ރެޖިސްޓަރޑް ނަރުހުންގެ ގޮތުގައި ކޮންޓްރެކްޓް އުސޫލުން މަސައްކަތް ކުރާނެ 35 ނަރުހަކު ހޯދަން އައިޖީއެމްއެޗުން އިއުލާން ކޮށްފި އެވެ.

އެ ހޮސްޕިޓަލުން ކުރި އިއުލާނުގައި ބުނެފައިވަނީ ދުވާލަކު 8 ގަޑިއިރު ދަންފަޅި އުސޫލުން، ހަފްތާއަކު 5 ދުވަހު މަސައްކަތް ކުރުމަށް ހޯދާ މި ނަރުހުންގެ މުސާރައަކީ 9060ރ. ކަމަށެވެ.

ނަރުސްކަމުގެ މަގާމަށް ކުރިމަތިލާ މީހުންގެ ޝަރުތެއްގެ ގޮތުގައި ކަނޑައަޅާފައިވަނީ ނަރސިންގެ ރޮނގަކުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 5 ނުވަތަ 6 ގެ ސަނަދެއް ހާސިލްކޮށްފައިވުމެވެ.

ޝައުގުވެރިވާ ފަރާތްތަކުން މިމަހުގެ 19 ވާ އަންގާރަ ދުވަހުގެ 13:00 ގެ ކުރިން އެ ހޮސްޕިޓަލަށް މެއިލް ކުރަންވެސް އެދިފައިވެއެވެ.

އައިޖީއެމްއެޗުން ނަރުހުން ހޯދުމަށް އިއުލާން ކޮށްފައިވާއިރު ކޯވިޑް-19 އާއި ގުޅިގެން މިމަހުގެ 31 ގައި ރާއްޖެ ޕީކަށް ދާނެ ކަމަށް ވަނީ ލަފާ ކޮށްފައެވެ. ރާއްޖެ ޕީކަށް ދާއިރު ސިއްހީ ދާއިރާގެ ފަންނުވެރިންގެ ޢަދަދު މަދުވެ ސިއްހީ ފަރުވާ ދިނުމަށް ގޮންޖެހުންތަކާއި ކުރިމަތިވެދާނެ ކަމަށް ތަޖުރިބާކާރުން އަންދާޒާ ކުރެއެވެ.