ހުޅުމާލޭގެ ފޭސް ދޭއްގައި ކުރަމުންދިޔަ މަސައްކަތެއްގައި، މާބުލް ޝީޓްތަކެއްގެ ތެރޭގައި ތާށިވި ދެވަނަ މީހާވެސް ނިޔާވެއްޖެއެވެ.
މި މަހުގެ 12 ވަނަ ދުވަހު ހިނގި އެޙާދިސާގައި މީގެކުރިންވެސް ބިދޭސީއަކު ވަނީ ނިޔާވެފައެވެ. އެ ހާދިސާއާ ގުޅިގެން ޙާލު ސީރިއަސްވެ ފަރުވާ ދެމުންދިޔަ އުމުރުން 38 އަހަރުގެ ބިދޭސީ ފިރިހެންމީހާ މިދިޔަ އަންގާރަ ދުވަހުގެ ވަގުތެއްގައި ނިޔާވެފައިވާ ކަމަށް އައިޖީއެމްއެޗުން ވަނީ ބުނެފައެވެ.
ފުލުހުން ބުނީ، ހުޅުމާލޭގެ ދެވަނަ ފިޔަވަހީގެ ޑިންގީ ޖެޓީ ސަރަހައްދުގައި ކޮންޓޭނަރަކުން މާބުލް ޝީޓުތަކެއް ހުސްކުރަން އުޅުމުގެ ތެރޭގައި ދެ މީހަކު ތާށިވެފައިވާކަމުގެ މައުލޫމާތު މި މަހުގެ 12 ވަނަ ދުވަހު 3:30 އެހާއިރު ލިބުނު ކަމަށެވެ. އަދި އެ ހާދިސާގައި ބިދޭސީ ފިރިހެނަކު މަރުވެފައިވާކަމަށާއި، އަދި އިތުރު ބިދޭސީއަކަށް ހޮސްޕިޓަލްގައި ފަރުވާ ދެމުންދާކަމަށް ފުލުހުން އެދުވަހުވަނީ ބުނެފައެވެ.
މިކަމާއި ގުޅޭގޮތުން ބަލަންޖެހޭ ކަންކަން ބަލަމުންދާކަމަށް ފުލުހުންވަނީ ބުނެފައެވެ.
މިކަމާއި ގުޅޭގޮތުން ބަލަންޖެހޭ ކަންކަން ބަލަމުންދާކަމަށް ފުލުހުންވަނީ ބުނެފައެވެ.
ކިޔުންތެރިންގެ ހިޔާލު