އައިޖީއެމްއެޗްގައި ހީމޯޑަޔަލެސިސް ނަރުހެއްގެ ގޮތުގައި މަސައްކަތް ކުރަމުންދިޔަ ފިލިޕިންސްގެ މޭރީ ގްރޭސް ޕިނޭޑާގެ މަރުގެ މައްސަލާގައި ދަޢުވާ އުފުލާފައިވާ ޅ. ހިންނަވަރު، މާފިނި ހަލީމަތު ލަމްހާ އަބްދުއްރަހްމާންގެ އިބްތިދާއީ އަޑުއެހުމެއް ކްރިމިނަލް ކޯޓުގައި މިއަދު ކުރިއަށް ގެންގޮސްފިއެވެ.
މޭރީގެ މަރުގެ މައްސަލައިގައި 24 އަހަރުގެ ލަމްހާ ހައްޔަރުކުރީ ޑިސެމްބަރު 16 ވަނަ ދުވަހުއެވެ. އެމައްސަލާގައި ޙަލީމަތު ލަމްހާގެ މައްޗަށް ދައުވާ އުފުލައި ޕްރޮސެކިއުޓާ ޖެނެރަލް އޮފީހުން ކުރިމިނަލް ކޯޓަށް މައްސަލަ ފޮނުވީ ޖެނުއަރީމަހުގެ ހަތަރު ވަނަ ދުވަހުއެވެ.
މި މައްސަލާގައި ހިމެނޭ ޅ. ހިންނަވަރު، މާފިނި ހަލީމަތު ލަމްހާ އަބްދުއްރަހްމާންގެ މިއަދުގެ އަޑުއެހުމުގައި ދަޢުލަތުންވަނީ ލަމްހާގެ މައްޗަށް ކުރާ ހުރިހާ ދައުވާއެއް އިއްވާފައެވެ. ޕްރޮސިކިއުޓަރ ޖެނެރަލްގެ އޮފީހުން ހަލީމަތު ލަމްހާގެ މައްޗަށް ތިން ދައުވާއެއް އުފުލާފައިވެއެވެ. އޭގެތެރެއިން އެނގިހުރެ މީހަކު މެރުމުގައި ބައިވެރިވުމުގެ ދައުވާ މީގެ ކުރިން ވަނީ އިއްވާފައެވެ. އެ ދަޢުވާއަށް ލަމްހާ ވަނީ އިންކާރުކޮށްފައެވެ.
މިއަދުގެ އަޑުއެހުމުގައި އިއްވާފައިވަނީ އެހެން މީހެއްގެ މުދަލެއްގެ މައްޗަށް ހުއްދަނޫން ގޮތެއްގައި ބާރުހިންގުމާއި ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގާ ކުރުމުގެ ދަޢުވާ އެވެ.
ދައުލަތުން ބުނީ ލަމްހާ ދިރިއުޅޭ ގެ ކްރިމިނަލް ކޯޓުގެ އަމުރެއްގެ ދަށުން ބަލައި ފާސްކުރިއިރު، ލަމްހާ ދިރިއުޅޭ ކޮޓަރި ތެރެއިން، ހޮސްޕިޓަލްތަކާއި ފަރުވާ ދޭ މަރުކަޒުތަކުގެ ބޭނުމަށް އެކަނި, ދޫކުރެވޭ ބާވަތުގެ ބޭސްތަކެއް ފެނިފައިވާ ކަމަށެވެ. އެ ބޭސްތަކަކީ "އެޗް-1" ދަރަޖައިގެ ހަމައެކަނި ހޮސްޕިޓަލުތަކާއި ސިއްޙީ ޚިދުމަތްދޭ ތަންތަނުގެ ބޭނުމަށް އެކަނި ދޫކުރެވޭ ބޭސްތަކެއްކަމަށް ދައުލަތުން ބުނެއެވެ. އަދި ލަމްހާގެ ގެއަކީ ހޮސްޕިޓަލެއް ނޫންކަމަށްވެސް ދަޢުލަތުންވަނީ ބުނެފައެވެ.
އޭގެ އިތުރުން ލަމްހާގެ ގެ ބަލާ ފާސްކުރިއިރު ފެނިފައިވާ 3 އިންޖެކްޝަންގެ ތެރޭގައި "ސަކްސިނައިލްކޮލިން" އާއި، "ޕޮޓޭސިއަމް ކްލޮރައިޑް" ހިމެނޭއިރު، އެ އިންޖެކްޝަންތަކަކީ މީހުން ހޭނައްތަން ބޭނުންކުރާ އަދި މީހަކު މަރާލެވިދާނެ ފަދަ އިންޖެކްޝަނެއްކަން ދައުލަތުން ފާހަގަކޮށްފައިވެއެވެ.
މިއަދުގެ އަޑުއެހުމުގައި ލަމްހާގެ ފަރާތުން ބުނެފައިވަނީ އޭނާގެ މައްޗަށްކުރާ ހުރިހާ ދަޢުވާތަކަށް އިންކާރު ކުރާ ކަމަށެވެ. ލަމްހާގެ ވަކީލް ޢަބްދުالله ޝާއިރު ވިދާޅުވީ އޮތޯރިޓީއެއްގެ ސިޓީއަކަށް ބިނާކޮށް މީހެއްގެ މައްޗަށް ދައުވާ ނުއުފުލޭނެ ކަމަށެވެ. އަދި ދަޢުވާ ބިނާކުރާ ގާނޫނީ އަސާސާ މެދު ސުވާލު އުފެދޭކަމަށް ވަކީލް ވިދާޅުވިއެވެ. އެއްވެސް މަނާކަމެއް ލަމްހާ ކޮށްފައި ނުވާކަމަށާއި ގާނޫނަކުން މަނާ ނުކުރާ ކޮންމެ ކަމެއް އާންމު ފަރުދުންނަށް ކުރެވޭނެ ކަމަށް ވަކީލް ވިދާޅުވިއެވެ. އޭގެއިތުރުން އެ ބޭސްތަކަކީ އަތުގައި ނުބެހެއްޓޭނެ އެއްޗެއްކަން އެނގޭނެހެން ގެޒެޓުކޮށްފައިވާ ގަވައިދެއް ނުވަތަ ގާނޫނެއް ނެތް ކަމަށްވެސް ވަކީލް ވިދާޅުވިއެވެ.
މިއަދުގެ އަޑުއެހުމުގައި ލަމްހާގެ ގާނޫނީ ވަކީލު އަހްމަދު ޔާމީން ވިދާޅުވީ، ލަމްހާގެ މައިބަދައިގެ ރެދެއް ލާފައިވުމުން އޭނާ ބެޑް ރެސްޓް ކުރަން ހުޅުމާލެ ހޮސްޕިޓަލުން ލަފާ ދިން ނަމަވެސް، އެ ގޮތަށް ކަރެކްޝަންސްއިން އަމަލު ކޮށްފައި ނެތުމުންނާއި ބަންދަށް ވެސް ލުޔެއް ލިބިފައި ނުވާތީ އެ މައްސަލަ އެޗްއާރުސީއެމްއަށް ހުށަހަޅާފައިވާ ކަމަށެވެ. އަދި ރޭވެސް ލަމްހާ ޑޮކްޓަރަށް ދައްކާފައިވާ ކަމަށާއި ނަމަވެސް ހުޅުވާލެވިފައިވާ ޝަރީޢަތެއްގައި ހުރިހާ ތަފްސީލެއް ހާމަކުރެވެން ނެތްކަމަށެވެ.
މި މައްސަލައިގައި ހެކި ހާމަކުރުމަށް އިތުރުވަގުތު ބޭނުންވާކަމަށް ލަމްހާގެ ވަކީލް މިއަދު ވަނީ ބުނެފައެވެ. އެ ފުރުސަތު ޝަރީޢަތުގެ ފަރާތުން ވަނީ ލަމްހާއަށް ދީފައެވެ. އަދި ލަމްހާގެ ބޭސްފަރުވާއާމެދު ލިޔުމުން ޖަވާބުދިނުމަށް ދަޢުލަތަށްވެސް ވަނީ ފުރުސަތު ދީފައެވެ.
މިއަދުގެ އަޑުއެހުމުގައި ޤާޟީ ހުސައިން ފާއިޒު ރަޝާދު ވިދާޅުވީ ދެން މި މައްސަލައިގެ އަޑުއެހުމެއް އޮންނާނީ 19 މެއި ގައި ކަމަށެވެ.
ލަމްހާގެ މައްޗަށް ކޮށްފައިވާ އެނގިހުރެ މީހަކު މެރުމުގައި ބައިވެރިވުމުގެ ކުށުގެ އަސާސީ އަދަބަކީ ހަ އަހަރަށް ޖަލަށް ލުމެވެ. މި ދައުވާކުރަނީ މޭރީ މަރާލުމުގައި އެހީތެރިވެދީފައިވާތީ އާއި މޭރީ މަރާލުމަށް ރޭވި ރޭވުމުގައި ބައިވެރިވެ، މޭރީ މަރާލުމުގެ އަމަލު ހިންގުމަށް މާވިންއަށް މަގުފަހިކޮށްދީފައިވާތީ އެވެ.
ލަމްހާއަށް ކުރާ އެހެން މީހެއްގެ މުދަލެއްގެ މައްޗަށް ހުއްދަ ނޫންގޮތެއްގައި ބާރުހިންގުމުގެ ކުށުގެ ދައުވާގެ އަސާސީ އަދަބަކީ ދެ މަހާއި ބާރަ ދުވަހަށް ޖަލަށް ލުމެވެ. މި ދައުވާ ކުރަނީ ލަމްހާ އުޅުނު ގެ ފާސްކުރިއިރު، އެ ގޭގައި އޭނާ ދިރިއުޅޭ ކޮޓަރީ ތެރެއިން ފެނުނު ސިޓީ އުރައެއްގެ ތެރެއިން، އައިޖީއެމްއެޗްގެ ހުއްދައަކާ ނުލައި، އެ ހޮސްޕިޓަލުން އޭނާ ނަގާފައިވާ، ހޮސްޕިޓަލުން ބޭރަށް ގެންދިއުން މަނާ، އަދި ހޮސްޕިޓަލުގެ ބޭނުމަށް އެކަނި ދޫކުރެވޭ އިންޖެކްޝަންތަކެއް ފެނިފައިވާތީ އެވެ.
ލަމްހާއަށް ކުރާ ތިން ވަނަ ދައުވާ ކަމަށްވާ ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގާ ކުރުމުގެ ކުށުގެ އަސާސީ އަދަބަކީ ވެސް ދެ މަހާއި ބާރަ ދުވަހަށް ޖަލަށް ލުމެވެ. މި ދައުވާކުރަނީ ހޮސްޕިޓަލް އަދި ފަރުވާދޭ މަރުކަޒުތަކުގެ ބޭނުމަށް އެކަނި ދޫކުރެވޭ ބާވަތުގެ ބޭސްތަކެއް ލަމްހާ އުޅޭ ތަނުން ފެނިފައިވާތީ އެވެ.
މި މައްސަލާގައި ހިމެނޭ ޅ. ހިންނަވަރު، މާފިނި ހަލީމަތު ލަމްހާ އަބްދުއްރަހްމާންގެ މިއަދުގެ އަޑުއެހުމުގައި ދަޢުލަތުންވަނީ ލަމްހާގެ މައްޗަށް ކުރާ ހުރިހާ ދައުވާއެއް އިއްވާފައެވެ. ޕްރޮސިކިއުޓަރ ޖެނެރަލްގެ އޮފީހުން ހަލީމަތު ލަމްހާގެ މައްޗަށް ތިން ދައުވާއެއް އުފުލާފައިވެއެވެ. އޭގެތެރެއިން އެނގިހުރެ މީހަކު މެރުމުގައި ބައިވެރިވުމުގެ ދައުވާ މީގެ ކުރިން ވަނީ އިއްވާފައެވެ. އެ ދަޢުވާއަށް ލަމްހާ ވަނީ އިންކާރުކޮށްފައެވެ.
މިއަދުގެ އަޑުއެހުމުގައި އިއްވާފައިވަނީ އެހެން މީހެއްގެ މުދަލެއްގެ މައްޗަށް ހުއްދަނޫން ގޮތެއްގައި ބާރުހިންގުމާއި ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގާ ކުރުމުގެ ދަޢުވާ އެވެ.
ދައުލަތުން ބުނީ ލަމްހާ ދިރިއުޅޭ ގެ ކްރިމިނަލް ކޯޓުގެ އަމުރެއްގެ ދަށުން ބަލައި ފާސްކުރިއިރު، ލަމްހާ ދިރިއުޅޭ ކޮޓަރި ތެރެއިން، ހޮސްޕިޓަލްތަކާއި ފަރުވާ ދޭ މަރުކަޒުތަކުގެ ބޭނުމަށް އެކަނި, ދޫކުރެވޭ ބާވަތުގެ ބޭސްތަކެއް ފެނިފައިވާ ކަމަށެވެ. އެ ބޭސްތަކަކީ "އެޗް-1" ދަރަޖައިގެ ހަމައެކަނި ހޮސްޕިޓަލުތަކާއި ސިއްޙީ ޚިދުމަތްދޭ ތަންތަނުގެ ބޭނުމަށް އެކަނި ދޫކުރެވޭ ބޭސްތަކެއްކަމަށް ދައުލަތުން ބުނެއެވެ. އަދި ލަމްހާގެ ގެއަކީ ހޮސްޕިޓަލެއް ނޫންކަމަށްވެސް ދަޢުލަތުންވަނީ ބުނެފައެވެ.
އޭގެ އިތުރުން ލަމްހާގެ ގެ ބަލާ ފާސްކުރިއިރު ފެނިފައިވާ 3 އިންޖެކްޝަންގެ ތެރޭގައި "ސަކްސިނައިލްކޮލިން" އާއި، "ޕޮޓޭސިއަމް ކްލޮރައިޑް" ހިމެނޭއިރު، އެ އިންޖެކްޝަންތަކަކީ މީހުން ހޭނައްތަން ބޭނުންކުރާ އަދި މީހަކު މަރާލެވިދާނެ ފަދަ އިންޖެކްޝަނެއްކަން ދައުލަތުން ފާހަގަކޮށްފައިވެއެވެ.
މިއަދުގެ އަޑުއެހުމުގައި ލަމްހާގެ ފަރާތުން ބުނެފައިވަނީ އޭނާގެ މައްޗަށްކުރާ ހުރިހާ ދަޢުވާތަކަށް އިންކާރު ކުރާ ކަމަށެވެ. ލަމްހާގެ ވަކީލް ޢަބްދުالله ޝާއިރު ވިދާޅުވީ އޮތޯރިޓީއެއްގެ ސިޓީއަކަށް ބިނާކޮށް މީހެއްގެ މައްޗަށް ދައުވާ ނުއުފުލޭނެ ކަމަށެވެ. އަދި ދަޢުވާ ބިނާކުރާ ގާނޫނީ އަސާސާ މެދު ސުވާލު އުފެދޭކަމަށް ވަކީލް ވިދާޅުވިއެވެ. އެއްވެސް މަނާކަމެއް ލަމްހާ ކޮށްފައި ނުވާކަމަށާއި ގާނޫނަކުން މަނާ ނުކުރާ ކޮންމެ ކަމެއް އާންމު ފަރުދުންނަށް ކުރެވޭނެ ކަމަށް ވަކީލް ވިދާޅުވިއެވެ. އޭގެއިތުރުން އެ ބޭސްތަކަކީ އަތުގައި ނުބެހެއްޓޭނެ އެއްޗެއްކަން އެނގޭނެހެން ގެޒެޓުކޮށްފައިވާ ގަވައިދެއް ނުވަތަ ގާނޫނެއް ނެތް ކަމަށްވެސް ވަކީލް ވިދާޅުވިއެވެ.
މިއަދުގެ އަޑުއެހުމުގައި ލަމްހާގެ ގާނޫނީ ވަކީލު އަހްމަދު ޔާމީން ވިދާޅުވީ، ލަމްހާގެ މައިބަދައިގެ ރެދެއް ލާފައިވުމުން އޭނާ ބެޑް ރެސްޓް ކުރަން ހުޅުމާލެ ހޮސްޕިޓަލުން ލަފާ ދިން ނަމަވެސް، އެ ގޮތަށް ކަރެކްޝަންސްއިން އަމަލު ކޮށްފައި ނެތުމުންނާއި ބަންދަށް ވެސް ލުޔެއް ލިބިފައި ނުވާތީ އެ މައްސަލަ އެޗްއާރުސީއެމްއަށް ހުށަހަޅާފައިވާ ކަމަށެވެ. އަދި ރޭވެސް ލަމްހާ ޑޮކްޓަރަށް ދައްކާފައިވާ ކަމަށާއި ނަމަވެސް ހުޅުވާލެވިފައިވާ ޝަރީޢަތެއްގައި ހުރިހާ ތަފްސީލެއް ހާމަކުރެވެން ނެތްކަމަށެވެ.
މި މައްސަލައިގައި ހެކި ހާމަކުރުމަށް އިތުރުވަގުތު ބޭނުންވާކަމަށް ލަމްހާގެ ވަކީލް މިއަދު ވަނީ ބުނެފައެވެ. އެ ފުރުސަތު ޝަރީޢަތުގެ ފަރާތުން ވަނީ ލަމްހާއަށް ދީފައެވެ. އަދި ލަމްހާގެ ބޭސްފަރުވާއާމެދު ލިޔުމުން ޖަވާބުދިނުމަށް ދަޢުލަތަށްވެސް ވަނީ ފުރުސަތު ދީފައެވެ.
މިއަދުގެ އަޑުއެހުމުގައި ޤާޟީ ހުސައިން ފާއިޒު ރަޝާދު ވިދާޅުވީ ދެން މި މައްސަލައިގެ އަޑުއެހުމެއް އޮންނާނީ 19 މެއި ގައި ކަމަށެވެ.
ލަމްހާގެ މައްޗަށް ކޮށްފައިވާ އެނގިހުރެ މީހަކު މެރުމުގައި ބައިވެރިވުމުގެ ކުށުގެ އަސާސީ އަދަބަކީ ހަ އަހަރަށް ޖަލަށް ލުމެވެ. މި ދައުވާކުރަނީ މޭރީ މަރާލުމުގައި އެހީތެރިވެދީފައިވާތީ އާއި މޭރީ މަރާލުމަށް ރޭވި ރޭވުމުގައި ބައިވެރިވެ، މޭރީ މަރާލުމުގެ އަމަލު ހިންގުމަށް މާވިންއަށް މަގުފަހިކޮށްދީފައިވާތީ އެވެ.
ލަމްހާއަށް ކުރާ ތިން ވަނަ ދައުވާ ކަމަށްވާ ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގާ ކުރުމުގެ ކުށުގެ އަސާސީ އަދަބަކީ ވެސް ދެ މަހާއި ބާރަ ދުވަހަށް ޖަލަށް ލުމެވެ. މި ދައުވާކުރަނީ ހޮސްޕިޓަލް އަދި ފަރުވާދޭ މަރުކަޒުތަކުގެ ބޭނުމަށް އެކަނި ދޫކުރެވޭ ބާވަތުގެ ބޭސްތަކެއް ލަމްހާ އުޅޭ ތަނުން ފެނިފައިވާތީ އެވެ.
ކިޔުންތެރިންގެ ހިޔާލު