އަނިޔާވެރިގޮތަކަށް މަރާލާފައިވާ ބްލޮގަރ، ޔާމިން ރަޝީދުގެ މަރުގެ މައްސަލާގައި ކުށް ސާބިތުވާ ކަމަށް ކަނޑައަޅާފައިވާ ހައިޝަމާއި ޒިހާންގެ ކިބައިން ބޭނުންވަނީ މަރުގެ ދިޔަ ކަމަށް ޔާމީންގެ މަންމަ މަރިޔަމް ޝަފީގާ ކްރިމިނަލް ކޯޓުގައި ބުނެފިއެވެ.
ޔާމީން ރަޝީދުގެ ބައްޕަ ހުސައިން ރަޝީދު ހަސަން ދުނިޔޭގައި ހުރުމުގެ ސަބަބުން، ޔާމީންގެ އެއްބަނޑު އެއްބަފާ މީހުން ހަޖުބްވެ، ވާރިސުންގެ ގޮތުގައި ކަނޑައެޅިގެން ދިޔައީ ހަމައެކަނި ޔާމީންގެ މަންމައާއި ބައްޕައެވެ.
ޔާމީން ރަޝީދުގެ ވާރިސުންގެ ބަހާ ގުޅޭގޮތުން ކޯޓުން ސުވާލު ކުުރުމުން ޔާމީންގެ މަންމަ ކްރިމިނަލް ކޯޓުގައި މިއަދު ބުނީ ޔާމީން ރަޝީދަކީ އިންސާނީ ހައްގުތަކަށް ވަކާލާތު ކުރަމުން އައި މީހެއް ކަމަށާއި އިންސާނަކަށްވީތީ ކޮންމެ މީހަކަށްވެސް ދިރިހުރުމުގެ ހައްގު ލިބެން ވާނެ ކަމަށް ޔާމީން ދެކޭ ކަމަށެވެ. އެހެންކަމުން ޔާމީންގެ މަރުގެ މައްސަލާގައި ކުށްވެރިވާ މީހުންގެ ކިބައިން މަރަށް މަރު ހިފަން ބޭނުން ނުވާ ކަމަށް ޔާމީންގެ މަންމަ ބުންޏެވެ.
"ގިސާސް ހިފާކަށް ބޭނުމެއް ނޫން. ދިޔަ ބޭނުމީ. އޭނާގެ ނަމުގައި ކޮންމެވެސް ކަމެއް އެއިން ކުރެވޭނެ ކަމަށް ދެކެން،" ވާރިސުންގެ ބަހާ ގުޅޭގޮތުން ޝަފީގާ ބުންޏެވެ.
ރާއްޖޭގައި މަރުގެ ދިޔައިގެ ގޮތުގައި މިހާރު ނަގައިދެނީ އެއް މިލިއަން ރުފިޔާއެވެ.
ޔާމީންގެ ބައްޕަ ހުސައިން ރަޝީދު ބުނީ މާފު ކުރުމަކީ އިސްލާމްދީނުގައި އޮތް މަތިވެރި ސިފައެއް ކަމަށާއި ނަމަވެސް ޔާމީންގެ ގާތިލުން އާއިލާގެ ކިބައިން މާފަށް އެދިފައިނުވާ ކަމަށެވެ. އަދި އޭނާގެ ދަރިން ޤިޞާޞް ހިފަން ބޭނުންނުވި ނަމަވެސް އޭނާ ބޭނުންވަނީ ޤިޞާޞް ހިފަންކަމަށް ޙުސައިން ރަޝީދު ބުންޏެވެ.
"އަޅުގަނޑު ބޭނުމީ އަދުލްއިންސާފު ގާއިމު ކުރަން. ގިސާސް ހިފަން،" ހުސައިން ރަޝީދު މިއަދު ކޯޓުގައި ބުންޏެވެ.
ސުޕްރީމް ކޯޓުން ނެރެފައިވާ އުސޫލުގައިވާ ގޮތުން މަރަށް މަރު ހިފޭނީ މަރުވި މީހާގެ ހުރިހާ ވާރިސުން މަރަށް މަރު ހިފުމަށް ބޭނުންވާ ނަމައެވެ. އަދި މަރަށް މަރު ހިފުމަށް ވާރިސުންގެ ތެރެއިން އެކަކު އިންކާރު ކުރިނަމަވެސް މަރަށް މަރު ނުހިފޭނެއެވެ.
ސ. ފޭދޫ ޗަނބޭލީގޭ އުމުރުން 29 އަހަރުގެ ޔާމީން ރަޝީދު މަރާލާފައިވަނީ 23 އޭޕްރީލް 2017 ވަނަ ދުވަހުގެރޭ 2:46 ގައި އޭނާ ދިރިއުޅެމުންދިޔަ މ. ސްޕެޓިއުލާގޭގެ ސިޑިގޮޅި ތެރޭގައި ތޫނު އެއްޗެހިން ހަމަލާ ދީގެންނެވެ. ޔާމީން ރަޝީދުގެ މަރުގެ މައްސަލާގައި ދަޢުލަތުން 6 މީހެއްގެ މައްޗަށް ގަސްދުގައި މީހަކު މެރުމުގެ ކުށުގެ ދައުވާ އުފުލާފައިވާއިރު އެ ހަމީހުންނަށްވެސް މަރުގެ އަދަބު ދިނުމަށް ދަޢުލަތުން ވަނީ އެދިފައެވެ.
ޔާމީން ރަޝީދުގެ ހަށިގަނޑުގެ 34 ތަނަކަށް ވަޅިން ހަމަލާދީ އޭނާ މަރާލިކަން ޝަރީއަތަށް ސާބިތުވާ ކަމަށް ކަނޑައަޅާފައިވަނީ ހ. އަންނާރުމާގޭ އިސްމާއީލް ހައިޝަމް ރަޝީދާއި މ. އިރާސްމިކުގޭ އަހުމަދު ޒިހާން އިސްމާއީލްގެ މައްޗަށެވެ.
ޝަރީއަތް މިވަގުތަށް މެދުކަނޑާލާފައިވަނީ ކުށްވެރިންނަށް އަދަބު ކަނޑައެޅުމާ ބެހޭ ގޮތުން މަޝްވަރާ ކުރުމަށެވެ. އަދި އަދަބާ ބެހޭ ގޮތުން ވާހަކަ ދެއްކުމަށް ފަހު މިރޭ ހުކުމް ކުރުމަށް ވަނީ ހަަމަޖެހިފައެވެ.
ޔާމީން ރަޝީދުގެ ވާރިސުންގެ ބަހާ ގުޅޭގޮތުން ކޯޓުން ސުވާލު ކުުރުމުން ޔާމީންގެ މަންމަ ކްރިމިނަލް ކޯޓުގައި މިއަދު ބުނީ ޔާމީން ރަޝީދަކީ އިންސާނީ ހައްގުތަކަށް ވަކާލާތު ކުރަމުން އައި މީހެއް ކަމަށާއި އިންސާނަކަށްވީތީ ކޮންމެ މީހަކަށްވެސް ދިރިހުރުމުގެ ހައްގު ލިބެން ވާނެ ކަމަށް ޔާމީން ދެކޭ ކަމަށެވެ. އެހެންކަމުން ޔާމީންގެ މަރުގެ މައްސަލާގައި ކުށްވެރިވާ މީހުންގެ ކިބައިން މަރަށް މަރު ހިފަން ބޭނުން ނުވާ ކަމަށް ޔާމީންގެ މަންމަ ބުންޏެވެ.
"ގިސާސް ހިފާކަށް ބޭނުމެއް ނޫން. ދިޔަ ބޭނުމީ. އޭނާގެ ނަމުގައި ކޮންމެވެސް ކަމެއް އެއިން ކުރެވޭނެ ކަމަށް ދެކެން،" ވާރިސުންގެ ބަހާ ގުޅޭގޮތުން ޝަފީގާ ބުންޏެވެ.
ރާއްޖޭގައި މަރުގެ ދިޔައިގެ ގޮތުގައި މިހާރު ނަގައިދެނީ އެއް މިލިއަން ރުފިޔާއެވެ.
ޔާމީންގެ ބައްޕަ ހުސައިން ރަޝީދު ބުނީ މާފު ކުރުމަކީ އިސްލާމްދީނުގައި އޮތް މަތިވެރި ސިފައެއް ކަމަށާއި ނަމަވެސް ޔާމީންގެ ގާތިލުން އާއިލާގެ ކިބައިން މާފަށް އެދިފައިނުވާ ކަމަށެވެ. އަދި އޭނާގެ ދަރިން ޤިޞާޞް ހިފަން ބޭނުންނުވި ނަމަވެސް އޭނާ ބޭނުންވަނީ ޤިޞާޞް ހިފަންކަމަށް ޙުސައިން ރަޝީދު ބުންޏެވެ.
"އަޅުގަނޑު ބޭނުމީ އަދުލްއިންސާފު ގާއިމު ކުރަން. ގިސާސް ހިފަން،" ހުސައިން ރަޝީދު މިއަދު ކޯޓުގައި ބުންޏެވެ.
ސުޕްރީމް ކޯޓުން ނެރެފައިވާ އުސޫލުގައިވާ ގޮތުން މަރަށް މަރު ހިފޭނީ މަރުވި މީހާގެ ހުރިހާ ވާރިސުން މަރަށް މަރު ހިފުމަށް ބޭނުންވާ ނަމައެވެ. އަދި މަރަށް މަރު ހިފުމަށް ވާރިސުންގެ ތެރެއިން އެކަކު އިންކާރު ކުރިނަމަވެސް މަރަށް މަރު ނުހިފޭނެއެވެ.
ސ. ފޭދޫ ޗަނބޭލީގޭ އުމުރުން 29 އަހަރުގެ ޔާމީން ރަޝީދު މަރާލާފައިވަނީ 23 އޭޕްރީލް 2017 ވަނަ ދުވަހުގެރޭ 2:46 ގައި އޭނާ ދިރިއުޅެމުންދިޔަ މ. ސްޕެޓިއުލާގޭގެ ސިޑިގޮޅި ތެރޭގައި ތޫނު އެއްޗެހިން ހަމަލާ ދީގެންނެވެ. ޔާމީން ރަޝީދުގެ މަރުގެ މައްސަލާގައި ދަޢުލަތުން 6 މީހެއްގެ މައްޗަށް ގަސްދުގައި މީހަކު މެރުމުގެ ކުށުގެ ދައުވާ އުފުލާފައިވާއިރު އެ ހަމީހުންނަށްވެސް މަރުގެ އަދަބު ދިނުމަށް ދަޢުލަތުން ވަނީ އެދިފައެވެ.
ޝަރީއަތް މިވަގުތަށް މެދުކަނޑާލާފައިވަނީ ކުށްވެރިންނަށް އަދަބު ކަނޑައެޅުމާ ބެހޭ ގޮތުން މަޝްވަރާ ކުރުމަށެވެ. އަދި އަދަބާ ބެހޭ ގޮތުން ވާހަކަ ދެއްކުމަށް ފަހު މިރޭ ހުކުމް ކުރުމަށް ވަނީ ހަަމަޖެހިފައެވެ.
ކިޔުންތެރިންގެ ހިޔާލު