ޖިންސު ބަދަލު ކުރުމަކީ އިސްލާމީ ޝަރީޢަތުގައި ކަނޑައެޅިގެން ހަރާމްވެގެންވާ ކަމެއްކަމަށާއި، މިއީ މާތްﷲ ލައުނަތް ލައްވާނެފަދަ ކަމެއްކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ރާއްޖޭގެ އިސްލާމިކް ޔުނިވަރސިޓީގެ ފުރަތަމަ ޗާންސްލާ، ޑރ. ޝަހީމް ވިދާޅުވީ ޖިންސު ބަދަލު ކުރުމަކީ މާތްﷲ ޚަލްޤުކުރައްވާފައިވާ ގޮތް ބަދަލުކުރުމަށް ހިންގާ ޢުދުވާނީ އަމަލެއްކަމާއި، އެންމެ ކުރީގެ ސަމާޢީ ޝަރީޢަތެއްވެސް މި އަމަލު ހުއްދަކޮށްފައި ނުވާ ކަމަށެވެ. އަދި މި އަމަލަކީ އިސްލާމީ ޝަރީޢަތުގައި ކަނޑައެޅިގެން ޙަރާމް ވެގެންވާ ލަޢުނަތް ހުރި އަމަލެއް ކަމަށާއި މިފަދަ އަމަލުތަކާ ދުރުވާން ޖެހޭ ކަމަށް ޑރ. ޝަހީމް ވިދާޅުވެފައިވެއެވެ.
ޑރ. ޝަހީމް މިފަދަ މޭރުމަކުން ވާހަކަ ދައްކަވާފައި މިވަނީ އޮސްޓްރޭލިއާގައި ދިރިއުޅެމުންދާ ދިވެހި އަންހެނަކު އޭނާގެ ޖިންސު ބަދަލުކޮށް، ފިރިހެނަކަށް ބަދަލުވެފައިވާ ކަމަށް އޭނާގެ އަމިއްލަ ޓިކްޓޮކް އެކައުންޓުގައި އިއުލާނު ކުރުމާއި ގުޅިގެން އެވާހަކަތައް ރާއްޖޭގެ ބައެއް މީޑިއާތަކުން ރިޕޯޓް ކުރުމާއި ގުޅިގެންނެވެ.
މީގެއިތުރުން މިފަހަކަށް އައިސް މީސް މީޑިއާގެ އެކި ޕްލެޓްފޯމް ތަކުގައި ދިވެހީންގެ ފަރާތުންވެސް ޖިންސް ބަދަލުވާގޮތަށް ހެދުން އަޅައި ޒީނަތްތެރިވެ ހަރަކާތްރިވާ މަންޒަރުތައް ވަރަށް ބޮޑަށް އާންމުވަމުންދާކަން ވަނީ ފާހަގަކުރެވިފައެވެ. މީގެތެރޭގައި އެއްޖިންސުން ގުޅުން ހިންގުމަށް މަގުފަހިވާ ގޮތަށް ވަރަށް ފާޅުކަން ބޮޑު ގޮތެއްގައި ލޯބި ހުށައެޅުމާއި އެނޫންވެސް ބޭއަދަބީ ގުޅުންތައް ހިންގުމަށް ހުށައަޅައި އިސްލާމްދީނުގެ އަސްލުތަކާއި އުސޫލުތަކާ ނުގުޅޭ އެފަދަ ކަންކަން މީސްމީޑިއާގެ ޕްލެޓްފޯމް ތަކުގައި ޕްރޮމޯޓްކުރުން މިފަހަކަށް އައިސް ވަރަށް ބޮޑަށް އާންމުވަމުންދާކަން ވަނީ ފާހަގަ ކުރެވިފައެވެ.
ދިވެހީން އާންމުކޮށް އުޅޭ މީސް މީޑިއާގެ އޮޅިތަކުގައި މިފަދަ އަމަލުތައް ދިވެހި ބަޔަކު އިންގަމުންދާއިރު ކަމާބެހޭ ފަރާތްތަކުން އެކަމުގައި މިހާތަނަށް އެއްވެސް ފިޔަވަޅެއް އަޅައި އެކަން ހުއްޓުވުމަށް މަސައްކަތްތަކެއް ކުރަމުންދާތަން ނުފެންނަކަން ގިނަބަޔަކު އަންނަނީ ފާހަގަކުރަމުންނެވެ.
ޖިންސު ބަދަލުކުރުމަކީ މާތް ﷲ ޚަލްޤުކުރައްވާފައިވާ ގޮތް ބަދަލުކުރުމަށް ހިންގާ ޢުދުވާނީ ޢަމަލެއް. ކުރީގެ ސަމާވީ ޝަރީޢަތެެއް ވެސް އެޢަމަލު ހުއްދަ ކޮށްފައިނުވޭ. އެ ޢަމަލަކީ އިސްލާމީ ޝަރީޢަތުގައި ކަނޑައެޅިގެން ޙަރާމް ވެގެންވާ ލަޢުނަތް ހުރި ޢަމަލެއް. އެފަދަ ކަންކަމުން ދުރުވާންޖެހޭ. pic.twitter.com/ICIPdXQfEz
— Mohamed Shaheem Ali Saeed (@Mohamedshaheem1) July 15, 2021
ޑރ. ޝަހީމް މިފަދަ މޭރުމަކުން ވާހަކަ ދައްކަވާފައި މިވަނީ އޮސްޓްރޭލިއާގައި ދިރިއުޅެމުންދާ ދިވެހި އަންހެނަކު އޭނާގެ ޖިންސު ބަދަލުކޮށް، ފިރިހެނަކަށް ބަދަލުވެފައިވާ ކަމަށް އޭނާގެ އަމިއްލަ ޓިކްޓޮކް އެކައުންޓުގައި އިއުލާނު ކުރުމާއި ގުޅިގެން އެވާހަކަތައް ރާއްޖޭގެ ބައެއް މީޑިއާތަކުން ރިޕޯޓް ކުރުމާއި ގުޅިގެންނެވެ.
ދިވެހީން އާންމުކޮށް އުޅޭ މީސް މީޑިއާގެ އޮޅިތަކުގައި މިފަދަ އަމަލުތައް ދިވެހި ބަޔަކު އިންގަމުންދާއިރު ކަމާބެހޭ ފަރާތްތަކުން އެކަމުގައި މިހާތަނަށް އެއްވެސް ފިޔަވަޅެއް އަޅައި އެކަން ހުއްޓުވުމަށް މަސައްކަތްތަކެއް ކުރަމުންދާތަން ނުފެންނަކަން ގިނަބަޔަކު އަންނަނީ ފާހަގަކުރަމުންނެވެ.
ކިޔުންތެރިންގެ ހިޔާލު