ގދ. ފަރެސްމާތޮޑާ، ކޮކާ، އިބްރާހިމް އާގިލް މަރާލާފައިވާ މައްސަލައިގައި ދައުލަތުން ދައުވާ އުފުލާފައިވާ މީހުންގެ ޝަރީއަތުގެ އަޑުއެހުމެއް ކްރިމިނަލް ކޯޓުގައި މިއަދު ކުރިއަށް ގެންގޮސްފިއެވެ.
އާގިލް މަރާލި މައްސަލައިގައި ދައުލަތުން ދައުވާ ކޮށްފައިވަނީ ލ. ފޮނަދޫ ހިޔާ ހަމްދޫން ހަމްޒަތާއި، ސ. ހިތަދޫ ސްވޭހުހީނާގެ އަލީ މިޖުވާދު މާލިކުގެ އިތުރުން، ހއ. ދިއްދޫ ސްނޯބާޑް އިބްރާހީމް ވިޝާމްގެ މައްޗަށެވެ. މި މައްސަލައިގައި ހަމްދޫން ހަމްޒަތުގެ މައްޗަށް ތޫނު އެއްޗެއް ބޭނުންކޮށްގެން ގަސްތުގައި މީހަކު މެރުމުގެ ދައުވާ އުފުލާފައިވާއިރު، މިޖުވާދު މާލިކުގެ މައްޗަށްވެސް އުފުލާފައިވަނީ ހަމަ މި ދައުވާއެވެ.
މީގެ އިތުރުން، މި މައްސަލައިގައި އިބްރާހީމް ވިޝާމްގެ މައްޗަށް އުފުލާފައިވަނީ ތޫނު އެއްޗެއް ނުވަތަ ނުރައްކާތެރި ހަތިޔާރެއް ބޭނުންކޮށްގެން ގަސްތުގައި މީހަކު މެރުމަށް އެހީތެރިވެދިންކަމުގެ ދައުވާއެވެ. ވިޝާމްގެ މައްޗަށް މި ކުށުގެ ދައުވާ އުފުލާފައިވަނީ، ވ. ފުލިދޫން މާލެއަށް އާގިލް އައި ލޯންޗު ހަމަޖައްސައިދީ އެ ދަތުރުގެ މައުލޫމާތު މަރާލުމުގައި ބައިވެރިވި މީހުންނަށް ފޯރުކޮށްދިނުމުގެ ތުހުމަތު ކުރެވޭތީއެވެ.
މި މައްސަލައިގައި މިއަދު ބޭއްވި އަޑުއެހުމުގައި ދައުވާލިބޭ ޙަމްދޫން ހަމްޒަތާއި މިޖުވާދު މާލިކުގެ ވަކީލުން މައްސަލައިން ތަނާޒުލުވެފައިވާތީ، މައްސަލަ ބައްލަވާ ޤާޟީ ޢަލީ އާދަމް ވަނީ ދިފާއީ ވަކީލުން އައްޔަނު ކުރުމަށް 10 ދުވަހުގެ މުއްދަތެއް ދެއްވާފައެވެ. މިއަދުގެ އަޑުއެހުމުގައި ދަޢުލަތުން އެދިފައިވަނީ ކޯޓަށް ދަޢުލަތުގެ ހެކިން ހާޒިރުކޮށް، ދައުވާ ލިބޭ ފަރާތްތަކާ ވަކި މަޖިލީހެއްގައި އަޑުބަދަލުކޮށްގެން ހެކިބަސް ނެގުމަށެވެ.
މި މައްސަލާގައި މިދިޔަ އަހަރުގެ ޑިސެންބަރު 13 ވަނަ ދުވަހު ބޭއްވި އަޑުއެހުމުގައި ދަޢުލަތުން ހުށައަޅާ ބައެއް ހެކިންގެ ހެކިބަސްނެގުން ކުރިއަށް ގެންގޮސްފައިވާއިރު ވީޑިއޯ އެނަލިސިސް ރިޕޯޓު ސާބިތުކުރުމަށް ދައުލަތުން ހެކިވެރިއެއްގެ ގޮތުގައި ފުރަތަމަ ހުށަހެޅި ފުލުހުންގެ ފޮރެންސިކް އޮފިސަރު ބުނީ އާގިލް މަރާލި ރޭ ދައުވާ ލިބޭ ތިން މީހުން ހަރަކާތްތެރިވި 21 ވީޑިއޯއެއް އެނަލައިޒްކޮށްފައިވާނެ ކަމަށެވެ.
އެގޮތުން ވަޅި ހިފައިގެން އާގިލް ފަހަތުން ހަމްދޫން ދުވި މަންޒަރާއި، ވަޅިޖެހުމާއި އެކު އާގިލް ވެއްޓުނު މަންޒަރާއި، ހަމްދޫން މީހެއްގެ ސައިކަލް ފަހަތަށް އަރައިގެން އެސަރަޙައްދުން ދިޔަ މަންޒަރު ފެނިފައިވާކަމަށް ހެކިވެރިޔާ ވަނީ ބުނެފައެވެ. މިމައްސަލާގައި ޑީއެންއޭ ރިޕޯޓް ސާބިތުކުރުމަށް ހުށައެޅި ހެކިވެރިޔާ ބުނީ ހަމްދޫންގެ ގަމީހުގައި ހޭކިފައި ހުރި ލޭކޮޅަކުން އާގިލްގެ ޑީއެންއޭ ލިބިފައިވާކަމަށެވެ. ނަމަވެސް މަރާލުމުގައި އެހީވި ކަމަށް ތުހުމަތުކޮށް ދައުވާ އުފުލާފައިވާ ވިޝާމްގެ ޑީއެންއޭ ފެނިފައި ނުވާކަމަށް އެ ހެކިވެރިޔާ ބުނެފައިވެއެވެ.
އުމުރުން 19 އަހަރުގެ އާގިލަށް ތޫނު އެއްޗަކުން ހަމަލާދީ މަރާލީ 2018 ވަނަ އަހަރުގެ އޮގަސްޓް މަހުގެ 31 ވަނަ ދުވަހު ވ. ފެލިދޫން މާލެ އައި ލޯންޗަކުން އެއް ނަމްބަރު ފާލަމަށް ފޭބި ވަގުތުއެެވެ.
މީގެ އިތުރުން، މި މައްސަލައިގައި އިބްރާހީމް ވިޝާމްގެ މައްޗަށް އުފުލާފައިވަނީ ތޫނު އެއްޗެއް ނުވަތަ ނުރައްކާތެރި ހަތިޔާރެއް ބޭނުންކޮށްގެން ގަސްތުގައި މީހަކު މެރުމަށް އެހީތެރިވެދިންކަމުގެ ދައުވާއެވެ. ވިޝާމްގެ މައްޗަށް މި ކުށުގެ ދައުވާ އުފުލާފައިވަނީ، ވ. ފުލިދޫން މާލެއަށް އާގިލް އައި ލޯންޗު ހަމަޖައްސައިދީ އެ ދަތުރުގެ މައުލޫމާތު މަރާލުމުގައި ބައިވެރިވި މީހުންނަށް ފޯރުކޮށްދިނުމުގެ ތުހުމަތު ކުރެވޭތީއެވެ.
މި މައްސަލައިގައި މިއަދު ބޭއްވި އަޑުއެހުމުގައި ދައުވާލިބޭ ޙަމްދޫން ހަމްޒަތާއި މިޖުވާދު މާލިކުގެ ވަކީލުން މައްސަލައިން ތަނާޒުލުވެފައިވާތީ، މައްސަލަ ބައްލަވާ ޤާޟީ ޢަލީ އާދަމް ވަނީ ދިފާއީ ވަކީލުން އައްޔަނު ކުރުމަށް 10 ދުވަހުގެ މުއްދަތެއް ދެއްވާފައެވެ. މިއަދުގެ އަޑުއެހުމުގައި ދަޢުލަތުން އެދިފައިވަނީ ކޯޓަށް ދަޢުލަތުގެ ހެކިން ހާޒިރުކޮށް، ދައުވާ ލިބޭ ފަރާތްތަކާ ވަކި މަޖިލީހެއްގައި އަޑުބަދަލުކޮށްގެން ހެކިބަސް ނެގުމަށެވެ.
މި މައްސަލާގައި މިދިޔަ އަހަރުގެ ޑިސެންބަރު 13 ވަނަ ދުވަހު ބޭއްވި އަޑުއެހުމުގައި ދަޢުލަތުން ހުށައަޅާ ބައެއް ހެކިންގެ ހެކިބަސްނެގުން ކުރިއަށް ގެންގޮސްފައިވާއިރު ވީޑިއޯ އެނަލިސިސް ރިޕޯޓު ސާބިތުކުރުމަށް ދައުލަތުން ހެކިވެރިއެއްގެ ގޮތުގައި ފުރަތަމަ ހުށަހެޅި ފުލުހުންގެ ފޮރެންސިކް އޮފިސަރު ބުނީ އާގިލް މަރާލި ރޭ ދައުވާ ލިބޭ ތިން މީހުން ހަރަކާތްތެރިވި 21 ވީޑިއޯއެއް އެނަލައިޒްކޮށްފައިވާނެ ކަމަށެވެ.
އުމުރުން 19 އަހަރުގެ އާގިލަށް ތޫނު އެއްޗަކުން ހަމަލާދީ މަރާލީ 2018 ވަނަ އަހަރުގެ އޮގަސްޓް މަހުގެ 31 ވަނަ ދުވަހު ވ. ފެލިދޫން މާލެ އައި ލޯންޗަކުން އެއް ނަމްބަރު ފާލަމަށް ފޭބި ވަގުތުއެެވެ.
ކިޔުންތެރިންގެ ހިޔާލު