ސަރުކާރުން ކުރިޔަށް ގެންދާ ކ. ހިންމަފުށި ބަނދަރު ތަރައްގީ ކުރުމުގެ މަޝްރޫއުގެ ދެވަނަ ފިޔަވަހީގެ ބޮޑު ބައި ނިމިފައިވާކަމަށް ސަރުކާރުން ހާމަކޮށްފިއެވެ.
ޕްލޭނިންގ މިނިސްޓްރީން އެ މަސައްކަތް ހަވާލު ކޮށްފައިވާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން މިއަދު ބުނީ، މި މަސައްކަތުގެ 59 އިންސައްތަ މިހާރު ވަނީ ފުރިހަމަ ކުރެވިފައި ކަމަށެވެ. އަދި ބޭރުތޮށިލުމުގެ މަސައްކަތް ފުރހިމަކޮށް، ބަނދަރުގެ ޕޭވްމެންޓް ހެދުމުގެ 69 އިންސައްތަ ވަނީ ނިންމާލެވިފައިވާ ކަމަށް ވެސް އެ ކުންފުނިންވަނީ ބުނެފައެވެ.
ސަރުކާރުން ކުރިން ހާމަކޮށްފައިވާ ގޮތުން، މި މަޝްރޫއުގެ ދަށުން، އާ ހާބަ ބޭސިންގެ 14،300 ކިއުބިކް މީޓަރުގެ ސަރަހައްދެއް ފުންކުރުމާއި، 38 މީޓަރުގެ ބޭރުތޮށި ލުމާއި، 248 މީޓަރުގެ ރިވެޓްމެންޓް ޖެހުމާއި، 172 މީޓަރުގެ އެއްގަމުތޮށި ލުމާއި، ނެރު ބައްތި ހަރުކުރުމުގެ މަސައްކަތް ކުރާނެއެވެ.
މިއީ 25.88 މިލިއަން ރުފިޔާގެ މަޝްރޫއެކެވެ.
މިއީ 25.88 މިލިއަން ރުފިޔާގެ މަޝްރޫއެކެވެ.
ކިޔުންތެރިންގެ ހިޔާލު