ކުޑަކުދިންގެ ދުވަސް ފާހަގަކުރުމުގެ ގޮތުން އެޗްޑީސީ އާއި ކަލާފާނު ސްކޫލް ގުޅިގެން ހުޅުމާލޭގައި 50 ގަސް އިންދައިފިއެވެ.

ހައުސިން ޑިވެލޮޕްމަންޓު ކޯޕަރޭޝަން، އެޗްޑީސީން ބުނީ ހުޅުމާލެ ހިތްފަސޭހަކޮށް ފެހިކުރުމަށް ޖަމިއްޔާ ޖަމާއަތްތަކާއި ސްކޫލްތައް ގުޅިގެން ހަރަކާތްތައް ހިންގުމުގެ މަސައްކަތް ފަށާފައިވާ ކަމަށެވެ.

އެގޮތުން ކަލާފާނު ސްކޫލާއި ގުޅިގެން ގަސް އިންދުމުގެ ހަރަކާތް ބާއްވާފައިވަނީ ހުޅުމާލެ ރުއްގަނޑު 1 ސަރަހައްދުގައެވެ. އެ ހަރަކާތުގައި ކަލާފާނު ސްކޫލުގެ ދަރިވަރުންނާއި ޓީޗަރުންގެ އިތުރުން ބެލެނިވެރިންވެސް ވަނީ ބައިވެރިވެފައެވެ.

Little children of @kalaafaanu_mv giving their love to nature on occasion of Children’s Day 2022. This Tree planting event was officiated by our Deputy Managing Director Ahmed Athif. #Myhulhumale #GoGreen #HelpSaveOurPlanet #ChildrensDay2022 pic.twitter.com/R8LCvGpJ2R

— HDC (@hdcmaldives) May 15, 2022

އެ ހަރަކާތުގައި ވާހަކަ ދައްކަވަމުން އެޗްޑީސީގެ ޑެޕިއުޓީ މެނޭޖިން ޑިރެކްޓަރު އަހްމަދު އާތިފް ވިދާޅުވީ ހުޅުމާލެ ފެހިކޮށް، ހިތްފަސޭހަ ތަނަކަށް ހެދުމަށް އެންމެންގެ އެއްބާރުލުން މުހިންމު ކަމަށާއި، އެކަމުގައި އެޗްޑީސީއާ ގުޅިގެން މަސައްކަތް ކުރުުމުގެ ފުރުސަތު ހުރިހާ ސްކޫލުތަކާއި ކްލަބް ޖަމިއްޔާތަކަށް ވެސް އެބައޮތް ކަމަށެވެ.

އެޗްޑީސީން މިހާރުދަނީ ހުޅުމާލޭގެ އެކި ސަރަހައްދުތަކުގައި ގަސްއިންދައި ފެހި ކުރުމުގެ ގިނަ ޙަރަކާތްތަކެއް ހިންގަމުންނެވެ.