14:00 (21 މެއި )

އިތުރު 30 މީހަކު ރާއްޖެއިން ކޮވިޑް-19 އަށް ފައްސިވެއްޖެ އެވެ.

އެކަން ހާމަކޮށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ، މިއަދު 2:00 އާއި ހަމައަށް ރާއްޖެއިން އިތުރު 30 މީހަކު ކޮވިޑް-19 އަށް ފައްސިވެފައިވާ ކަމަށެވެ. މީގެ ތެރޭގައި ހިމެނެނީ 14 ދިވެހިންނާއި، ބަންގްލަދޭޝް 10 މީހުންގެ އިތުރުން، އިންޑިއާ ހަ މީހެކެވެ. ރާއްޖެއިން ކޮވިޑް-19 ޖެހުނު މީހުންގެ އަދަދު މިހާރު ވަނީ 1216 އަށް އަރާފައެވެ.

12:00 (20 މެއި)

އިތުރު 43 މީހަކު ރާއްޖެއިން ކޮވިޑް-19 އަށް ފައްސިވެއްޖެ އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވާގޮތުގައި މިއަދު 10:00 އާއި ހަމައަށް ކޮވިޑް-19 އަށް ފައްސިވެފައި ވަނީ 10 ދިވެހިންނާއި ބަންގްލަދޭޝްގެ 28 މީހަކާއި އިންޑިއާގެ 04 މީހަކާއި ނޭޕާލް މީހެކެވެ.

އެހެންކަމުން މިހާރު ރާއްޖެ އިން ކޮވިޑް-19 އަށް ފައްސިވި މީހުންގެ ޖުމްލަ އަދަދު ވަނީ 1186 އަށް އަރާފައެވެ.

=============================

16:30 (19 މެއި)

ކޯވިޑް-19 އަށް ރާއްޖެއިން އިތުރު 37 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމަލް އަދަދު 1143 އަށް އަރައިފިއެވެ.

އެޗްޕީއޭއިން މިއަދު އަދާހަމަކޮށްފައިވާ މައުލޫމާތުގައި ވާގޮތުން މިއަދު ޕޮޒިޓިވްވި މި 37 މީހުންގެ ތެރޭގައި ހިމެނެނީ 15 ދިވެހިންނާއި ބަނގްލަދޭޝްގެ 19 މީހުންގެ އިތުރުން އިންޑިއާ 03 މީހެކެވެ.

=========================================

23:15 (18 މެއި)

އިތުރު 12 މީހުން ކޯވިޑް-19އަށް ޕޮޒިޓިވްވެ ރާއްޖޭގައި މިބަލި ޖެހުނު މީހުންގެ ޢަދަދު 1106އަށް އަރައިފިއެވެ.

ޢެޗްޕީއޭ އިން ބުނީ މިއަދު 12 މީހަކު ކޮވިޑަށް ފައްސިވެފައިވާ ކަމަށެވެ. ރާއްޖޭގައި މިބައްޔަށް ޕޮޒިޓިވްވި މިހުންގެ ތެރޭގައި ގިނައީ ބިދޭސީ މަސައްކަތްތެރިންނެވެ.

=========================================

00:45 (17 މެއި)

ކޯވިޑް-19 އަށް ރާއްޖެއިން އިތުރު 04 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމަލް އަދަދު 1094 އަށް އަރައިފިއެވެ.

އެޗްޕީއޭއިން މިރޭ އަދާހަމަކޮށްފައިވާ މައުލޫމާތުގައި ވާގޮތުން މިއަދު ޕޮޒިޓިވްވި މި 04 މީހުންނަކީ ވެސް ދިވެހިންނެވެ.

==================================

22:00 (16 މެއި)

ކޯވިޑް-19 އަށް ރާއްޖެއިން އިތުރު 12 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމަލް އަދަދު 1090 އަށް އަރައިފިއެވެ.

އެޗްޕީއޭއިން މިރޭ އަދާހަމަކޮށްފައިވާ މައުލޫމާތުގައި ވާގޮތުން މިއަދު ޕޮޒިޓިވްވި މި 12 މީހުންގެ ތެރޭގައި ހިމެނެނީ 5 ދިވެހިންނާއި ބަނގްލަދޭޝްގެ 5 މީހުންގެ އިތުރުން ސްރީލަންކާ މީހަކާއި، އިންޑިއާ މީހެކެވެ.

==================================

19:00 (16 މެއި)

ކޯވިޑް-19 އަށް ރާއްޖެއިން އިތުރު 47 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމަލް އަދަދު 1078 އަށް އަރައިފިއެވެ.

އެޗްޕީއޭއިން މިރޭ އަދާހަމަކޮށްފައިވާ މައުލޫމާތުގައި ވާގޮތުން މިއަދު ޕޮޒިޓިވްވި މި 47 މީހުންގެ ތެރޭގައި ހިމެނެނީ 19 ދިވެހިންނާއި ބަނގްލަދޭޝްގެ 22 މީހުންގެ އިތުރުން ނޭޕާލް 2 މީހުންނާއި، އިންޑިއާ 4 މީހެކެވެ.

==================================

03:50 (16 މެއި)

ކޯވިޑް-19 އަށް މިއަދު ރާއްޖެއިން 11 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމަލް އަދަދު 1031 އަށް އަރައިފިއެވެ.

އެޗްޕީއޭއިން މިރޭ އަދާހަމަކޮށްފައިވާ މައުލޫމާތުގައި ވާގޮތުން މިއަދު ޕޮޒިޓިވްވި މި 11 މީހުންގެ ތެރޭގައި ހިމެނެނީ 8 ދިވެހިންނާއި ބަނގްލަދޭޝްގެ ތިން މީހެކެވެ.

==================================

17:25 (15 މެއި)

ކޯވިޑް-19 އަށް މިއަދު ރާއްޖެއިން 38 މީހަކު ޕޮޒިޓީވް ވެ ރާއްޖެއިން ބައްޔަށް ޕޮޒިޓިވް ވި މީހުންގެ ޖުމްލަ 1020 އަށް ރައިފިއެވެ.

ކޯވިޑް-19 ގެ އަދާހަމަ ކޮށްފައިވާ މައުލޫމާތަށް ބަލާއިރު ރާއްޖެއިން މިއަދު ޕޮޒިޓިވް ވި 38 މީހުންގެ ތެރޭގައި ހިމެނެނީ 29 ދިވެހިންނާއި ބަނގްލަދޭޝްގެ 8 މީހަކާއި ނެޕާލް މީހެކެވެ.

މިއަދު ޕޮޒިޓިވްވި މީހުންގެ ތެރޭގައި އިއްޔެގެ ޕްރެސް ކޮންފަރެންސްގައި އިޢުލާން ކުރި 14 މީހަކުވެސް ހިމެނޭކަމަށް އެޗްޕީއޭއިން ބުނެފައި ވެއެވެ.

========================================

13:30 (14 މެއި)

ރާއްޖެއިން ކޯވިޑް-19 އަށް އިތުރު 13 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ 968 އަށް އަރައިފިއެވެ.

މިއަދު 13:00 އާއި ހަމައަށް އެޗްޕީއޭއިން އަދާހަމަކޮށްފައިވާ މައުލޫމާތުގައިވާ ގޮތުން މިއަދު ޕޮޒިޓިވް ވި މި 13 މީހުންގެ ތެރޭގައި ހިމެނެނީ 08 ދިވެހިންނާއި ބަނގްލަދޭޝްގެ 05 މީހުންނެވެ.

======================================

23:30 (13 މެއި)

ކޯވިޑް-19 އަށް ޕޮޒިޓިވްވި 88 އަހަރުގެ ދިވެއްސަކު ނިޔާވެ، ރާއްޖޭން ބަލީގައި ނިޔާވި މީހުންގެ އަދަދު ހަތަރަކަށް އަރައިފިއެވެ.

މިރޭ ނިޔާވީ މަޝްހޫރު ވިޔަފާރިވެރިޔާ ހުސައިން އަބްދުﷲ އެވެ. އޭނާ އަކީ އެމްއެޗްއޭ ގެ ވެރިޔާ އެވެ.

އޭނާ ނިޔާވެފައިވަނީ މިރޭ 11:15 ހާއިރުކަމަށް ހެލްތު ޕްރޮޓެކްޝަން އެޖެންސީ، އެޗްޕީއޭއިން ވިދާޅުވެއެވެ.

ރާއްޖެއިން ކޯވިޑް-19 ޖެހިގެން މިހާތަނަށް މަރުވެފައިވަނީ ދިވެހި 2 ފިރިހެނުންނާއި، ދިވެހި އަންހެނެއްގެ އިތުރުން ބަނގްލަދޭޝްގެ ފިރިހެނެކެވެ.

======================================

22:00 (13 މެއި)

ރާއްޖެއިން ކޯވިޑް-19 އަށް އިތުރު 51 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ 955 އަށް އަރައިފިއެވެ.

މިރޭ 22:00 އާއި ހަމައަށް އެޗްޕީއޭއިން އަދާހަމަ ކޮށްފައިވާ މައުލޫމާތުގައިވާ ގޮތުން މިއަދު ޕޮޒިޓިވް ވި މި 51 މީހުންގެ ތެރޭގައި ހިމެނެނީ 12 ދިވެހިންނާއި ބަނގްލަދޭޝްގެ 11 މީހުންގެ އިތުރުން އިންޑިއާ 26 މީހުންނާއި ސްރީލަންކާ މީހަކާއި ނޭޕާލް މީހެކެވެ.

======================================

21:31 (12 މެއި)

ރާއްޖެއިން ކޯވިޑް-19 އަށް އިތުރު 07 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ 904 އަށް އަރައިފިއެވެ.

މިރޭ 21:00 އާއި ހަމައަށް އެޗްޕީއޭއިން އަދާހަމަކޮށްފައިވާ މައުލޫމާތުގައިވާ ގޮތުން މިއަދު ޕޮޒިޓިވް ވި މި 07 މީހުންގެ ތެރޭގައި ހިމެނެނީ 02 ދިވެހިންނާއި ބަނގްލަދޭޝްގެ 03 މީހުންގެ އިތުރުން އިންޑިއާ 02 މީހުންނެވެ.

======================================

03:53 (12 މެއި)

ރާއްްޖެއިން ކޯވިޑް-19އަށް އިތުރު 35 މީހަކު ޕޮޒިޓިވްވެ ރާއްޖެއިން ބަލި ޖެހުނު މީހުންގެ ޖުމްލަ 897 އަށް އަރައިފިއެވެ.

މިރޭގެ 03:00 އާއި ހަމައަށް އެޗްޕީއޭއިން އަދާހަމަކުރި މައުލޫމާތު ތަކަށް ބަލާއިރު މި 35 މީހުންގެ ތެރޭގައި ހިމެނެނީ ބަނގްލަދޭޝްގެ 14 މީހަކާއި 14 ދިވެއްސަކާއި އިންޑިއާގެ ހަތް މީހެކެވެ.

ރާއްޖޭގައި ބަލި އެންމެ ޕީކަށް ދާނެ ކަމަށް އަންދާޒާ ކޮށްފައިވަނީ މި މެއި މަހުގެ 30 އާއި 31 ގައެވެ. އެތާރީޚާއި އަރާ ހަމަ ކުރަން 18 ވަރަކަށް ދުވަހަށް ވެފައިވާއިރު އެއްދުވަހުން އަނެއް ދުވަހަށް ބައްޔަށް ޕޮޒިޓިވްވާ މީހުންގެ އަދަދުވެސް އިތުރުވަމުން ދާކަން މިވަނީ ފާހަގަ ވެފައެވެ.

ރާއްޖޭގެ ޞިއްހީ ތަޖުރިބާކާރުން ވިދާޅުވަނީ ހަގީގީ މަންޒަރު ފެންނާނީ ރާއްޖޭގައި ޓެސްޓް ކުރެވޭ މިންވަރާއި ނަތީޖާ ލިބޭ މިންވަރު އިތުރުކޮށްގެން ކަމަށެވެ.

އެންމެ ފަހުން އާންމުކޮށްފައިވާ މައުލޫމާތު ތަކަށް ބަލާއިރު މިހާތަނަށް ރާއްޖެއިން ބަލިޖެހުނު މީހުންގެ ތެރެއިން ބަލި މުޅިން ރަނގަޅު ވެފައިވަނީ 31 މީހެކެވެ. ރާއްޖޭގައި ބަލި ފެތުރެން ފެށި ތާރީޚަށް ބަލާއިރު ބަލި ރަނގަޅުވާން ރާއްޖޭގައި މިނަގާ މުއްދަތު ތަންކޮޅެއް ދިގުކަން ފާހަގަ ކުރެވެއެވެ. ކަމާބެހޭ ޑޮކްޓަރުންވެސް ވަނީ މިކަން ފާހަގަކުރައްވާފައެވެ.

ރާއްޖޭގައި ބަލި ޖެހިގެން މިހާތަނަށް މަރުވެފައި ވަނީ ތިން މީހުންނެވެ. އެއީ ދެ ދިވެހިންނާއި ބިދޭސީއެކެވެ.

=======================================

13:19 (11 މެއި)

ރާއްޖެއިން ކޯވިޑް-19 އަށް އިތުރު 27 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ 862 އަށް އަރައިފިއެވެ.

މިއަދު 13:00 އާއި ހަމައަށް އެޗްޕީއޭއިން އަދާހަމަކޮށްފައިވާ މައުލޫމާތުގައިވާ ގޮތުން މިއަދު ޕޮޒިޓިވް ވި މި 27 މީހުންގެ ތެރޭގައި ހިމެނެނީ 09 ދިވެހިންނާއި ބަނގްލަދޭޝްގެ 18 މީހުންނެވެ.

======================================

17:45 (10 މެއި)

ރާއްޖެއިން ކޯވިޑް-19 އަށް އިތުރު 45 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ 835 އަށް އަރައިފިއެވެ.

މިއަދު 17:00 އާއި ހަމައަށް އެޗްޕީއޭއިން އަދާހަމަކޮށްފައިވާ މައުލޫމާތުގައިވާ ގޮތުން މިއަދު ޕޮޒިޓިވް ވި މި 45 މީހުންގެ ތެރޭގައި ހިމެނެނީ 20 ދިވެއްސަކާއި ބަނގްލަދޭޝްގެ 22 މީހުންނާއި، އިންޑިއާ މީހަކާއި، ނޭޕާލު 2 މީހުންނެވެ.

======================================

02:35 (10 މެއި)

ރާއްޖެއިން ކޯވިޑް-19 އަށް އިތުރު 25 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ 790 އަށް އަރައިފިއެވެ.

މިރޭ 02:00 އާއި ހަމައަށް އެޗްޕީއޭއިން އަދާހަމަކޮށްފައިވާ މައުލޫމާތުގައިވާ ގޮތުން މިރޭ ޕޮޒިޓިވް ވި މި 25 މީހުންގެ ތެރޭގައި ހިމެނެނީ 20 ދިވެއްސަކާއި ބަނގްލަދޭޝްގެ 5 މީހުންނެވެ.

======================================

22:30 (09 މެއި)

ރާއްޖެއިން ކޯވިޑް-19އަށް މިއަދު 19 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވް ވީ މީހުންގެ ޖުމްލަ 786 އަށް އަރައިފިއެވެ.

ހަމަ އެއާއެކު ރާއްޖެއިން އިތުރު 09 މީހުން ރަނގަޅުވެ ރާއްޖެއިން ރަނގަޅުވީ މީހުންގެ ޖުމްލަ 29 އަށް ވަނީ އަރާފައެވެ.

===========================================

15:07 (09 މެއި)

ރާއްޖެއިން ކޯވިޑް-19އަށް މިއަދު 22 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވް ވީ މީހުންގެ ޖުމަލް 766 އަށް އަރައިފިއެވެ.

މިއަދުގެ 14:00 އާއި ހަމައަށް އެޗްޕީއޭއިން އަދާހަމަ ކުރި މައުލޫމާތު ތަކަށް ބަލާއިރު މި 22 މީހުންގެ ތެރޭގައި ހިމެނެނީ 16 ދިވެހިންނާއި ބަނގްލަދޭޝްގެ 4 މީހަކާއި އިންޑިއާ މީހަކާއި ނޭޕާލް މީހެކެވެ.

===========================================

23؛31(08 މެއި)

ރާއްޖެއިން ކޯވިޑް-19އަށް މިއަދު އިތުރު 10 މީހަކު ޕޮޒިޓިވްވެ ރާއްޖެއިން ޕޮޒިޓިވްވި މީހުންގެ ޖުމަލް 744 އަށް އަރައިފިއެވެ.

މި 10 މީހުންގެ ތެރޭގައި ހިމެނެނީ ބަނގްލަދޭޝްގެ 6 މީހުންނާއި 4 ދިވެހީންނެވެ.

===========================================

ކޯވިޑް-19 އަށް ރާއްޖެއިން މިއަދު 86 މީހަކު ޕޮޒިޓިވްވެ ރާއްޖެއިން ބައްޔަށް ޕޮޒިޓިވްވި މީހުންގެ ޖުމަލް 734 އަށް އަރައިފިއެވެ.

މިއަދު ޕޮޒިޓިވްވި 86 މީހުންގެ ތެރޭގައި ހިމެނެނީ ބަނގްލަދޭޝްގެ 67 މީހަކާއި އިންޑިއާގެ 3 މީހަކާއި 14 ދިވެހިންނާއި ސްރީލަންކާ މީހަކާ ނޭޕާލް މީހެކެވެ.

މިއަދު ޕޮޒިޓިވްވި މީހުންގެ ތެރޭގައިވެސް ބައްޔަށް ހުށައެޅުމުގެ ބިރު އޮވެގެން އެޗްޕީއޭއިން ބަލަހައްޓަމުން ދިޔަ ގެއެއްގައި ތިބި ގިނަ ބަޔަކު ހިމެނެއެވެ.

ކޯވިޑް-19 އަށް ރާއްޖެއިން ޕޮޒިޓިވްވި މީހުންގެ އަދަދު 734 އަށް އަރާފައިވާއިރު މިބަލީގައި މިހާތަނަށް ރާއްޖެއިން ތިން މީހަކު ވަނީ މަރުވެފައެވެ.