ރާއްޖޭގައި ފުޅާ ދާއިރާއެއްގައި ފެރީގެ ހިދުމަތް ދެމުންއަންނަ އެމްޓީސީސީގެ ބައެއް ފެރީތައް މޫސުން ގޯސްވުމުން މިއަދުގެ ދަތުރުތައް ކެންސަލް ކޮށްފިއެވެ.

އެމްޓީސީސީން ބުނީ، މިއަދު މޫސުން ގޯސްވެގެން 5 ރޫޓެއްގެ ފެރީގެ ހިދުމަތް ހުއްޓާލަން ޖެހިފައިވާ ކަމަށާއި މިހާތަނަށް 6 ފެރީއެއް ކެންސަލް ކޮށްފައިވާ ކަމަށެވެ. މިއަދަށް ޖުމްލަ 40 ފެރީ ޝެޑިއުލްކޮށްފައި ވާއިރު 34 ފެރީއެއް މެދުނުކެނޑި އޮޕަރޭޓް ކުރަމުން ދާކަމަށް އެމްޓީސީސީން ބުނެއެވެ.

މިއަދު ކެންސަލް ކުރި ފެރީ ރޫޓްތައް:

• ރޫޓް 116: ށ. ފުނަދޫ އިން ހދ. ކުޅުދުއްފުއްޓަށް

• ރޫޓް 307: ކ. ކާށިދޫ އިން ކ. މާލެއަށް

• ރޫޓް 407: ދ. މީދޫ އިން ދ. ކުޑަހުވަދުއަށް

• ރޫޓް 501: ތ. ބުރުނިން ތ. ވޭމަންޑޫއަށް

• ރޫޓް 505: ތ. ބުރުނިން ދ. ކުޑަހުވަދުއަށް

މޫސުން ގޯސްވެގެން ކަނޑު ދަތުރުފަތުރަށް ބުރޫ އަރަމުން ދާއިރު، މޫސުމާ ބެހޭ އިދާރާއިން ބުނެފައިވަނީ މިއަދު ވެސް ބައެއް އަތޮޅުތަކަށް ވިއްސާރަ ކުރާނެ ކަމަށާއި ގުގުރުމާ އެކު ވާރޭ ވެހޭނެ ކަމަށެވެ. އަދި ކަނޑުތައް ގަދަވާނެތީ ދަތުރުކުރާ ފަރާތްތަކުން ސަމާލު ވުމަށް ވެސް އެ އިދާރާއިން ވަނީ އެދިފައެވެ.