ޤާނޫނުގައި މިހާރުވެސް އޮތީ މަރަށްމަރު ހިފޭގޮތަށް ކަމަށާއި، ނުވެގެންއުޅޭ ކަމަކީ ޤާނޫނު ތަންފީޛުކުރުން ކަމަށް ޤާނޫނީ ވަކީލު އަލްއުސްތާޛު މޫސާ ސިރާޖު ވިދާޅުވެއްޖެ އެވެ.
ރައްޔިތުންގެ މަޖިލީހުގެ ހައްދުންމަތީ ފޮނަދޫ ދާއިރާގެ މެމްބަރުކަންވެސް ކުރަށްވާ މޫސާ ސިރާޖު މިމޭރުމުން ވިދާޅުވެފައިވަނީ، އަނިޔާވެރިކޮށް މަރާލާފައި އޮއްވާ ފެނުނު ޝިއާއު މުހައްމަދު ސައީދު (ޝިއާ)ގެ ޤާތިލަށް މަރުގެ އަދަބު ދިނުމަށް ގޮވާލާ އަޑުތައް ގަދަވުމާ ގުޅިގެންނެވެ.
ވަކީލް މޫސާ ސިރާޖު މިއަދު ވިދާޅުވީ، ރާއްޖޭގެ ގާނޫނުލްއުގޫބާތުގެ 1204 އަދި 1205 މާއްދާގެ ދަށުން މިހާރުވެސް މަރަށް މަރު ހިފުމަށް ގާނޫނީ ހުރަހެއް ނެތްކަމަށެވެ. ހަމައެކަނި ދިމާވެގެން އުޅެނީ މަރުގެ ޙުކުމްތައް ތަންފީޛު ނުކުރެވުމުގެ މައްސަލަކަމަށް މޫސާ ސިރާޖު ވިދާޅުވިއެވެ.
"މަރަށް މަރު ނުހިފެނީ ގާނޫނުގައި އެކަން ހިމެނިފައި ނުވާތީއެއް ނޫން. ގާނޫނު ތަންފީޒު ނުކުރެވޭތީ." މޫސާ ސިރާޖު ވިދާޅުވެފައިވެއެވެ.
ގާނޫނުލްއުގޫބާތުގެ 1205 ވަނަ މާއްދާގެ (ހ)ގައި ބުނެފައިވަނީ އެ ޤާނޫނުގައި އެހެން ގޮތަކަށް ބަޔާންކޮށްފައި ވީނަމަވެސް، އިސްލާމީ ޝަރީއަތުގައި ޙައްދު ކަނޑައަޅާފައިވާ ނުވަތަ ޤިޞާސް ކަނޑައަޅާފައިވާ ކުށެއް، އިސްލާމީ ޝަރީއަތުގައި ކަނޑައެޅިފައިވާ ގޮތުގެމަތިން އެއްވެސް ޝައްކެއް ނެތް މިންވަރަށް މީހެއްގެ މައްޗަށް ސާބިތުވެއްޖެ ނަމަ، އެމީހެއްގެ މައްޗަށް ކަނޑައަޅަންވާނީ އިސްލާމީ ޝަރީއަތުގައިވާ ގޮތުގެ މަތިން އެކަމަކަށް އިސްލާމީ ޝަރީއަތުގައިވާ އަދަބު ކަމަށެވެ.
އެ މާއްދާގެ (ށ)ގައި ބުނަނީ އެއްވެސް މީހެއްގެ މައްޗަށް އެ މާއްދާގެ (ހ)ގައި ބަޔާންކޮށްފައިވާ އަދަބެއް ތަންފީޒުކުރަންވާނީ އެމައްސަލައެއްގެ ޝަރީއަތުގެ ހުރިހާ މަރުހަލާއެއް ނިމުމަށްފަހު ސުޕްރީމްކޯޓުން އެއަދަބެއް ދިނުމަށް ހުކުމް ކޮށްފިނަމަ ކަމަށެވެ.
އެހެން ނަމަވެސް އިސްލާމީ ޝަރީޢަތުގެ އިމުގެތެރެއިން ޙާކިމާގެ ހައިސިއްޔަތުން ރައީސުލްޖުމްހޫރިއްޔާއަށް ލިބިފައިވާ އިޚްތިޔާރުގެ ބޭނުން ހިފުމަށް ހުރަސްނާޅާކަމަށް 1205 ވަނަ މާއްދާގެ (ނ) ގައި ވެއެވެ.
މަރަށް މަރު ހިފުމަށް ޤާނޫނީ ހުރަހެއްނެތް ކަމަށާއި އުޅެނީ ގާނޫނު ތަންފީޒު ނުކުރެވުމުގެ މައްސަލަ ކަމަށް މޫސާ ސިރާޖު ވިދާޅުވެފައިވާއިރު، މީގެ ކުރިން ދާޚިލީ ވަޒީރު އިމްރާން ޢަބްދުالله ވިދާޅުވެފައިވަނީ، ދިވެހިރާއްޖޭގެ ޝަރުއީ ކޯޓުތަކުން އިއްވާ މަރުގެ ޙުކުމް ތަންފީޒު ނުކުރުމަށް ޒަމާނުއްސުރެ އަމަލުކުރަމުންދާ މޮރިޓޯރިއަމްގެ ދަށުން ހުރިހާ ސަރުކާރަކުންވެސް މިހާތަނަށް އަމަލުކުރަމުން އައިސްފައިވަނީ އެއްގޮތަކަށް ކަމަށާއި، މި ސަރުކާރުންވެސް ދަމަހައްޓާނީ އެ ސިޔާސަތު ކަމަށެވެ.
ސުޕްރީމް ކޯޓުން މީހަކު މެރުމަށް ހުކުމްކޮށްފި ނަމަ، އެ ހުކުމް ތަންފީޒުކޮށް ދިނުމަށް މޯލްޑިވްސް ކަރެކްޝަނަލް ސާވިސްއަށް ހޯމް މިނިސްޓްރީން އަމުރުކުރީ ރައީސް ޔާމީންގެ ވެރިކަމުގެ ކުރީކޮޅު 2014 ވަނަ އަހަރުގެ ޖެނުއަރީ މަހުގެ 23 ވަނަ ދުވަހުއެވެ.
ވަކީލް މޫސާ ސިރާޖު މިއަދު ވިދާޅުވީ، ރާއްޖޭގެ ގާނޫނުލްއުގޫބާތުގެ 1204 އަދި 1205 މާއްދާގެ ދަށުން މިހާރުވެސް މަރަށް މަރު ހިފުމަށް ގާނޫނީ ހުރަހެއް ނެތްކަމަށެވެ. ހަމައެކަނި ދިމާވެގެން އުޅެނީ މަރުގެ ޙުކުމްތައް ތަންފީޛު ނުކުރެވުމުގެ މައްސަލަކަމަށް މޫސާ ސިރާޖު ވިދާޅުވިއެވެ.
"މަރަށް މަރު ނުހިފެނީ ގާނޫނުގައި އެކަން ހިމެނިފައި ނުވާތީއެއް ނޫން. ގާނޫނު ތަންފީޒު ނުކުރެވޭތީ." މޫސާ ސިރާޖު ވިދާޅުވެފައިވެއެވެ.
ގާނޫނުލްއުގޫބާތުގެ 1205 ވަނަ މާއްދާގެ (ހ)ގައި ބުނެފައިވަނީ އެ ޤާނޫނުގައި އެހެން ގޮތަކަށް ބަޔާންކޮށްފައި ވީނަމަވެސް، އިސްލާމީ ޝަރީއަތުގައި ޙައްދު ކަނޑައަޅާފައިވާ ނުވަތަ ޤިޞާސް ކަނޑައަޅާފައިވާ ކުށެއް، އިސްލާމީ ޝަރީއަތުގައި ކަނޑައެޅިފައިވާ ގޮތުގެމަތިން އެއްވެސް ޝައްކެއް ނެތް މިންވަރަށް މީހެއްގެ މައްޗަށް ސާބިތުވެއްޖެ ނަމަ، އެމީހެއްގެ މައްޗަށް ކަނޑައަޅަންވާނީ އިސްލާމީ ޝަރީއަތުގައިވާ ގޮތުގެ މަތިން އެކަމަކަށް އިސްލާމީ ޝަރީއަތުގައިވާ އަދަބު ކަމަށެވެ.
އެ މާއްދާގެ (ށ)ގައި ބުނަނީ އެއްވެސް މީހެއްގެ މައްޗަށް އެ މާއްދާގެ (ހ)ގައި ބަޔާންކޮށްފައިވާ އަދަބެއް ތަންފީޒުކުރަންވާނީ އެމައްސަލައެއްގެ ޝަރީއަތުގެ ހުރިހާ މަރުހަލާއެއް ނިމުމަށްފަހު ސުޕްރީމްކޯޓުން އެއަދަބެއް ދިނުމަށް ހުކުމް ކޮށްފިނަމަ ކަމަށެވެ.
އެހެން ނަމަވެސް އިސްލާމީ ޝަރީޢަތުގެ އިމުގެތެރެއިން ޙާކިމާގެ ހައިސިއްޔަތުން ރައީސުލްޖުމްހޫރިއްޔާއަށް ލިބިފައިވާ އިޚްތިޔާރުގެ ބޭނުން ހިފުމަށް ހުރަސްނާޅާކަމަށް 1205 ވަނަ މާއްދާގެ (ނ) ގައި ވެއެވެ.
ސުޕްރީމް ކޯޓުން މީހަކު މެރުމަށް ހުކުމްކޮށްފި ނަމަ، އެ ހުކުމް ތަންފީޒުކޮށް ދިނުމަށް މޯލްޑިވްސް ކަރެކްޝަނަލް ސާވިސްއަށް ހޯމް މިނިސްޓްރީން އަމުރުކުރީ ރައީސް ޔާމީންގެ ވެރިކަމުގެ ކުރީކޮޅު 2014 ވަނަ އަހަރުގެ ޖެނުއަރީ މަހުގެ 23 ވަނަ ދުވަހުއެވެ.
ކިޔުންތެރިންގެ ހިޔާލު