ހައުސިންގ ޑިވެލޮޕްމަންޓް ކޯޕަރޭޝަން (އެޗްޑިސީ) އާއި ސްޓޭޓް އިލެކްޓްރިކް ކޮމްޕެނީ (ސްޓެކްލްކޯ) ގުޅިގެން ކުރިޔަށް ގެންދާ އިރުގެ އަލިން ހަކަތަ އުފެއްދުމުގެ މަޝްރޫއަކަށް ބަލަންޖެހޭ ބެލުންތައް ބެލުމަށް ހުޅުމާލޭގެ ބައެއް ސަރަހައްދުތަކުގެ ފުލެޓުތަކުގެ ފުރާޅު އިންސްޕެކްޓް ކުރުމުގެ މަސައްކަތް މާދަމާ ކުރާގޮތަށް ހަމަޖެހިފައިވާކަމަށް އެޗްޑީސީން ބުނެފިއެވެ.

އެޗްޑީސީން މިއަދު ބުނީ، ސޯލާ ޕެނަލް ހަރުކުރުމުގެ މަޝްރޫއާއި ގުޅިގެން ހުޅުމާލޭ ބްލޮކް 121 އަދި 122 ގެ އެއްމެދު އިމާރާތްތަކުގެ އިންސްޕެކްޝަނެއް ހެދުމަށް ހަމަޖެހިފައިވާތީ އެ މަސައްކަތް މާދަމާ ހެނދުނު 11:00 އިން މެންދުރުފަހު 1:00 އަށް ކުރިޔަށް ދާނެކަމަށެވެ.

އެހެންކަމުން މި މަސައްކަތް ކުރިޔަށްދާ ވަގުތުތަކުގައި އެ ސަރަހައްދުގައި ދިރިއުޅޭ ފަރާތްތަކަށް ދިމާވެދާނެ ދަތިތަކަށް މައާފަށް އެދޭކަމަށް ވެސް އެޗްޑީސީން ވަނީ ބުނެފައެވެ.

އެޗްޑީސީން ދަނީ ހުޅުމާލެއަކީ ތިމާވެއްޓާއި ރައްޓެހި ގޮތްގޮތަށް ހަކަތަ އުފައްދާ ބޭނުންކުރާ ތަނަކަށް ހުޅުމާލެ ހެދުމަށް ގިނަ މަސައްކަތްތަކެއް ކުރަމުންނެވެ.