އެމްޑީޕީ އޮފީސް ތެރޭގައި މިއަދު މާރާމާރީ ހިންގީ މަސްތުގެ ހާލަތުގައި ހުރި މީހެއްކަމަށް ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް ވިދާޅުވެއްޖެއެވެ.

އެމްޑީޕީ އޮފީސްތެރޭގައި މިއަދު މެންދުރު ހިންގި މާރާމާރީގައި އެމްޑީޕީ އޮފީހުގެ އިދާރީ މުވައްޒަފެއް ކަމަށްވާ މަރިޔަމް ޒުބައިރުގެ ބޯ ވަނީ ފަޅާލާފައެވެ.

މިކަމާއި ގުޅިގެން މީކާއިލް ކުރި ޓްވީޓެއްގައި ވިދާޅުވީ އޭނާގެ މަންމައަށް ހަމަލާދިނީ މަސްތުގެ ހާލަތުގައި ހުރި މީހެއްކަމަށެވެ. އަދި އެ ހަމަލާއަކީ ގަސްތުގައި މަންމައަށް އަމާޒުކޮށް ދުރާލާ ރާވައިގެން ދިން ހަމަލާއެއް ނޫންކަމަށާއި، އަދި އެއީ ސިޔާސީ ކަމެއްވެސް ނޫންކަމަށް މީކާއިލް ވިދާޅުވިއެވެ. މީކާއިލް ވިދާޅުވީ އޭނާގެ މަންމަގެ ހާލު މިހާރު ރަނގަޅުކަމަށެވެ.

Thank you for your prayers and well wishes for my mother. She is now stable. The attack on her was not targeted and had nothing to do with politics; it was an indiscriminate attack on many people in the office by an intoxicated person. Hope this stops misinformation.

— Meekail Naseem 🎈 (@MickailNaseem) September 2, 2021

ފުލުހުން ބުނީ، ސޯސަންމަގުގައި ހުންނަ އެމްޑީޕީގެ އޮފީސްތެރޭގައި މާރާމާރީއެއް ހިނގާފައިވާ ކަމުގެ މަޢުލޫމާތު މިއަދު 12:30 ގައި ލިބިފައިވާ ކަމަށެވެ. މިމާރާމާރީގައި 50 އަހަރުގެ އަންހެނަކަށް އަނިޔާވެފައިވާ ކަމަށާއި، އޭނާއަށް އޭޑީކޭ ހޮސްޕިޓަލްގައި ފަރުވާދެމުންދާކަމަށް ފުލުހުން މަޢުލޫމާތު ދީފައިވެއެވެ. ފުލުހުން ބުނީ، އެ މައްސަލަ އިތުރަށް ތަހުގީގު ކުރަމުންގެންދާކަމަށެވެ.