ކުރީގެ ރައީސް މައުމޫން އަބްދުލްގައްޔޫމްގެ، މޯލްޑިވްސް ރީފޯމް މޫވްމަންޓް، އެމްއާރުއެމުން ކޮމަންޑޫ ދާއިރާގެ ބައި އިލެކްޝަންގައި ވާދަކުރާ އެމްޑީޕީ ސަރުކާރުގެ ކެނޑިޑޭޓަށް ތާއީދު ނުކުރާކަން ހާމަވާފަދަ ބަޔާނެއް ނެރެފިއެވެ.
ކޮމަންޑޫ ދާއިރާގެ ބައި އިލެކްޝަންގައި ވާދަކުރަނީ އެމްޑީޕީ، ޕީޕީއެމް އަދި އެމްއެންޕީގެ ކެންޑިޑޭޓުން ނެވެ. މީގެތެރެއިން އެމްޑީޕީއަކީ ވެރިކަމުގައި އޮތް ކޯލިޝަންގައި ހިމެނޭ މައި ޕާޓީއެވެ. އަދި ކޯލިޝަންގައި ދެން ހިމެނޭ އެންމެ ބޮޑު ޕާޓީކަމަށްވާ ޖުމްހޫރީ ޕާޓީންވެސް ވަނީ އެމްޑީޕީގެ ކެނޑިޑޭޓަށް ތާއީދުކުރާކަން ހާމަކޮށްފައެވެ. ނަމަވެސް ކޯލިޝަންގައި ދެން ހިމެނޭ އަދާލަތު ޕާޓީއާއި ރައީސް މައުމޫންގެ އެމްއާރުއެމުން އެމްޑީޕީގެ ކެނޑިޑޭޓަށް ތާއީދު ކުރާކަން ހާމަކޮށްފައެއް ނުވެއެވެ.
އެހެން އެކަން އޮއްވާ މައުމޫންގެ އެމްއާރުއެމުން މިއަދު ނެރުނު ބަޔާނެއްގައި އެމްއާރުއެމުން ކޮމަންޑޫ ދާއިރާއަށް ވާދަކުރައްވާ އެމްޑީޕީގެ ކެންޑިޑޭޓަށް ތާއީދުނުކުރާކަން ވަނީ ހާމަވެފައެވެ.
އެމްއާރުއެމުން މިއަދު ނެރުނު ބަޔާނެއްގައި ބުނީ ދިވެހިރާއްޖޭގެ ކުރިމަގު ބިނާކުރުމުގައި އެންމެ މުހިއްމު ދަޢުރެއް އަދާކުރާ ޙިއްސާދާރުންނަކީ ރައްޔިތުން ކަމުގައިވާއިރު، އެ ޕާޓީން ދެކޭ ގޮތުގައި ކުރިއަށް މި އޮތް އިންތިޚާބަކީވެސް ރައްޔިތުންނާ ހަވާލު ކުރެވިފައިވާ އަގުހުރި އަމާނާތެއްކަމަށެވެ. އަދި އެއީ އަޅުގަނޑުމެން މި އެދޭ އިސްލާޙް ގެނައުމަށް ލިބޭ އިތުރު ފުރުޞަތެއްކަމަށްވެސް އެމްއާރުއެމުން ބުނެފައި ވެއެވެ.
އެމްއާރުއެމުން ވަނީ މި އިންތިޚާބުގައި ވޯޓު ދެއްވާއިރު، ނުފޫޒާއި ފިއްތުންތަކަށް ބޯ ނުލަނބައި، ޤާނޫނުން ކަށަވަރުކޮށްދީފައިވާ އަމިއްލަ އިޚްތިޔާރުގައި ވޯޓުލުމުގެ ޙައްޤު އަމާނާތްތެރިކަމާއެކު މިންކުރެއްވުމަށް ގޮވާލާފައެވެ. އަދި ވޯޓު ދެއްވުމުގައި، ވަގުތީ ގޮތުން ލިބޭ ފައިދާގެ ބަދަލުގައި ރައްޔިތުންނަށް ފައިދާވާނެ ސިޔާސަތުތައް ހުށަހަޅާ، އެ ސިޔާސަތުތައް ރައްޔިތުންނާ ހަމައަށް ގެނެސްދިނުމުގެ ޤާބިލްކަން ހުރި ކެނޑިޑޭޓުންނަށް ވޯޓު ދެއްވުމަށް އެމްއާރުއެމުން ވަނީ ގޮވާލާފައެވެ.
މީގެއިތުރުން އެމްއާރުއެމްގެ ބަޔާނުގައި ކެންޕެއިންގެ ދުވަސްވަރު ޤާނޫނާ ޚިލާފު ކަންކަން ނުހިނގާކަން ކަށަވަރުކޮށް، ކުރިއަށް އޮތް އިންތިޚާބަކީ އިންސާފުވެރި ސައްޙަ އިންތިޚާބަކަށް ހެދުމަށް އިލެކްޝަންސް ކޮމިޝަނާއި، ކަމާއި ގުޅޭ އެހެނިހެން މިނިވަން މުއައްސަސާތައްވެސް، ޒިންމާދާރު ކަމާއި، ޤާނޫނުން ލިބިދީފައިވާ ފުރިހަމަ ބާރާއިއެކު މަސައްކަތް ކޮއްދެއްވުމަށް ވަނީ ގޮވާލާފައެވެ.
އެމްއާރުއެމުން އެމްޑީޕީގެ ކެނޑިޑޭޓަށް ތާއީދުނުކުރަން ނިންމާފައިވާކަން ޔަގީންވެފައިވާއިރު، އެ ޕާޓީން ތާއީދުކުރަނީ ކޮން ކެނޑިޑޭޓަކަށްކަމެއް ހާމަކޮށްފައެއް ނުވެއެވެ. އަދި އެމްޑީޕީގެ ކެނޑިޑޭޓަށް ތާއީދުނުކުރަނީ ކީއްވެގެން ކަމެއްވެސް އެމްއާރުއެމުން ހާމަކޮށްފައެއް ނުވެއެވެ.
އެހެން އެކަން އޮއްވާ މައުމޫންގެ އެމްއާރުއެމުން މިއަދު ނެރުނު ބަޔާނެއްގައި އެމްއާރުއެމުން ކޮމަންޑޫ ދާއިރާއަށް ވާދަކުރައްވާ އެމްޑީޕީގެ ކެންޑިޑޭޓަށް ތާއީދުނުކުރާކަން ވަނީ ހާމަވެފައެވެ.
ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި-އިލެކްޝަނާއި ގުޅިގެން ޤާނޫނާއި ޤަވާއިދުތަކުގެ ތެރެއިން ކެންޕެއިން ޙަރަކާތްތައް ކުރިއަށް ގެންދިއުމަށް ގޮވާލުން. pic.twitter.com/zEoi8JkXPD
— Maldives Reform Movement (MRM) 🇲🇻 (@MRM_Office) January 22, 2022
އެމްއާރުއެމުން މިއަދު ނެރުނު ބަޔާނެއްގައި ބުނީ ދިވެހިރާއްޖޭގެ ކުރިމަގު ބިނާކުރުމުގައި އެންމެ މުހިއްމު ދަޢުރެއް އަދާކުރާ ޙިއްސާދާރުންނަކީ ރައްޔިތުން ކަމުގައިވާއިރު، އެ ޕާޓީން ދެކޭ ގޮތުގައި ކުރިއަށް މި އޮތް އިންތިޚާބަކީވެސް ރައްޔިތުންނާ ހަވާލު ކުރެވިފައިވާ އަގުހުރި އަމާނާތެއްކަމަށެވެ. އަދި އެއީ އަޅުގަނޑުމެން މި އެދޭ އިސްލާޙް ގެނައުމަށް ލިބޭ އިތުރު ފުރުޞަތެއްކަމަށްވެސް އެމްއާރުއެމުން ބުނެފައި ވެއެވެ.
އެމްއާރުއެމުން ވަނީ މި އިންތިޚާބުގައި ވޯޓު ދެއްވާއިރު، ނުފޫޒާއި ފިއްތުންތަކަށް ބޯ ނުލަނބައި، ޤާނޫނުން ކަށަވަރުކޮށްދީފައިވާ އަމިއްލަ އިޚްތިޔާރުގައި ވޯޓުލުމުގެ ޙައްޤު އަމާނާތްތެރިކަމާއެކު މިންކުރެއްވުމަށް ގޮވާލާފައެވެ. އަދި ވޯޓު ދެއްވުމުގައި، ވަގުތީ ގޮތުން ލިބޭ ފައިދާގެ ބަދަލުގައި ރައްޔިތުންނަށް ފައިދާވާނެ ސިޔާސަތުތައް ހުށަހަޅާ، އެ ސިޔާސަތުތައް ރައްޔިތުންނާ ހަމައަށް ގެނެސްދިނުމުގެ ޤާބިލްކަން ހުރި ކެނޑިޑޭޓުންނަށް ވޯޓު ދެއްވުމަށް އެމްއާރުއެމުން ވަނީ ގޮވާލާފައެވެ.
އެމްއާރުއެމުން އެމްޑީޕީގެ ކެނޑިޑޭޓަށް ތާއީދުނުކުރަން ނިންމާފައިވާކަން ޔަގީންވެފައިވާއިރު، އެ ޕާޓީން ތާއީދުކުރަނީ ކޮން ކެނޑިޑޭޓަކަށްކަމެއް ހާމަކޮށްފައެއް ނުވެއެވެ. އަދި އެމްޑީޕީގެ ކެނޑިޑޭޓަށް ތާއީދުނުކުރަނީ ކީއްވެގެން ކަމެއްވެސް އެމްއާރުއެމުން ހާމަކޮށްފައެއް ނުވެއެވެ.
ކިޔުންތެރިންގެ ހިޔާލު