އައްޑޫ ސިޓީގެ ގުޅިފައިވާ ރަށްތައް މިރޭ ބަންދުކޮށްފިއެެވެ.

އައްޑޫ ސިޓީގެ ގުޅިފައިވާ ހިތަދޫއާއި މަރަދޫއާއި މަރަދޫފޭދޫގެ އިތުރުން ފޭދޫ ބަންދުކޮށްފައިވަނީ އެ ރަށްރަށުގައި ކޮވިޑްގެ ހާލަތު ގޯސްވުމާއި ގުޅިގެންނެވެ. ކޮވިޑްގެ ހާލަތު އެ ރަށްރަށުގައި މިދިޔަ ދުވަސްތަކުގައި ވަނީ ގޯސްވެފައެެވެ. ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ އައްޑޫ ސިޓީގެ ގުޅިފައިވާ ރަށްތަކަށް އަރާ ފޭބުން މަނާކޮށްފައިވާ ކަމަށެވެ.

ކޮވިޑްގެ ހާލަތު ގޯސްވެ މިވަގުތުވެސް 21 ރަށެއް ބަންދުކޮށްފައިވާއިރު މިއަދު އެކަނިވެސް ފަސް ރަށެއް ވަނީ މޮނިޓަރިން އަށްލައި ބަންދުކޮށްފައެވެ.

އެޗްޕީއޭއިން މޮނިޓަރިންއަށް ލައި މިއަދު ބަންދުކޮށްފައިވަނީ އދ. މަހިބަދޫ އާއި ވ. ތިނަދޫ އާއި ށ. ކަނޑިތީމާއި ހދ. ނޮޅިވަރަމް އަދި މ. ވޭވަށެވެ.