އެސްޓީއޯ ކާޑު ގުދަން ޑިސްއިންފެކްޓު ކުރުމަށްފަހު ހިދުމަތް އަލުން ފަށައިފިއެވެ.

އެސްޓީއޯ ކާޑު ގުދަން ބަންދުކޮށްފައިވަނީ އެތަނުގައި މަސައްކަތް ކުރާ ތިން މުވައްޒަފަކު ކޯވިޑް-19 އަށް ޕޮޒިޓިވްވުމާ ގުޅިގެންނެވެ.

އެސްޓީއޯއިން ބުނީ ސްޓާފް ކުއާޓާ، ވެހިކަލް ގަރާޖު، ސްޓޭޕަލް ފުޑް ގޯޑައުން، ސުޕަމާޓު ގުދަން ޑިސްއިންފެކްޓު ކުރުމަށްފަހު މިއަދު މެންދުރުފަހު 1:30 ގައި އަލުން ހުޅުވާފައިވާ ކަމަށެވެ.

މީގެ އިތުރުން އޮޕަރޭޝަންސްތަކުގައި ބޭނުންކުރާ ވެހިކަލްތައް ވެސް ޑިސްއިންފެކްޓް ކޮށްފައިވާ ކަމަށް އެސްޓީއޯއިން ވަނީ ބުނެފައެވެ.

އެސްޓީއޯއިން ކޯވިޑް-19 އަށް ޕޮޒިޓިވް ވެފައިވަނީ ހަތަރު ބިދޭސީ އަކާއި އެއް ދިވެއްސެކެވެ. މީގެ އިތުރުން އެ ކުންފުނީގެ 31 ބިދޭސީން މިވަގުތު ގުޅީފަޅުގައި ކަރަންޓީނުގައި ވަނީ ބައިތިއްބާފައެވެ. އަދި އެ ކުންފުނިން ކަރަންޓީން ކުރެވުނު ތިން ދިވެހިން ވެސް ވަނީ ކޯވިޑް-19 އަށް ނެގެޓިވް ވެފައެވެ.