އައިޖީއެމްއެޗްގައި ހީމޯޑަޔަލެސިސް ނަރުހެއްގެ ގޮތުގައި މަސައްކަތް ކުރަމުންދިޔަ ފިލިޕިންސްގެ މޭރީ ގްރޭސް ޕިނޭޑާގެ މަރުގެ މައްސަލާގައި ދަޢުވާ އުފުލާފައިވާ މޭރީގެ ފިރިމީހާ މާވިން އެސްވައި ވާގަސްގެ ޝަރީޢަތުގެ އަޑުއެހުން މިއަދުވެސް ކުރިއަށް ނުގެންދެވި ނިންމާލައިފިއެވެ.
މޭރީގެ މަރުގެ މައްސަލާގައި މާވިންގެ މައްޗަށް ދައުވާ އުފުލައި ޕްރޮސެކިއުޓާ ޖެނެރަލް އޮފީހުން ކުރިމިނަލް ކޯޓަށް މައްސަލަ ފޮނުވީ މިދިޔަމަހުގެ ހަތަރު ވަނަ ދުވަހުއެވެ. ކުރިމިނަލް ކޯޓުން އެ މައްސަލައިގެ ޝަރީއަތް ބާއްވާފައި ވަނީ މިއަދުއެވެ.
މޭރީގެ މަރުގެ މައްސަލާގައި ހިމެނޭ ދެމީހުންގެ ޝަރީޢަތް ވަކިވަކިން ކުރިއަށް ގެންގޮސްފައިވާއިރު މޭރީގެ ފިރިމީހާ މާވިން އެސްވައި ވާގަސްގެ އަޑުއެހުމުގައި ދިފާއީ ވަކީލު ވިދާޅުވީ، މާވިން މިހާރުވެސް ހުރީ ކަސްޓޯޑިއަލް ޖަލެއްގައި ކަމަށާއި އެހެންކަމުން އޭނާއާއި ބައްދަލު ނުކުރެވޭ ކަމަށެވެ. އެގޮތުން 3 ފަހަރެއްގެ މަތިން މާވިންއާ ބައްދަލުކުރުމަށް މަސައްކަތް ކުރި ނަމަވެސް އެ ފުރުސަތު ފުލުހުން ނުދޭކަން ވަކީލް ފާހަގަކުރެއްވިއެވެ. އަދި ރިމާންޑް ޖަލަކަށް ބަދަލުނުކުރެވޭނަމަ މާވިން ބަންދުން ދޫކޮށްލަން ޖެހޭނެ ކަމަށް ވަކީލް ވިދާޅުވިއެވެ.
ދިފާޢީ ވަކީލްގެ ވާހަކަތަކަށް ރައްދު ދެއްވަމުން ދައުލަތުގެ ވަކީލު ވިދާޅުވީ، ހަމަޖެހިފައިވާ އިޖުރާއަތުތަކާއި އެއްގޮތަށް ފޯމު ހުށައެޅުއްވުމުން ދިފާޢީ ވަކީލަށް މާވިންއާ ބައްދަލު ކުރެވޭނެކަމަށެވެ. އަދި މާވިންގެ ވަކީލް ފުލުހުންގެ އިޖުރާޢަތަށް ޢަމަލުކުރަށްވަން ދެކޮޅުހެއްދެވުމަކީ މާވިން ބަންދުން ދޫކޮށްލަންޖެހޭ ސަބަބެއް ނޫން ކަމަށް ދަޢުލަތުން ފާހަގަކުރެއްވިއެވެ.
އެންމެ ފަހުން ބޭއްވި މައްސަލައިގެ އަޑުއެހުމުގައި ޤާޟީ ވަނީ 15 ދުވަސްތެރޭ މާވިން ރިމާންޑު ޖަލަކަށް ބަދަލު ކުރުމަށް އަމުރު ކުރައްވާފައެވެ. ޤާޟީ ހުސައިން ފާއިޒް ރަޝާދު މިއަދު ވިދާޅުވީ މާވިންގެ ވަކީލަށް މުވައްކިލާއި ބައްދަލުކުރުމުގެ ފުރުސަތު ހޯއްދަވައި ދެއްވުމަށް ދަޢުލަތުންވެސް މަސައްކަތްކޮށްދެއްވުމަށް އެދޭ ކަމަށެވެ. އަދި މައްސަލައިގެ އަޑުއެހުމެއް މާރޗް މަހުގެ 15 ވަނަ ދުވަހު ބާއްވަވާނެ ކަމަށް ޤާޟީ ވިދާޅުވިއެވެ.
މޭރީގެ މަރުގެ މައްސަލާގައި ނަރުހުގެ ފިރިމީހާ 29 އަހަރުގެ މާވިން ހައްޔަރުކުރީ މިދިޔަ އަހަރުގެ އޮކްޓޯބަރު މަހުގެ 27 ވަނަ ދުވަހުއެވެ. ޕީޖީ އޮފީހުން ވަނީ މާވިންގެ މައްޗަށް މީހަކު މެރުމުގެ ދައުވާކޮށްފައެވެ.
މާވިންގެ މައްޗަށް ކޮށްފައިވަނީ އެނގިހުރެ މީހަކު މެރުމުގެ ދައުވާއެވެ. އެ ދަޢުވާ މާވިންގެ މައްޗަށް ކުރަނީ އޮކްޓޫބަރު 19، 2021 ދުވަހުގެ 12:00 އާއި 12:49 އާ ދެމެދުގެ ވަގުތެއްގައި، އޭނާ ދިރިއުޅޭ މއ. އުދުހޭކޮކާގޭގެ ފުރަތަމަ ފަންގިފިލާގެ ތެރޭގައި މޭރީގެ ބޮލާއި ކަރަށް ހަމަލާދީގެންނާއި ނޭވާ ހާސްކޮށްގެން މަރާލާފައިވާތީ އެވެ. މި ކުށުގެ އަސާސީ އަދަބަކީ 10 އަހަރަށް ޖަލަށް ލުމެވެ.
ފުލުހުން މީގެކުރިން ބުނެފައިވަނީ ފިލިޕީންސް އަންހެން މީހާ އުޅޭ ގޭގައި އޭނާ ދަންޖެހިފައި ހުއްޓާ ފެނިގެން ކަމަށް ބުނެ، ރިޕޯޓް ކުރުމުން ފުލުހުން އެތަނަށް ދިއުމުގެ ކުރިން އަންހެން މީހާ ވަނީ ހޮސްޕިޓަލަށް ގެންގޮސްފައި ކަމަށެވެ.
އަދި އެ މަރަކީ ދަންޖެހިގެން އަމިއްލައަށް މަރުވެފައިވާ މަރެއްނޫންކަމާއި އޭނާ މަރާލާފައި އޮތް ކަމަށް އެންމެ ބޮޑަށް ޝައްކުވީ ދަންޖެހިފައި ހުރި ކަމުގެ ނިޝާނެއް ހަށިގަނޑުން ފެންނަން ނެތުމުން ކަމަށް ބައެއް ރިޕޯޓްތައް ބުނެއެވެ. މީގެއިތުރުންވެސް ޝައްކުވާ ގިނަ ކަންތައްތަކެއް ހުރި ކަމަށްވެއެވެ. އަދި މޭރީ ގްރޭސްގެ ޕޯސްޓްމޯޓަމް ރިޕޯޓުން ދައްކާފައިވަނީ އޭނާ މަރުވެފައިވަނީ "ބްލަންޓް އިންޖަރީ" ނުވަތަ އެއްޗެއް ބޭނުން ކޮށްގެން މީހަކު ދިން އަނިޔާއެއްގެ ސަބަބުން ކަމަށެވެ.
މޭރީގެ މަރުގެ މައްސަލާގައި ހިމެނޭ ދެމީހުންގެ ޝަރީޢަތް ވަކިވަކިން ކުރިއަށް ގެންގޮސްފައިވާއިރު މޭރީގެ ފިރިމީހާ މާވިން އެސްވައި ވާގަސްގެ އަޑުއެހުމުގައި ދިފާއީ ވަކީލު ވިދާޅުވީ، މާވިން މިހާރުވެސް ހުރީ ކަސްޓޯޑިއަލް ޖަލެއްގައި ކަމަށާއި އެހެންކަމުން އޭނާއާއި ބައްދަލު ނުކުރެވޭ ކަމަށެވެ. އެގޮތުން 3 ފަހަރެއްގެ މަތިން މާވިންއާ ބައްދަލުކުރުމަށް މަސައްކަތް ކުރި ނަމަވެސް އެ ފުރުސަތު ފުލުހުން ނުދޭކަން ވަކީލް ފާހަގަކުރެއްވިއެވެ. އަދި ރިމާންޑް ޖަލަކަށް ބަދަލުނުކުރެވޭނަމަ މާވިން ބަންދުން ދޫކޮށްލަން ޖެހޭނެ ކަމަށް ވަކީލް ވިދާޅުވިއެވެ.
ދިފާޢީ ވަކީލްގެ ވާހަކަތަކަށް ރައްދު ދެއްވަމުން ދައުލަތުގެ ވަކީލު ވިދާޅުވީ، ހަމަޖެހިފައިވާ އިޖުރާއަތުތަކާއި އެއްގޮތަށް ފޯމު ހުށައެޅުއްވުމުން ދިފާޢީ ވަކީލަށް މާވިންއާ ބައްދަލު ކުރެވޭނެކަމަށެވެ. އަދި މާވިންގެ ވަކީލް ފުލުހުންގެ އިޖުރާޢަތަށް ޢަމަލުކުރަށްވަން ދެކޮޅުހެއްދެވުމަކީ މާވިން ބަންދުން ދޫކޮށްލަންޖެހޭ ސަބަބެއް ނޫން ކަމަށް ދަޢުލަތުން ފާހަގަކުރެއްވިއެވެ.
އެންމެ ފަހުން ބޭއްވި މައްސަލައިގެ އަޑުއެހުމުގައި ޤާޟީ ވަނީ 15 ދުވަސްތެރޭ މާވިން ރިމާންޑު ޖަލަކަށް ބަދަލު ކުރުމަށް އަމުރު ކުރައްވާފައެވެ. ޤާޟީ ހުސައިން ފާއިޒް ރަޝާދު މިއަދު ވިދާޅުވީ މާވިންގެ ވަކީލަށް މުވައްކިލާއި ބައްދަލުކުރުމުގެ ފުރުސަތު ހޯއްދަވައި ދެއްވުމަށް ދަޢުލަތުންވެސް މަސައްކަތްކޮށްދެއްވުމަށް އެދޭ ކަމަށެވެ. އަދި މައްސަލައިގެ އަޑުއެހުމެއް މާރޗް މަހުގެ 15 ވަނަ ދުވަހު ބާއްވަވާނެ ކަމަށް ޤާޟީ ވިދާޅުވިއެވެ.
މޭރީގެ މަރުގެ މައްސަލާގައި ނަރުހުގެ ފިރިމީހާ 29 އަހަރުގެ މާވިން ހައްޔަރުކުރީ މިދިޔަ އަހަރުގެ އޮކްޓޯބަރު މަހުގެ 27 ވަނަ ދުވަހުއެވެ. ޕީޖީ އޮފީހުން ވަނީ މާވިންގެ މައްޗަށް މީހަކު މެރުމުގެ ދައުވާކޮށްފައެވެ.
މާވިންގެ މައްޗަށް ކޮށްފައިވަނީ އެނގިހުރެ މީހަކު މެރުމުގެ ދައުވާއެވެ. އެ ދަޢުވާ މާވިންގެ މައްޗަށް ކުރަނީ އޮކްޓޫބަރު 19، 2021 ދުވަހުގެ 12:00 އާއި 12:49 އާ ދެމެދުގެ ވަގުތެއްގައި، އޭނާ ދިރިއުޅޭ މއ. އުދުހޭކޮކާގޭގެ ފުރަތަމަ ފަންގިފިލާގެ ތެރޭގައި މޭރީގެ ބޮލާއި ކަރަށް ހަމަލާދީގެންނާއި ނޭވާ ހާސްކޮށްގެން މަރާލާފައިވާތީ އެވެ. މި ކުށުގެ އަސާސީ އަދަބަކީ 10 އަހަރަށް ޖަލަށް ލުމެވެ.
އަދި އެ މަރަކީ ދަންޖެހިގެން އަމިއްލައަށް މަރުވެފައިވާ މަރެއްނޫންކަމާއި އޭނާ މަރާލާފައި އޮތް ކަމަށް އެންމެ ބޮޑަށް ޝައްކުވީ ދަންޖެހިފައި ހުރި ކަމުގެ ނިޝާނެއް ހަށިގަނޑުން ފެންނަން ނެތުމުން ކަމަށް ބައެއް ރިޕޯޓްތައް ބުނެއެވެ. މީގެއިތުރުންވެސް ޝައްކުވާ ގިނަ ކަންތައްތަކެއް ހުރި ކަމަށްވެއެވެ. އަދި މޭރީ ގްރޭސްގެ ޕޯސްޓްމޯޓަމް ރިޕޯޓުން ދައްކާފައިވަނީ އޭނާ މަރުވެފައިވަނީ "ބްލަންޓް އިންޖަރީ" ނުވަތަ އެއްޗެއް ބޭނުން ކޮށްގެން މީހަކު ދިން އަނިޔާއެއްގެ ސަބަބުން ކަމަށެވެ.
ކިޔުންތެރިންގެ ހިޔާލު