އަނބިމީހާ މަރާލަންއުޅުނުކަމަށް ތުހުމަތުކުރާ މީހާ ދޫކޮށްލީ ގޯސްކޮށް ކަމަށް ހައިކޯޓުން ކަނޑައަޅައިފިއެވެ.
ނ.ލަންދޫ، ހިތްފަސޭހަގެ އަހުމަދު އިނާޒު އޭނާގެ އަނބިމީހާއަށް ގެވެށި އަނިޔާކޮށް، މަރާލަން އުޅުނު ކަމުގެ ތުހުމަތު ކުރެވޭ މައްސަލައަކާ ގުޅިގެން އިނާޒު ބަންދުކޮށްފައި ހުއްޓައި، ބަންދުން ދޫކޮށްލަން ލަންދޫ ކޯޓުން ނިންމާފައިވަނީ ގޯސްކޮށް ކަމަށް ހައިކޯޓުން ކަނޑައެޅީ އިއްޔެއެވެ.
2021 ވަނަ އަހަރު ލަންދޫ ފިރިހެނަކު އޭނަގެ އަނބިމީހާއަށް އަނިޔާކޮށް މަރާލާނެ ކަމަށް ބުނެ އިންޒާރު ދީފައިވާތީ އޭނާއާ ދެކޮޅަށް އެރަށު ކޯޓުން ވަނީ ގެވެށި އަނިޔާއިން އަނބިމީހާ ރައްކާތެރިކޮށްދިނުމުގެ އަމުރެއް ނެރެފައެވެ. އެހެންނަމަވެސް ކޯޓު އަމުރު ނެރުނުތާ ހިނދުކޮޅެއްފަހުން އެފިރިހެން މީހާ ވަނީ އަންހެންމީހާ ދިރިއުޅުނު ގެޔަށްގޮސް އެއަމުރު ވީދާލާފައެވެ.
އެހެންކަމުން އެމީހާ ހައްޔަރުކޮށް ޝަރީއަތް ނިމެންދެން ބަންދުގައި ބަހައްޓަން ކޯޓުން ވަނީ އަމުރުކޮށްފައެވެ. ނަމަވެސް ބަންދު މުރާޖައާގެ 8 ވަނަ އަޑުއެހުމުގައި މި މަހު 2 ގައި ލަންދޫ ކޯޓުން ވަނީ އޭނާ ދޫކޮށްލަން ނިންމާފައެވެ. ލަންދޫ މެޖިސްޓްރޭޓު ކޯޓުން އެގޮތަށް އަމުރުކުރީ އެމައްސަލައަކީ ދެމަފިރިންގެ ދެމެދުގައި ހިނގާފައިވާ ކަމަކަށްވެފައި މިހާރު އެ ދެމީހުންނަކީ ދެމަފިރިން ކަމުގައިނުވާތީއެވެ. އަދި މީގެ ކުރިން އިނާޒުގެ ކުށެއްގެ ރެކޯޑެއް ނެތުމުން މުޖުތަމައުގެ ސަލާމަތަށް ނުރައްކަލެއް އޮތްކަމަށް ނުފެންނާތީއެވެ.
ނަމަވެސް ދަޢުލަތުން ވަނީ މިއަހަރުގެ ޖެނުއަރީ ފަސް ވަނަ ދުވަހު އެމައްސަލަ ހައި ކޯޓުގައި އިސްތިއުނާފުކޮށްފައެވެ. އިސްތިއުނާފް އަޑުއެހުމުގައި ދަޢުލަތުން ބުނީ އިނާޒުގެ މައްޗަށް ކޮށްފައިވަނީ ޖިނާއީ ބޮޑު ދަޢުވާއެއް ކަމަށާއި އެއީ ގަސްދުގައި މީހަކު މަރާލަން އުޅުމުގެ ކުށުގެ ދައުވާ ކަމަށެވެ. އަދި އިނާޒު އަމަލުކޮށްފައިވާ ގޮތަށް ބަލާއިރު، މައްސަލައިގައި އަނިޔާ ލިބުނު ފަރާތުގެ ރައްކާތެރިކަން ނެތްކަން އެނގެން އޮންނަ ކަމަށެވެ. އެހެންކަމުން ހެއްކަށް ނުފޫޒު ފޯރުވުމުގެ ފުރުސަތު އެބައޮތް ކަމަށް ދައުލަތުން ވަނީ ފާހަގަކޮށްފައެވެ.
މި މައްސަލަ ބެއްލެވި ހައިކޯޓުގެ ތިން ފަނޑިޔާރުންގެ އިއްތިފާގުން ނިންމީ އިނާޒު ބަންދުން ދޫކޮށްލަން ލަންދޫ މެޖިސްޓްރޭޓް ކޯޓުން ނިންމީ ގޯސްކޮށް ކަމަށެވެ. އެގޮތަށް ހުކުމްކުރީ އިނާޒުގެ ފަރާތުން އަނިޔާ ލިބުނު މީހުންނަށް ރައްކާތެރިކަން ކަށަވަރުވެފައި ނުވާތީ އާއި އިނާޒުގެ ފަރާތުން ހެއްކަށް ނުފޫޒު ފޯރުވުމުގެ އިހުތިމާލު އޮތުމުންނެވެ. އެހެންކަމުން ހައި ކޯޓުން ވަނީ ލަންދޫ މެޖިސްޓްރޭޓު ކޯޓުން ނެރެފައިވާ އަމުރު ބާތިލުކޮށް އިނާޒު ހައްޔަރު ކުރުމަށް އަމުރު ކޮށްފައެވެ.
2021 ވަނަ އަހަރު ލަންދޫ ފިރިހެނަކު އޭނަގެ އަނބިމީހާއަށް އަނިޔާކޮށް މަރާލާނެ ކަމަށް ބުނެ އިންޒާރު ދީފައިވާތީ އޭނާއާ ދެކޮޅަށް އެރަށު ކޯޓުން ވަނީ ގެވެށި އަނިޔާއިން އަނބިމީހާ ރައްކާތެރިކޮށްދިނުމުގެ އަމުރެއް ނެރެފައެވެ. އެހެންނަމަވެސް ކޯޓު އަމުރު ނެރުނުތާ ހިނދުކޮޅެއްފަހުން އެފިރިހެން މީހާ ވަނީ އަންހެންމީހާ ދިރިއުޅުނު ގެޔަށްގޮސް އެއަމުރު ވީދާލާފައެވެ.
އެހެންކަމުން އެމީހާ ހައްޔަރުކޮށް ޝަރީއަތް ނިމެންދެން ބަންދުގައި ބަހައްޓަން ކޯޓުން ވަނީ އަމުރުކޮށްފައެވެ. ނަމަވެސް ބަންދު މުރާޖައާގެ 8 ވަނަ އަޑުއެހުމުގައި މި މަހު 2 ގައި ލަންދޫ ކޯޓުން ވަނީ އޭނާ ދޫކޮށްލަން ނިންމާފައެވެ. ލަންދޫ މެޖިސްޓްރޭޓު ކޯޓުން އެގޮތަށް އަމުރުކުރީ އެމައްސަލައަކީ ދެމަފިރިންގެ ދެމެދުގައި ހިނގާފައިވާ ކަމަކަށްވެފައި މިހާރު އެ ދެމީހުންނަކީ ދެމަފިރިން ކަމުގައިނުވާތީއެވެ. އަދި މީގެ ކުރިން އިނާޒުގެ ކުށެއްގެ ރެކޯޑެއް ނެތުމުން މުޖުތަމައުގެ ސަލާމަތަށް ނުރައްކަލެއް އޮތްކަމަށް ނުފެންނާތީއެވެ.
މި މައްސަލަ ބެއްލެވި ހައިކޯޓުގެ ތިން ފަނޑިޔާރުންގެ އިއްތިފާގުން ނިންމީ އިނާޒު ބަންދުން ދޫކޮށްލަން ލަންދޫ މެޖިސްޓްރޭޓް ކޯޓުން ނިންމީ ގޯސްކޮށް ކަމަށެވެ. އެގޮތަށް ހުކުމްކުރީ އިނާޒުގެ ފަރާތުން އަނިޔާ ލިބުނު މީހުންނަށް ރައްކާތެރިކަން ކަށަވަރުވެފައި ނުވާތީ އާއި އިނާޒުގެ ފަރާތުން ހެއްކަށް ނުފޫޒު ފޯރުވުމުގެ އިހުތިމާލު އޮތުމުންނެވެ. އެހެންކަމުން ހައި ކޯޓުން ވަނީ ލަންދޫ މެޖިސްޓްރޭޓު ކޯޓުން ނެރެފައިވާ އަމުރު ބާތިލުކޮށް އިނާޒު ހައްޔަރު ކުރުމަށް އަމުރު ކޮށްފައެވެ.
ކިޔުންތެރިންގެ ހިޔާލު