ހަތަރު އަހަރުގެ އަމިއްލަ ދަރިފުޅު މަރާލިކަން އެ ކުއްޖާގެ މަންމަ އައިމިނަތު ޝާހިދާގެ މައްޗަށް ސާބިތުވާކަމަށް ކްރިމިނަލް ކޯޓުން މިއަދު ހުކުމް ކޮށްފި އެވެ.
2016 ފެބްރުއަރީމަހު 11 ވަނަ ދުވަހު ށ. އަތޮޅު ނޫމަރާ ރީޑަސްވިލާގޭގައި ސީރިއަސް ޒަހަމްތަކަކާއެކު މަރާލާފައި އޮއްވާ ފެނުނު ހަތަރު އަހަރުގެ ފާތިމަތު ޝައިހާ ފަޔާޒުގެ ގަޔަށް ވަޅިޖަހާ މަރާލި މައްސަލާގައި އޭނާގެ މަންމަ، ށ. ފުނަދޫ، ދިނަށަ އާމިނަތު ޝާހިދާގެ މައްޗަށް ކުށްސާބިތުވާކަމަށް ކްރިމިނަލް ކޯޓުން ކަނޑައަޅާފައިވަނީ މިއަދުއެވެ. އެ މައްސަލާގައި ދަޢުލަތުން ޝާހިދާގެ މައްޗަށް ދައުވާކުރީ އެނގިހުރެ މީހަކު މެރުމުގެ ދައުވާ އެވެ.
ހަތަރު އަހަރުގެ ޝައިހާ މަރާލާފައިވަނީ ހަށިގަނޑުގެ 10 ތަނަކަށް ވަޅި ހަރައިގެންނެވެ. އެއީ ކަރުގެ ތިން ތަނަކަށާއި ކޮނޑުހުޅާ ދިމާލުން ހަތަރު ތަނަކަށް އަދި ކަނާތުގެ ދެ ތަނަކަށާއި ދަތްދޮޅިއަށް ހަމަލާދީގެންނެވެ. އެހާދިސާ ހިނގިއިރު ޝާހިދާގެ ހަ އަހަރުގެ އަންހެން ދަރިފުޅުވެސް އެކޮޓަރީގައި ނިދާފައި އޮތް ކަމަށްވެ އެވެ. ޝައިހާގެ ގަޔަށް ހެރި ވަޅިވެސް ލޭތަކާ އެކު އެ ގޭގެ ކޮޓަރިއެއްގެ ތެރޭގައި ހުރި ކަބަޑެއްގެ ތެރެއިން ފެނިފައިވެ އެވެ.
ހަ އަހަރު ވަންދެން ކުރިއަށް ގެންދިޔަ ސިއްރު ޝަރީއަތްތަކަށްފަހު، ކްރިމިނަލް ކޯޓުން ޝާހިދާގެ މައްޗަށް އެކުށް ސާބިތުވާކަމަށް ހުކުމްކުރިއިރު، މީގެ ކުރިން ފުލުހުން ބުނެފައިވަނީ، ޝައިހާ މަރާލިއިރުވެސް ޝާހިދާގެ ނަފްސާނީ މައްސަލަތަކެއް ހުރި ކަމަށެވެ. އަދި ސައިކޮލޮޖިކަލް އެސެސްމެންޓުތަކެއް ހަދައި ސައިކޭޓްރިސްޓަކަށް ދައްކާ ފަރުވާ ކުރަމުން ގެންދާ ކަމަށް ފުލުހުން އޭރު ބުނެފައިވެއެވެ. ދަރިފުޅު މަރާލިކަމަށް ޝާހިދާ ވަނީ މީގެ ކުރިން އިއުތިރާފުވެފައެވެ.
މި މައްސަލާގައި ދެން އޮންނާނީ، ވާރިސުންގެ ބަސް ހޯދުމާއި އަދަބާ ބެހޭގޮތުން ވާހަކަ ދެއްކުމެވެ. މިއަޑުއެހުން އޮންނާނީ އަންނަ ހަފްތާގައެވެ.
ޝާހިދާގެ މައްޗަށް ކުށް ސާބިތުވާ ކަމަށް ނިންމީ ހަ އަހަރު ވަންދެން ސިއްރުކޮށްގެން ކުރިއަށް ގެންދިޔަ ޝަރީއަތްތަަކަށްފަހު ކްރިމިނަލް ކޯޓުގެ އިސްގާޒީ އަހުމަދު ޝަކީލެވެ.
ހަތަރު އަހަރުގެ ޝައިހާ މަރާލާފައިވަނީ ހަށިގަނޑުގެ 10 ތަނަކަށް ވަޅި ހަރައިގެންނެވެ. އެއީ ކަރުގެ ތިން ތަނަކަށާއި ކޮނޑުހުޅާ ދިމާލުން ހަތަރު ތަނަކަށް އަދި ކަނާތުގެ ދެ ތަނަކަށާއި ދަތްދޮޅިއަށް ހަމަލާދީގެންނެވެ. އެހާދިސާ ހިނގިއިރު ޝާހިދާގެ ހަ އަހަރުގެ އަންހެން ދަރިފުޅުވެސް އެކޮޓަރީގައި ނިދާފައި އޮތް ކަމަށްވެ އެވެ. ޝައިހާގެ ގަޔަށް ހެރި ވަޅިވެސް ލޭތަކާ އެކު އެ ގޭގެ ކޮޓަރިއެއްގެ ތެރޭގައި ހުރި ކަބަޑެއްގެ ތެރެއިން ފެނިފައިވެ އެވެ.
ހަ އަހަރު ވަންދެން ކުރިއަށް ގެންދިޔަ ސިއްރު ޝަރީއަތްތަކަށްފަހު، ކްރިމިނަލް ކޯޓުން ޝާހިދާގެ މައްޗަށް އެކުށް ސާބިތުވާކަމަށް ހުކުމްކުރިއިރު، މީގެ ކުރިން ފުލުހުން ބުނެފައިވަނީ، ޝައިހާ މަރާލިއިރުވެސް ޝާހިދާގެ ނަފްސާނީ މައްސަލަތަކެއް ހުރި ކަމަށެވެ. އަދި ސައިކޮލޮޖިކަލް އެސެސްމެންޓުތަކެއް ހަދައި ސައިކޭޓްރިސްޓަކަށް ދައްކާ ފަރުވާ ކުރަމުން ގެންދާ ކަމަށް ފުލުހުން އޭރު ބުނެފައިވެއެވެ. ދަރިފުޅު މަރާލިކަމަށް ޝާހިދާ ވަނީ މީގެ ކުރިން އިއުތިރާފުވެފައެވެ.
ޝާހިދާގެ މައްޗަށް ކުށް ސާބިތުވާ ކަމަށް ނިންމީ ހަ އަހަރު ވަންދެން ސިއްރުކޮށްގެން ކުރިއަށް ގެންދިޔަ ޝަރީއަތްތަަކަށްފަހު ކްރިމިނަލް ކޯޓުގެ އިސްގާޒީ އަހުމަދު ޝަކީލެވެ.
ކިޔުންތެރިންގެ ހިޔާލު