އައްޑޫ ސިޓީ ހިތަދޫ ވިޔަފާރިވެރިޔާ އަލީ އަބްދުﷲ މަރާލުމުގައި އެހީވި ކަމުގެ ދައުވާ އުފުލާފައިވާ މުހައްމަދު ޝިފާޒަށް ހުކުމް ކުރި އިރު ބަންދުގައި އޭނާ ހޭދަކުރި މުއްދަތަށްވުރެ ޙުކުމުގެ މުއްދަތު ކުރުވުމުން، ހުކުމް ތަންފީޒުވެނިމި އޭނާ މިނިވަންވެއްޖެއެވެ.
2016 ވަނަ އަހަރުގެ މާޗް 2 ވަނަ ދުވަހުގެ ދަންވަރުގެ ވަގުތެއްގައި ޢަލީ ޢަބްދުالله މަރާލާފައިވަނީ އޭނާ ސައިކަލުގައި ދަނިކޮށް، އޭނާ ދުއްވަމުން ދިޔަ ސައިކަލުގައި ފައިން ޖަހައި ވައްޓާލައި، އޭނާގެ ކަރުގައި ވާފަށެއް ޖަހައި ކަރަށް ބާރުކޮށްގެންނެވެ. މިކަމުގައި ޖުމްލަ 4 މީހަކު ބައިވެރިވާކަމަށް ދަޢުލަތުން ވަނީ ބުނެފައެވެ.
ޢަލީ ޢަބްދުالله މަރާލުމުގައި ޤާތިލު އަހުމަދު އިބްރާހިމް ދީދީއަށް އެހީތެރިވި ތިން މިީހަކަށް ވަނީ އެނގިހުރެ މީހަކު މަރާލުމުގައި ބައިވެރިވުމުގެ ދައުވާ އުފުލައިފަ އެވެ. އެއީ ސ. ހިތަދޫ އަތަމާވިލާ، މައޫޒު މުހައްމަދާއި އެރަށު އައްޒާ، މުބާރިކް މުހައްމަދުގެ އިތުރުން ހަމަ އެރަށު ނަޝީދީގޭ، މުހައްމަދު ޝިފާޒުގެ މައްޗަށެވެ. އޭގެތެރެއިން މައޫޒު މުހައްމަދާއި، މުބާރިކު މުހައްމަދުގެ މައްޗަށް ކުށް ސާބިތު ނުވާކަމަށް ކްރިމިނަލް ކޯޓުން ހުކުމް ކޮށްފައިވަނީ 2021 ވަނަ އަހަރުގެ މާރޗު މަހުގެ 28 ވަނަ ދުވަހު އެވެ.
މި މައްސަލާގައި މުޙައްމަދު ޝިފާޒްގެ މައްޗަށް ކްރިމިނަލް ކޯޓުން ކުރި ހުކުމުގައި ވަނީ 2016 ވަނަ އަހަރުގެ މާޗް 2 ވަނަ ދުވަހުގެ މެންދަމުން އަލިވެ 3 ޖަހާ ކަންހާއިރު މީހުން ނޫޅޭ ފަޅު ހިސާބަކަށް އަލީ އަބްދުﷲ ގެންގޮސްދޭން ޝިފާޒަށް 30،000 ރުފިޔާ ހުށަހެޅި ކަމަށާއި ޝިފާޒް އެކަން ކޮށްދިނީ 50،000 ރުފިޔާ ދޭނެ ކަމަށް ބުނުމުން ކަމަށެވެ. އަދި އެ ފައިސާ ލިބިފައިވާ ކަމަށްވެސް ޙުކުމުގައިވެއެވެ.
ޝިފާޒް ފުލުހުންނަށް ދިން ބަޔާނުގައި ބުނެފައި ވަނީ މަރާލި، އަލީ އަބްދުﷲ ސްކޫލް ކައިރިއަށް ގެންދިޔައީ ރައްޓެއްސެއްގެ ކައިރިއަށް ގެންގޮސްދޭށޭ ބުނެ އަލީ އަބްދުﷲގެ ސައިކަލްގައި، އޮޅުވާލައިގެން ކަމަށެވެ. އަދި އެ ހިސާބަށް ދިއުމާއެކު ހިތަދޫ ސްކޫލް އިރުއުތުރު ފަރާތަށް އޮންނަ އަލަ އޮޅާ ދިމާލު ވަލުތެރެއިން އަހްމަދު އިބްރާހިމް ދީދީ އާއި މޫނު ނިވާކޮށްގެން، ހުދުކުލައިގެ ރަބަރު އަންގިތަކެއް ލައްވައިގެން ތިބި އިތުރު ދެ މީހަކު ނުކުތް ކަމަށް ހުކުމުގައި ވެއެވެ. އަދި އެކަމުގައި އޭނާގެ އިތުރު ބައިވެރިވުމެއް ނުވާނެ ކަމަށްވެސް ވަނީ ބުނެފައެވެ.
ޝިފާޒްގެ މައްޗަށް ކުރި ހުކުމުގައި ވަނީ އެ ދައުވާ ޝައްކެއްނެތް މިންވަރަށް ސާބިތުވާ ކަމަށާއި ކުށުގެ އަދަބެއްގެ ގޮތުން ހަ އަހަރަށް ޖަލަށް ލާން ހުކުމް ކުރާ ކަމަށެވެ. ނަމަވެސް ތަހުގީގު މަރުހަލާއިން ފެށިގެން ޝިފާޒް ހުރީ ބަންދުގައި ކަމަށް ވާތީ، ޖިނާއީ އިޖުރާއަތުގެ ގާނޫނާއި އެއްގޮތަށް އެ މުއްދަތު ގުނުމުން ހުކުމުގެ މުއްދަތު ހަމަވެފައިވާ ކަމަށް ޤާޟީ ސޮފްވަތު ޙަބީބް އިއްވެވި ޙުކުމުގައި ވެއެވެ. އެހެންކަމުން ޝިފާޒްގެ ހުކުމް ތަންފީޒުކޮށްނިމި އޭނާ ވަނީ މިނިވަންވެފައެވެ.
ވިޔަފާރިވެރިޔާ އަލީ އަބްދުﷲ މަރާލި މައްސަލައިގައި ދަޢުލަތުން 4 މީހެއްގެ މައްޗަށް ދަޢުވާ އުފުލިއެވެ. އޭގެތެރެއިން ސ. ހިތަދޫ ހެޕީފިއުޗާ، އަހުމަދު އިބްރާހީމް ދީދީގެ މައްޗަށް ކުށް ސާބިތުވެ 8 އޮކްޓޯބަރު 2020ގައި 12 އަހަރާއި ހަމަސް ދުވަހަށް ޖަލަށް ލުމަށް ކްރިމިނަލް ކޯޓުން ވަނީ ޙުކުމް ކޮށްފައެވެ. އަހުމަދު އިބްރާހީމް ދީދީ ވަނީ ޢަލީ އަބްދުاللهގެ ކަރަށް ވާފަށެއް މަހާލުމަށްފަހު، ނޭވާ ހާސްކޮށްގެން މަރާލާފައެވެ. އޭނާ އަކީ ޢަލީ ޢަބްދުالله އަށް ބޮޑުބޭބެ ކިޔާ މީހެކެވެ.
ޢަލީ އަބްދުﷲ ގެއްލިގެން އޭނާގެ އާއިލާގެ ފަރާތުން ފުލުހުންނަށް ރިޕޯޓު ކުރުމާ ގުޅިގެން ހޯދަމުން ދަނިކޮށް، އޭނާ މަރާލާފައި އޮއްވާ ފެނުނީ ހިތަދޫ ސްކޫލުގެ އިރުއުތުރު ކަންމަތީގައި އޮންނަ ޗަކަބިމަކަށް މޫނު ވަތަށް އެއްލާލާފައި އޮއްވަ އެވެ. އަލި އަބްދުﷲ މަރާލުމަށްފަހު އޭނާގެ އަތުގައި ހުރި 40،000 ރުފިޔާ ނަގައިގެން ގެއެއްގައި ވަޅުލައި ފޮރުވާފައި ހުއްޓާ ފުލުހުން ވަނީ ހޯދާފައެވެ.
ޢަލީ ޢަބްދުالله މަރާލުމުގައި ޤާތިލު އަހުމަދު އިބްރާހިމް ދީދީއަށް އެހީތެރިވި ތިން މިީހަކަށް ވަނީ އެނގިހުރެ މީހަކު މަރާލުމުގައި ބައިވެރިވުމުގެ ދައުވާ އުފުލައިފަ އެވެ. އެއީ ސ. ހިތަދޫ އަތަމާވިލާ، މައޫޒު މުހައްމަދާއި އެރަށު އައްޒާ، މުބާރިކް މުހައްމަދުގެ އިތުރުން ހަމަ އެރަށު ނަޝީދީގޭ، މުހައްމަދު ޝިފާޒުގެ މައްޗަށެވެ. އޭގެތެރެއިން މައޫޒު މުހައްމަދާއި، މުބާރިކު މުހައްމަދުގެ މައްޗަށް ކުށް ސާބިތު ނުވާކަމަށް ކްރިމިނަލް ކޯޓުން ހުކުމް ކޮށްފައިވަނީ 2021 ވަނަ އަހަރުގެ މާރޗު މަހުގެ 28 ވަނަ ދުވަހު އެވެ.
މި މައްސަލާގައި މުޙައްމަދު ޝިފާޒްގެ މައްޗަށް ކްރިމިނަލް ކޯޓުން ކުރި ހުކުމުގައި ވަނީ 2016 ވަނަ އަހަރުގެ މާޗް 2 ވަނަ ދުވަހުގެ މެންދަމުން އަލިވެ 3 ޖަހާ ކަންހާއިރު މީހުން ނޫޅޭ ފަޅު ހިސާބަކަށް އަލީ އަބްދުﷲ ގެންގޮސްދޭން ޝިފާޒަށް 30،000 ރުފިޔާ ހުށަހެޅި ކަމަށާއި ޝިފާޒް އެކަން ކޮށްދިނީ 50،000 ރުފިޔާ ދޭނެ ކަމަށް ބުނުމުން ކަމަށެވެ. އަދި އެ ފައިސާ ލިބިފައިވާ ކަމަށްވެސް ޙުކުމުގައިވެއެވެ.
ޝިފާޒް ފުލުހުންނަށް ދިން ބަޔާނުގައި ބުނެފައި ވަނީ މަރާލި، އަލީ އަބްދުﷲ ސްކޫލް ކައިރިއަށް ގެންދިޔައީ ރައްޓެއްސެއްގެ ކައިރިއަށް ގެންގޮސްދޭށޭ ބުނެ އަލީ އަބްދުﷲގެ ސައިކަލްގައި، އޮޅުވާލައިގެން ކަމަށެވެ. އަދި އެ ހިސާބަށް ދިއުމާއެކު ހިތަދޫ ސްކޫލް އިރުއުތުރު ފަރާތަށް އޮންނަ އަލަ އޮޅާ ދިމާލު ވަލުތެރެއިން އަހްމަދު އިބްރާހިމް ދީދީ އާއި މޫނު ނިވާކޮށްގެން، ހުދުކުލައިގެ ރަބަރު އަންގިތަކެއް ލައްވައިގެން ތިބި އިތުރު ދެ މީހަކު ނުކުތް ކަމަށް ހުކުމުގައި ވެއެވެ. އަދި އެކަމުގައި އޭނާގެ އިތުރު ބައިވެރިވުމެއް ނުވާނެ ކަމަށްވެސް ވަނީ ބުނެފައެވެ.
ޝިފާޒްގެ މައްޗަށް ކުރި ހުކުމުގައި ވަނީ އެ ދައުވާ ޝައްކެއްނެތް މިންވަރަށް ސާބިތުވާ ކަމަށާއި ކުށުގެ އަދަބެއްގެ ގޮތުން ހަ އަހަރަށް ޖަލަށް ލާން ހުކުމް ކުރާ ކަމަށެވެ. ނަމަވެސް ތަހުގީގު މަރުހަލާއިން ފެށިގެން ޝިފާޒް ހުރީ ބަންދުގައި ކަމަށް ވާތީ، ޖިނާއީ އިޖުރާއަތުގެ ގާނޫނާއި އެއްގޮތަށް އެ މުއްދަތު ގުނުމުން ހުކުމުގެ މުއްދަތު ހަމަވެފައިވާ ކަމަށް ޤާޟީ ސޮފްވަތު ޙަބީބް އިއްވެވި ޙުކުމުގައި ވެއެވެ. އެހެންކަމުން ޝިފާޒްގެ ހުކުމް ތަންފީޒުކޮށްނިމި އޭނާ ވަނީ މިނިވަންވެފައެވެ.
ޢަލީ އަބްދުﷲ ގެއްލިގެން އޭނާގެ އާއިލާގެ ފަރާތުން ފުލުހުންނަށް ރިޕޯޓު ކުރުމާ ގުޅިގެން ހޯދަމުން ދަނިކޮށް، އޭނާ މަރާލާފައި އޮއްވާ ފެނުނީ ހިތަދޫ ސްކޫލުގެ އިރުއުތުރު ކަންމަތީގައި އޮންނަ ޗަކަބިމަކަށް މޫނު ވަތަށް އެއްލާލާފައި އޮއްވަ އެވެ. އަލި އަބްދުﷲ މަރާލުމަށްފަހު އޭނާގެ އަތުގައި ހުރި 40،000 ރުފިޔާ ނަގައިގެން ގެއެއްގައި ވަޅުލައި ފޮރުވާފައި ހުއްޓާ ފުލުހުން ވަނީ ހޯދާފައެވެ.
ކިޔުންތެރިންގެ ހިޔާލު