އައްޑޫގައި ކުރިއަށްދާކަމަށް ރައީސް ސާލިހު ވިދާޅުވި ޕްރޮޖެކްޓްތައް ފެނޭތޯ ބައްލަވައިފިންކަމަށާއި، ނަމަވެސް އެ ޕްރޮޖެކްޓްތަކެއް ފެނިވަޑައެއް ނުގެންނެވިކަމަށް ކުރީގެ އިކޮނޮމިކް މިނިސްޓަރ މުހައްމަދު ސައީދު ވިދާޅުވެއްޖެއެވެ.

ސައީދު މިހެން ވިދާޅުވެފައި މިވަނީ އައްޑޫ ސިޓީއަށް ޕީޕީއެމް ޕީއެންސީގެ ލީޑަރޝިޕްގެ ޓީމެއް ވަޑައިގެން، އެ ސިޓީގެރައްޔިތުންނާއި ބައްދަކުރަމުންދާ ދަނޑިވަޅެއްގައެވެ.

ސައީދު ވިދާޅުވީ އައްޑޫ ސިޓީގައި ކުރިއަށްދާކަމަށް ވިދާޅުވި 60 ޕްރޮޖެކްޓް ހޯދަން ވަރަށް މަސައްކަތްކުރެވިއްޖެކަމަށެވެ. އަދި 40 ބިލިއަން ރުފިޔާގެ ބަޖެޓުން އައްޑޫއަށް ވައުދުވި ކަންކަމާއި، އިންޑިއާއިން ނެގި ލޯނުތަކުން ރައްޔިތުންނަށް ކޮށްދޭން ބުނި އެއްވެސްކަމެއް ތަންފީޒުވެފައިނުވާކަމަށް ސައީދު ވިދާޅުވިއެވެ. އެހެންކަމުން ރައްޔިތުންގެ އިތުބާރު މިސަރުކާރަށް ނެތްކަމަށް ސައީދު ވިދާޅުވިއެވެ.

RSolih Addu City gai kuriah dhaakamah vidhaalhuvi 60project hoadhan varah masakkaiy koffin! 40 billion budget gai Addu ah vaudhuvi kankamaaai India in negi loanu thakun rayyithun nah kodheyn buni evves kameh thanfeezu vaathaneh nufenunu. Rayyithunge ithubaaru mi sarukaarakah neiy pic.twitter.com/TqICubJkSM

— Mohamed Saeed (@em_saeed) August 21, 2021

އައްޑޫ ސިޓީއަށް ތަރައްގީ ގެނައުމުގައި މިސަރުކާރު ފެއިލްވެފައިވާކަމަށް އިދިކޮޅު ފަރާތްތަކުން ބުނަމުންދާއިރު، އައްޑޫ ސިޓީގެ ގިނަ ރައްޔިތުންވެސް ގަބޫލުކުރާ ގޮތުން ހުރިހާ ސަރުކާރަކުންވެސް ވަނީ އައްޑޫގެ ތަރައްގީގެ ކަންކަމުގައި އިހުމާލުވެފައެވެ.

މިސަރުކާރުންވެސް އައްޑޫ ސިޓީގެ ތަރައްޤީއަށް ގިނަ ކަންތައްތަކެއް ވައުދުވެފައިވީނާމަވެސް، އެކަންކަން ހަގީގަތަކަށް ހެދުމުގައި ވަރަށް ބޮޑަށް ލަސްވެފައިވާކަމަށް އައްޑޫގެ ބައެއް ފަރާތްތަކުން ބުނެއެވެ.