ސަރުކާރުތަކުން ޖެހިފައި ނެތިއްޔާ ޕެންޝަން ފަނޑުގައި ފައިސާ ހުންނާނެ ކަމަށާއި މިއަށްވުރެ ބޮޑަށް އޭގެ ބޭނުން ޖެހުނު ދުވަހެއް ނާންނަ ކަމުގައި ރައްޔިތުންގެ މަޖިލީހުގެ ކުރީގެ ނާއިބު ރައީސް ރީކޯ މޫސާ މަނިކު ވިދާޅުވެއްޖެއެވެ.
އިއްޔެ ބޭއްވި ނޫސްވެރިންގެ ބައްދަލުވުމުގައި މާލީ ވަޒީރު އިބްރާހިމް އަމީރު ވަނީ، މިޙާލަތުގައި ޕެންޝަން ފަންޑުން ފައިސާ ދޫކުރުމުގެ ވިސްނުން ނުގެންގުޅޭ ކަމަށް ވިދާޅުވެފައެވެ. މިނިސްޓަރ މިގޮތަށް ވިދާޅުވިއިރު ބައެއް ފަރާތްތަކުން ދަނީ އާމްދަނީ ހުއްޓި އަތްމަތި ދަތިވެ ޒަރޫރީ ބޭނުންތައް ފުއްދުމަށްވެސް ނުކުޅެދިފައިވާ މިފަދަ ދަނޑިވަޅެއްގައި ޕެންޝަން ފަންޑުގައި ހުރި ފައިސާއިން ކޮންމެވެސް މިންވަރެއް ނަމަވެސް ލިބޭނެ ގޮތް ހަދައިދޭން ސަރުކާރަށް ގޮވާކަމުންނެވެ.
މިނިސްޓަރގެ މިނިންމެވުމާއި ގުޅިގެން ރީކޯ މޫސަ ކުރަށްވާފައިވާ ޓްވީޓެއްގައި ވަނީ، ކޮރޯނާގެ މި ޙާލަތަކީ، ޕެންޝަން ޤާނޫނު ހެދިއިރު ހިތަށްވެސް ނުގެނެވޭ ކަމެއް ކަމަށް ވިދާޅުވެފައެވެ. އަދި ސަރުކާރުތަކުން ޖެހިފައި ނެތިއްޔާ ޕެންޝަން ފަންޑުގައި ފައިސާ ހުންނާނެ ކަމަށް މޫސަ ވިދާޅުވިއެވެ.
"ރައްޔިތުމީހާ އަށް މުހިއްމުވާ ދުވަހު އޭނާއަށް އޭގެ ބޭނުން ކުރުމަށްޓަކާ، އޭނާގެ މުސާރައިން އޭނަ ރައްކާކުރި ފައިސާ މިއަށްވުރެ ބޮޑަށް ބޭނުން ޖެހުނު ދުވަހެއް އަދި ނާދޭ." މޫސަ ވިދާޅުވިއެވެ.
މޫސަގެ އިތުރުން ރައްޔިތުންގެ މަޖިލީހުގެ މާވަށު ދާއިރާގެ މެމްބަރު އަދި ރައީސް ޔާމީނުގެ ސަރުކާރުގެ އިޤްތިޞާދީ ވަޒީރު މުޙައްމަދު ސަޢީދުވެސް ވަނީ ޕެންޝަން ފަންޑުން ފައިސާ ދޫކުރުމަށް ގޮވާލާފައެވެ.
ސަޢީދު ވިދާޅުވީ، "ޕެންޝަން ފަންޑުގެ ބޭނުންޖެހިގެން އުޅެނީ އޭގެ ހައްގުވެރިން. ވަޒީފާ ގެއްލި ނިކަމެތިވި އެތައްހާސް އާއިލާއިން. އެއާއިލާތަކަށް ގޭކުލިނުދެއްކި ކެއިންބުއިމަށް ދަތިވާތީ. ރިޓަޔަމަންޓުގެ ކުރިޔަށް މިހާލަތު އިސްވާނެކަން މާބޮޑު ދިރާސާއެއް ނުކުރިޔަސް ކަށަވަރުވާނެ." ކަމަށެވެ.
މޫސަ އާއި ސަޢީދު މިގޮތަށް ވިދާޅުވެފައިވާއިރު، އިއްޔެ ބޭއްވި ނޫސްވެރިންގެ ބައްދަލުވުމުގައި އިޤްތިޞާދީ ވަޒީރު ފައްޔާޒް ވިދާޅުވީ، ޕެންޝަން ފެންޑަކީ އެ މީހާ ލާ އެއްޗަކާއި އެ މީހާ އަށް ވަޒީފާ ދޭ ފަރާތުން ލާ އެއްޗަކާއެކު އިންވެސްޓް ކުރެވޭ އެއްޗެއް ކަަމަށެވެ.
"އިންވެސްޓް ކުރުމުގެ މާނައަކީ ކޭޝް ގޮތުގައި ހުންނަ އެއްޗެއް ނޫން ފަންޑެއްގައި ބޭންކް އެކައުންޓެއްގައި، ޕެންޝަން އޮފީހުން އޭތި އެކިއެކި ކަންކަމުގައި އިންވެސްޓް ކޮށްގެން އޭގެން އިތުރަށް މި ހޯދަނީ ރިޓަޔާމެންޓް އުމުރަށް މީހުން ދިޔައީމަ އެ އެންމެންނަށް އެ ދޭން ވާ އެތި ދެވޭނެ ގޮތަކަށް އިތުރުކޮށްގެން ހޯދުން." ފައްޔާޒް ވިދާޅުވިއެވެ.
ފައްޔާޒް ވިދާޅުވީ، ޕެންޝަން ފަންޑަކީ ކަމެއް ޖެހޭ އިރަށް އަތް ލާން އޮންނަ އެއްޗެއް ކަމަށް ދެކެވަޑައިނުގަންނަވާ ކަމަށެވެ.
އިއްޔެ ބޭއްވި ނޫސްވެރިންގެ ބައްދަލުވުމުގައި މާލީ ވަޒީރު އިބްރާހިމް އަމީރު ވަނީ، މިޙާލަތުގައި ޕެންޝަން ފަންޑުން ފައިސާ ދޫކުރުމުގެ ވިސްނުން ނުގެންގުޅޭ ކަމަށް ވިދާޅުވެފައެވެ. މިނިސްޓަރ މިގޮތަށް ވިދާޅުވިއިރު ބައެއް ފަރާތްތަކުން ދަނީ އާމްދަނީ ހުއްޓި އަތްމަތި ދަތިވެ ޒަރޫރީ ބޭނުންތައް ފުއްދުމަށްވެސް ނުކުޅެދިފައިވާ މިފަދަ ދަނޑިވަޅެއްގައި ޕެންޝަން ފަންޑުގައި ހުރި ފައިސާއިން ކޮންމެވެސް މިންވަރެއް ނަމަވެސް ލިބޭނެ ގޮތް ހަދައިދޭން ސަރުކާރަށް ގޮވާކަމުންނެވެ.
މިނިސްޓަރގެ މިނިންމެވުމާއި ގުޅިގެން ރީކޯ މޫސަ ކުރަށްވާފައިވާ ޓްވީޓެއްގައި ވަނީ، ކޮރޯނާގެ މި ޙާލަތަކީ، ޕެންޝަން ޤާނޫނު ހެދިއިރު ހިތަށްވެސް ނުގެނެވޭ ކަމެއް ކަމަށް ވިދާޅުވެފައެވެ. އަދި ސަރުކާރުތަކުން ޖެހިފައި ނެތިއްޔާ ޕެންޝަން ފަންޑުގައި ފައިސާ ހުންނާނެ ކަމަށް މޫސަ ވިދާޅުވިއެވެ.
"ރައްޔިތުމީހާ އަށް މުހިއްމުވާ ދުވަހު އޭނާއަށް އޭގެ ބޭނުން ކުރުމަށްޓަކާ، އޭނާގެ މުސާރައިން އޭނަ ރައްކާކުރި ފައިސާ މިއަށްވުރެ ބޮޑަށް ބޭނުން ޖެހުނު ދުވަހެއް އަދި ނާދޭ." މޫސަ ވިދާޅުވިއެވެ.
މޫސަގެ އިތުރުން ރައްޔިތުންގެ މަޖިލީހުގެ މާވަށު ދާއިރާގެ މެމްބަރު އަދި ރައީސް ޔާމީނުގެ ސަރުކާރުގެ އިޤްތިޞާދީ ވަޒީރު މުޙައްމަދު ސަޢީދުވެސް ވަނީ ޕެންޝަން ފަންޑުން ފައިސާ ދޫކުރުމަށް ގޮވާލާފައެވެ.
ސަޢީދު ވިދާޅުވީ، "ޕެންޝަން ފަންޑުގެ ބޭނުންޖެހިގެން އުޅެނީ އޭގެ ހައްގުވެރިން. ވަޒީފާ ގެއްލި ނިކަމެތިވި އެތައްހާސް އާއިލާއިން. އެއާއިލާތަކަށް ގޭކުލިނުދެއްކި ކެއިންބުއިމަށް ދަތިވާތީ. ރިޓަޔަމަންޓުގެ ކުރިޔަށް މިހާލަތު އިސްވާނެކަން މާބޮޑު ދިރާސާއެއް ނުކުރިޔަސް ކަށަވަރުވާނެ." ކަމަށެވެ.
މޫސަ އާއި ސަޢީދު މިގޮތަށް ވިދާޅުވެފައިވާއިރު، އިއްޔެ ބޭއްވި ނޫސްވެރިންގެ ބައްދަލުވުމުގައި އިޤްތިޞާދީ ވަޒީރު ފައްޔާޒް ވިދާޅުވީ، ޕެންޝަން ފެންޑަކީ އެ މީހާ ލާ އެއްޗަކާއި އެ މީހާ އަށް ވަޒީފާ ދޭ ފަރާތުން ލާ އެއްޗަކާއެކު އިންވެސްޓް ކުރެވޭ އެއްޗެއް ކަަމަށެވެ.
"އިންވެސްޓް ކުރުމުގެ މާނައަކީ ކޭޝް ގޮތުގައި ހުންނަ އެއްޗެއް ނޫން ފަންޑެއްގައި ބޭންކް އެކައުންޓެއްގައި، ޕެންޝަން އޮފީހުން އޭތި އެކިއެކި ކަންކަމުގައި އިންވެސްޓް ކޮށްގެން އޭގެން އިތުރަށް މި ހޯދަނީ ރިޓަޔާމެންޓް އުމުރަށް މީހުން ދިޔައީމަ އެ އެންމެންނަށް އެ ދޭން ވާ އެތި ދެވޭނެ ގޮތަކަށް އިތުރުކޮށްގެން ހޯދުން." ފައްޔާޒް ވިދާޅުވިއެވެ.
ފައްޔާޒް ވިދާޅުވީ، ޕެންޝަން ފަންޑަކީ ކަމެއް ޖެހޭ އިރަށް އަތް ލާން އޮންނަ އެއްޗެއް ކަމަށް ދެކެވަޑައިނުގަންނަވާ ކަމަށެވެ.
ކިޔުންތެރިންގެ ހިޔާލު