އދ. ފެންފުއްޓަށް މިއަދު އެރި އުދައިގެ ރާޅުތަކުގައި މޫދަށް ދަމައިގަނެ ޙާލު ސީރިއަސްވި ދެ ޒުވާނުންގެ ތެރެއިން އެކަކު ނިޔާވެއްޖެއެވެ.
އދ. އަތޮޅު ހޮސްޕިޓަލްގެ މެނޭޖަރު "ރަސް އޮންލައިނަށް" މަޢުލޫމާތު ދެއްވަމުން ވިދާޅުވީ، ފެންފުށީގައި ހިނގި އެ ހާދިސާގައި ހާލު ސީރިއަސްވެގެން ފަރުވާދިނުމަށް މަހިބަދޫގައި ހުންނަ އަތޮޅު ހޮސްޕިޓަލަށް ގެންދިޔައިރު ވެސް އޭގެ ތެރެއިން އެކަކު ނިޔާވެފައިވާކަމަށެވެ. މިހާދިސާގައި ނިޔާވެފައިވަނީ އުމުރުން 23 އަހަރުގެ ޒުވާނެކެވެ.
ފެންފުށީ ރަށު ކައުންސިލްގެ ރައީސް އަޙްމަދު ޢަބްދުލް ޝަކޫރު މިއަދު ވިދާޅުވީ، އެރަށަށް އެރި އުދައިގެ ރާޅުތަކުގައި މޫދަށް ދަމައިގަނެ ނުފެނި ގިނައިރުވި ޒުވާނާ ފެނުނީ މޫދު އަޑީގައި އޮއްވާކަމަށެވެ. އަދި އޭނާ އާއިއެކު އެސަރަޙައްދުގައި ފޮޓޯ ނެގުމަށް އުޅުނު އެހެން ޒުވާނަކު ވެސް ގެއްލުނު ކަމަށާއި ނަމަވެސް މާގިނައިރެއްނުވެ އޭނާ ފެނުނު ކަމަށް ކައުންސިލްގެ ރައީސް ވިދާޅުވިއެވެ.
މައުލޫމާތު ލިބިފައިވާ ގޮތުގައި، މި ހާދިސާ ހިނގިއިރު، އެ ސަރަހައްދުގައި 4 ވަރަކަށް ޒުވާނުން އުޅުނެވެ.
މައުލޫމާތު ލިބިފައިވާ ގޮތުގައި، މި ހާދިސާ ހިނގިއިރު، އެ ސަރަހައްދުގައި 4 ވަރަކަށް ޒުވާނުން އުޅުނެވެ.
ކިޔުންތެރިންގެ ހިޔާލު