއް ވެއްޖެއެވެ.

އެޑިއުކޭޝަން މިނިސްޓަރ މީގެ ކުރިން ވަނީ ރާއްޖޭގެ 212 ސްކޫލެއްގެ ޕްރިންސިޕަލުންނާވެސް އޮންލައިންކޮށް ބައްދަލުކުރައްވައި، ކްލާސްތައް ކުރިއަށް ގެންދެވޭނެ ގޮތްތަކާމެދު މަޝްވަރާކުރައްވައިފަވެ.