ރާއްޖޭގެ ސްޕެޝަލް އެންވޯއީ ފޮރ ކްލައިމެޓް ޗޭންޖް، ޞަބްރާ އިބްރާހީމް ނޫރައްދީން، އިނގިރޭސި ސަރުކާރުން އޭޝިއާ ޕެސިފިކް ސަރަޙައްދާއި ދެކުނު އޭޝިއާ ސަރަޙައްދުގެ ކޮޕް 26 ގެ ސަރަޙައްދީ އެމްބެސެޑަރަކަށް ކަނޑައާފައިހުންނަވާ މިސްޓަރ ކެން އޯ ފްލަހަޓީއާ ބައްދަލުކުރައްވައި މަޝްވަރާކުރައްވައިފިއެވެ.
މި ބައްދަލުކުރެއްވުމުގައި ސްޕެޝަލް އެންވޯއީ ފޮރ ކްލައިމެޓް ޗޭންޖް ޞަބްރާގެ އިތުރުން މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީ، އާމިނަތު ޝައުނާއާއި، އިނގިރޭސި ވިލާތުން ރާއްޖެއަށް ކަނޑައަޅުއްވާފައި ހުންނަވާ ހައިކޮމިޝަނަރ ކެރޮން ރޮސްލަރ ބައިވެރިވެ ވަޑައިގެންނެވިއެވެ.
މި ބައްދަލުކުރެއްވުން ބާއްވާފައިވަނީ މިއަދު ހެނދުނު މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީގައެވެ.
މިބައްދަލުކުރެއްވުމުގައި ސްޕެޝަލް އެންވޯއީ ފޮރ ކްލައިމެޓް ޗޭންޖް ދެއްކެވި ވާހަކަފުޅުގައި މޫސުމަށް އަންނަ ބަދަލުތަކުން ރައްކާތެރިވުމަށް ދުރާލާ ފިޔަވަޅުތައް އެޅުމާއި، މޫސުމަށް އަންނަ ބަދަލުތަކުން ލިބޭ ގެއްލުންތައް ކުޑަކުރުމަށް ކުރެވޭ މަސައްކަތްތަކަށް އިތުރު އަހައްމިއްޔަތުކަމެއް ދޭންޖެހޭކަމުގައި ވިދާޅުވިއެވެ. އަދި، އެކަމަށް ޓެކްނޯލޮޖީގެ ގޮތުންނާއި މާލީގޮތުން އެހީތެރިކަން ލިބުމަކީ ރާއްޖެ ފަދަ ޤައުމުތަކަށް ވަރަށް މުހިންމުކަމެއްގެ ގޮތުގައި ޞަބްރާ ފާހަގަކުރެއްވިއެވެ.
މީގެ އިތުރުން 2030 ވަނަ އަހަރު ދިވެހިރާއްޖެ ނެޓް-ޒީރޯ ޤައުމަކަށް ހެދުމަށް އަމާޒު ކަނޑައަޅާފައިވާކަން ފާހަގަކުރައްވައި، ދުނިޔޭގެ ފިނިހޫނުމިން މައްޗަށްދިއުން ކޮންޓްރޯލުކުރުމުގައި، ހަމައެކަނި ރާއްޖެއިން ކުރާ މަސައްކަތުން އެކަނި ނުފުދޭނެކަން މި ބައްދަލުކުރެއްވުމުގައި ރާއްޖޭގެ ފަރާތުން ބައިވެރިވެވަޑައިގެންނެވި ފަރާތްތަކުން ވަނީ ފާހަގަކުރައްވާފައެވެ.
މި ބައްދަލުވުމުގެ ބައިވެރިން ވަނީ، ކުރިޔަށްއޮތް ނޮވެންބަރު މަހު، އިނގިރޭސި ވިލާތުގެ ގްލަސްގޯގައި ބޭއްވުމަށް ހަމަޖެހިފައިވާ ކޮޕް 26ގެ ބައްދަލުވުމަށް ކަންކަން މަގުފަހިކުރުމުގެ ގޮތުން ކުރަންޖެހޭ ކަންކަމާމެދުވެސް މަޝްވަރާކުރައްވާފައެވެ. އަދި، އެންމެފަހުގެ އިންޓަރ ގަވަރމެންޓަލް ޕެނަލް އޮން ކްލައިމެޓް ޗޭންޖް (އައިޕީސީސީ) ރިޕޯޓުގައި ފާހަގަކޮށްފައިވާ ފަދަ އެދެވޭ ނަތީޖާއަކާ ހަމައަށް ވާސިލުވުމަށް މޫސުމަށް އަންނަ ބަދަލުތަކާ ކުރިމަތިލުމަށް ޢަމަލީގޮތުން މަސައްކަތް ފެށުމުގެ މުހިންމުކަން މި ބައްދަވުމުގެ ބައިވެރިން ފާހަގަކުރެއްވިއެވެ. އަދި މި ބައްދަލުވުމުގެ ބައިވެރިން ވަނީ ކޮޕް 26ގެ ބަދަލުވުމުގައި ރަނގަޅު ނަތީޖާއަކާ ހަމައަށް ދެވޭނެކަމުގެ އުންމީދު އައު ކުރައްވާފައެވެ.
މި ބައްދަލުކުރެއްވުން ބާއްވާފައިވަނީ މިއަދު ހެނދުނު މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީގައެވެ.
މިބައްދަލުކުރެއްވުމުގައި ސްޕެޝަލް އެންވޯއީ ފޮރ ކްލައިމެޓް ޗޭންޖް ދެއްކެވި ވާހަކަފުޅުގައި މޫސުމަށް އަންނަ ބަދަލުތަކުން ރައްކާތެރިވުމަށް ދުރާލާ ފިޔަވަޅުތައް އެޅުމާއި، މޫސުމަށް އަންނަ ބަދަލުތަކުން ލިބޭ ގެއްލުންތައް ކުޑަކުރުމަށް ކުރެވޭ މަސައްކަތްތަކަށް އިތުރު އަހައްމިއްޔަތުކަމެއް ދޭންޖެހޭކަމުގައި ވިދާޅުވިއެވެ. އަދި، އެކަމަށް ޓެކްނޯލޮޖީގެ ގޮތުންނާއި މާލީގޮތުން އެހީތެރިކަން ލިބުމަކީ ރާއްޖެ ފަދަ ޤައުމުތަކަށް ވަރަށް މުހިންމުކަމެއްގެ ގޮތުގައި ޞަބްރާ ފާހަގަކުރެއްވިއެވެ.
މި ބައްދަލުވުމުގެ ބައިވެރިން ވަނީ، ކުރިޔަށްއޮތް ނޮވެންބަރު މަހު، އިނގިރޭސި ވިލާތުގެ ގްލަސްގޯގައި ބޭއްވުމަށް ހަމަޖެހިފައިވާ ކޮޕް 26ގެ ބައްދަލުވުމަށް ކަންކަން މަގުފަހިކުރުމުގެ ގޮތުން ކުރަންޖެހޭ ކަންކަމާމެދުވެސް މަޝްވަރާކުރައްވާފައެވެ. އަދި، އެންމެފަހުގެ އިންޓަރ ގަވަރމެންޓަލް ޕެނަލް އޮން ކްލައިމެޓް ޗޭންޖް (އައިޕީސީސީ) ރިޕޯޓުގައި ފާހަގަކޮށްފައިވާ ފަދަ އެދެވޭ ނަތީޖާއަކާ ހަމައަށް ވާސިލުވުމަށް މޫސުމަށް އަންނަ ބަދަލުތަކާ ކުރިމަތިލުމަށް ޢަމަލީގޮތުން މަސައްކަތް ފެށުމުގެ މުހިންމުކަން މި ބައްދަވުމުގެ ބައިވެރިން ފާހަގަކުރެއްވިއެވެ. އަދި މި ބައްދަލުވުމުގެ ބައިވެރިން ވަނީ ކޮޕް 26ގެ ބަދަލުވުމުގައި ރަނގަޅު ނަތީޖާއަކާ ހަމައަށް ދެވޭނެކަމުގެ އުންމީދު އައު ކުރައްވާފައެވެ.
ކިޔުންތެރިންގެ ހިޔާލު