މަރުގެ އަދަބު ތަންފީޒުކުރުމުގެ މަސައްކަތް ކުރީގެ ރައީސް ޔާމީންގެ ސަރުކާރުން ކުރިއަށްގެންދިޔަކަމަށް އޭރުގެ ހޯމް މިނިސްްޓަރ އުމަރު ނަސީރު ވިދާޅުވެއްޖެއެވެ.
އުމަރު ނަސީރު މިހެން ވިދާޅުވެފައި މިވަނީ ރާއްޖޭގައި މަރުގެ އަދަބު ތަންފީޒުކުރުމާއި ގުޅޭގޮތުން ބޮޑު ބަހުސެއް އުފެދިފައިވާ ދަނޑިވަޅެއްގައެވެ. އަދި ކުރީގެ ސަރުކާރުން އެކަން ކުރަން މަސައްކަތްކޮށްފައި ނުވާކަމަށް ދޭހަވާފަދަ މޭރުމަކުން މިހާރުގެ ހޯމް މިނިސްްޓަރ އިމްރާން އަބްދުﷲ މިއަދު މަޖިލީހުގައި ވާހަކަދައްކަވާފައިވާ ދަނޑިވަޅެއްގައެވެ.
ރައީސް ޔާމީންގެ ވެރިކަމުގައި ހޯމް މިނިސްޓަރަކަށް ހުންނެވި އުމަރު ނަސީރު މިއަދު ވިދާޅުވީ މަރުގެ އަދަބު ތަންފީޒު ކުރުމުގެ ވިސްނުން ކުރީ ސަރުކާރުން ގެންގުޅުނުކަމަށެވެ. އަދި އެކަމަށް ބޭނުންވާ ވަސީލަތްތައް ގާއިމްކޮށް، ޤަވާއިދު އެކުލަވާލާ ގެޒެޓް ކުރެވުނުކަމަށްވެސް އުމަރު ވިދާޅުވިއެވެ.
'އަޅުގަޑުގެ މިނިސްޓަރު ކަމުގައި ސުޕްރީމް ކޯޓުގެ މަރުޙަލާ ނިމިފައިހުރި އެއްވެސް ޤައިދީއަކު ނެތް. އެ މަރުހަލާ ނިމިގެން އަޅުގަޑާ ހަމައަށް އައިނަމަ، އަދި ވާރިސުން އެދޭނަމަ، މަރުގެ އަދަބު ތަންފީޒް ކުރެވުނީސް" އުމަރު ވިދާޅުވިއެވެ.
އުމަރު ނަސީރު ވިދާޅުވީ ޤިސާސް ހިފަންވީތޯ ނުވަތަ މައާފް ކުރަންވީތޯ އެއީ ދައުލަތަށް ނިންމޭނެ ކަމެއް ނޫންކަމަށެވެ.
"އެއީ މަރުވި މީހާގެ ވާރިސުންގެ ހައްޤެއް. އެމީހުން އެދޭނަމަ ޤިސާސް ހިފަން ޖެހޭ" އުމަރު ވިދާޅުވިއެވެ.
ކުރީގެ ހޯމް މިނިސްްޓަރ އުމަރު ނަސީރުގެ އިތުރުން، ކުރީގެ އިސްލާމިކް މިނިސްޓަރ އަދި މަޝްހޫރު ދީނީ އިލްމުވެރިޔާ ޑރ. މުހައްމަދު ޝަހީމް އަލީ ސައީދުވެސް ވަނީ ކުރީގެ ސަރުކާރު ނިމުނުއިރު ރާއްޖޭގައި މަރުގެ ހުކުމް ތަންފީޒު ކުރުމުގެ އެންމެހާ ތައްޔާރީތަކާއި ގަވާއިދުތައް ހަދާ ނިންމާފައިވާކަމަށް ވިދާޅުވެފައެވެ. އަދި އޭގެ އެންމެހާ އުސޫލެއް ކެބިނެޓުން ފާސްވެސް ކުރިކަމަށާއި، ރައީސް ޔާމީންގެ ސަރުކާރު ވައްޓާލަން ބޭރުގެ ބާރުތަކުން ބޭނުންވި އެއް ސަބަބަކީ އެެއީކަމަށްވެސް ޝަހީމް ވިދާޅުވިއެވެ.
ޝަހީމް ވިދާޅުވީ މަރުގެ ހުކުމް ތަންފީޒު ކުރުމާބެހޭ އުސޫލުތައް ކެބިނެޓުން ނިންމިއިރު، އެކަމާއިބެހޭ ގޮތުން އިސްލާމީ އިލްމުވެރިން ގެންދަވައިގެން މައުލޫމާތުވެސް ހޯދެއްވިކަމަށެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މަހިބަދޫ ދާއިރާގެ މެންބަރު އަހުމަދު ޠާރިޤު ކުރެއްވި ސުވާލަށް ޖާވާބުދެއްވަމުން މިނިސްޓަރ އިމްރާން ވިދާޅުވީ ޒަމާނުއްސުރެ އެކި ސަރުކާރުތަކުން ސިޔާސީ ބޭނުމުގައި މަރުގެ ޙުކުމާއި ގުޅުވައިގެން އެކި ވާހަކަ ދައްކާފައިވާ ކަމަށެވެ. ނަމަވެސް އެ ސިޔާސަތަށް ވޭތުވެދިޔަ ބައިގަރުނެއްހާ ދުވަހު އެއްވެސް ބަދަލެއް އެއްވެސް ސަރުކާރެއްގައި ގެނެސްފައިނުވާކަމަށް މިނިސްޓަރު ވިދާޅުވިއެވެ.
"މިއީ މި ސަރުކާރުން އަލަށް އުފަންކުރި ސިޔާސަތެއް ނޫން. މިއީ ޒަމާނުއްސުރެ މި ރާއްޖޭގައި އަމަލުކުރަމުން އައި ގޮތް." އިމްރާން މިއަދު ވިދާޅުވިއެވެ.
ދިވެހިރާއްޖޭގެ ޝަރުއީ ކޯޓުތަކުން އިއްވާ މަރުގެ ޙުކުމް ތަންފީޒު ނުކޮށް ދަމަހައްޓަން ޒަމާނުއްސުރެ އަމަލުކުރަމުންދާ މޮރިޓޯރިއަމްގެ ދަށުން ހުރިހާ ސަރުކާރަކުންވެސް މިހާތަނަށް އަމަލުކުރަމުން އައިސްފައިވަނީ އެއްގޮތަކަށްކަމަށް މިނިސްޓަރު ވިދާޅުވިއެވެ.
އިމްރާން ވިދާޅުވީ، ދިވެހިން އިސްލާމް ދީނަށް ބޯލަނބައިގެން ތިބޭތާ 900 އަހަރުވެފައިވާކަމަށާއި، އެހެންކަމުން އިސްލާމް ދީނުގެ ޙުކުމްތައް އިސްތިސްނާއެއް ނެތި ޤަބޫލު ކުރަންޖެހޭކަމަށެވެ.
ރައީސް ޔާމީންގެ ވެރިކަމުގައި ހޯމް މިނިސްޓަރަކަށް ހުންނެވި އުމަރު ނަސީރު މިއަދު ވިދާޅުވީ މަރުގެ އަދަބު ތަންފީޒު ކުރުމުގެ ވިސްނުން ކުރީ ސަރުކާރުން ގެންގުޅުނުކަމަށެވެ. އަދި އެކަމަށް ބޭނުންވާ ވަސީލަތްތައް ގާއިމްކޮށް، ޤަވާއިދު އެކުލަވާލާ ގެޒެޓް ކުރެވުނުކަމަށްވެސް އުމަރު ވިދާޅުވިއެވެ.
'އަޅުގަޑުގެ މިނިސްޓަރު ކަމުގައި ސުޕްރީމް ކޯޓުގެ މަރުޙަލާ ނިމިފައިހުރި އެއްވެސް ޤައިދީއަކު ނެތް. އެ މަރުހަލާ ނިމިގެން އަޅުގަޑާ ހަމައަށް އައިނަމަ، އަދި ވާރިސުން އެދޭނަމަ، މަރުގެ އަދަބު ތަންފީޒް ކުރެވުނީސް" އުމަރު ވިދާޅުވިއެވެ.
އުމަރު ނަސީރު ވިދާޅުވީ ޤިސާސް ހިފަންވީތޯ ނުވަތަ މައާފް ކުރަންވީތޯ އެއީ ދައުލަތަށް ނިންމޭނެ ކަމެއް ނޫންކަމަށެވެ.
"އެއީ މަރުވި މީހާގެ ވާރިސުންގެ ހައްޤެއް. އެމީހުން އެދޭނަމަ ޤިސާސް ހިފަން ޖެހޭ" އުމަރު ވިދާޅުވިއެވެ.
ކުރީގެ ހޯމް މިނިސްްޓަރ އުމަރު ނަސީރުގެ އިތުރުން، ކުރީގެ އިސްލާމިކް މިނިސްޓަރ އަދި މަޝްހޫރު ދީނީ އިލްމުވެރިޔާ ޑރ. މުހައްމަދު ޝަހީމް އަލީ ސައީދުވެސް ވަނީ ކުރީގެ ސަރުކާރު ނިމުނުއިރު ރާއްޖޭގައި މަރުގެ ހުކުމް ތަންފީޒު ކުރުމުގެ އެންމެހާ ތައްޔާރީތަކާއި ގަވާއިދުތައް ހަދާ ނިންމާފައިވާކަމަށް ވިދާޅުވެފައެވެ. އަދި އޭގެ އެންމެހާ އުސޫލެއް ކެބިނެޓުން ފާސްވެސް ކުރިކަމަށާއި، ރައީސް ޔާމީންގެ ސަރުކާރު ވައްޓާލަން ބޭރުގެ ބާރުތަކުން ބޭނުންވި އެއް ސަބަބަކީ އެެއީކަމަށްވެސް ޝަހީމް ވިދާޅުވިއެވެ.
ޝަހީމް ވިދާޅުވީ މަރުގެ ހުކުމް ތަންފީޒު ކުރުމާބެހޭ އުސޫލުތައް ކެބިނެޓުން ނިންމިއިރު، އެކަމާއިބެހޭ ގޮތުން އިސްލާމީ އިލްމުވެރިން ގެންދަވައިގެން މައުލޫމާތުވެސް ހޯދެއްވިކަމަށެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މަހިބަދޫ ދާއިރާގެ މެންބަރު އަހުމަދު ޠާރިޤު ކުރެއްވި ސުވާލަށް ޖާވާބުދެއްވަމުން މިނިސްޓަރ އިމްރާން ވިދާޅުވީ ޒަމާނުއްސުރެ އެކި ސަރުކާރުތަކުން ސިޔާސީ ބޭނުމުގައި މަރުގެ ޙުކުމާއި ގުޅުވައިގެން އެކި ވާހަކަ ދައްކާފައިވާ ކަމަށެވެ. ނަމަވެސް އެ ސިޔާސަތަށް ވޭތުވެދިޔަ ބައިގަރުނެއްހާ ދުވަހު އެއްވެސް ބަދަލެއް އެއްވެސް ސަރުކާރެއްގައި ގެނެސްފައިނުވާކަމަށް މިނިސްޓަރު ވިދާޅުވިއެވެ.
"މިއީ މި ސަރުކާރުން އަލަށް އުފަންކުރި ސިޔާސަތެއް ނޫން. މިއީ ޒަމާނުއްސުރެ މި ރާއްޖޭގައި އަމަލުކުރަމުން އައި ގޮތް." އިމްރާން މިއަދު ވިދާޅުވިއެވެ.
އިމްރާން ވިދާޅުވީ، ދިވެހިން އިސްލާމް ދީނަށް ބޯލަނބައިގެން ތިބޭތާ 900 އަހަރުވެފައިވާކަމަށާއި، އެހެންކަމުން އިސްލާމް ދީނުގެ ޙުކުމްތައް އިސްތިސްނާއެއް ނެތި ޤަބޫލު ކުރަންޖެހޭކަމަށެވެ.
ކިޔުންތެރިންގެ ހިޔާލު