މިދިޔަ ހަފްތާގެ ހޮނިހިރު ދުވަހުގެރޭ އަނިޔާވެރި ގޮތަކަށް މަރާލާފައި އޮއްވާ ފެނުނު ޝިއާއު މުޙައްމަދު ސައީދުގެ ޖަނާޒާ ޏ. ފުވައްމުލަކު ސިޓީގައި ކުރިއަށްގެންދަން އާއިލާއިން ނިންމައިފިއެވެ.
މައުލޫމާތު ލިބިފައިވާ ގޮތުގައި، ޝިއާގެ ޖަނާޒާ އޭނާގެ އުފަން ރަށް ފުވައްމުލަކުގައި ބާއްވަނީ އާއިލާއިން ބޭނުންވެގެންނެވެ. އެގޮތުން ޖަނާޒާގެ ކަންކަމަށް މިއަދުގެ ވަގުތެއްގައި ޝިއާގެ ހަށިގަނޑު ފުވައްމުލަކަށް ގެންދިއުމަށްވަނީ ހަމަޖެހިފައެވެ.
ޝިއާގެ ހަށިގަނޑު ޕޯސްޓްމޯޓަށް ހެދުމަށްފަހު، މާލެ ގެނެސްފައިވަނީ އިއްޔެގެ ވަގުތެއްގައެވެ. އަދި މިހާރު އޭނާގެ ހަށިގަނޑު އޮތީ ގަލޮޅު މޯޗަރީގައެވެ. ޝިއާއުގެ ޕޯސްޓްމޯޓަމް ހަދާފައިވާ އިރު، ރިޕޯޓު ލިބޭނެ ދުވަހެއް ނޭނގޭ ކަމަށް ފުލުހުން ވަނީ ބުނެފައެވެ. ނަމަވެސް އެނގިފައިވާ ގޮތުގައި ޝިއާއުގެ މަރުގެ ތަހުގީގަށް ފުލުހުން މިހާރު ވަނީ ބޮޑެތި ކުރިއެރުންތަކެއް ހޯދައިފައެވެ.
އުމުރުން 22 އަހަރުގެ ޝިއާއުގެ މަރުގެ މައްސަލާގައި މިހާތަނަށް ހައްޔަރުކޮށްފައިވަނީ އެންމެ މީހެކެވެ. އެ މައްސަލާގައި ހައްޔަރުކުރި ފ. ނިލަންދޫ، ފިނިފެންމާގެ އަލީ ޝާހިލް މިހާރުވަނީ ޝަރީއަތް ނިމެންދެން ބަންދުގައި ބެހެއްޓުމަށް ކޯޓުން ފުލުހުންނަށް އަމުރު ދީފައެވެ. ޝާހިލު ހައްޔަރުކުރީ ކުށުގެ ވެށިންނެވެ. އޭނާ ހައްޔަރުކުރި އިރު ހުރީ މަސްތުގެ ހާލަތުގައެވެ.
އުމުރުން 22 އަހަރުގެ ޝިއާއުގެ މަރުގެ މައްސަލާގައި މިހާތަނަށް ހައްޔަރުކޮށްފައިވަނީ އެންމެ މީހެކެވެ. އެ މައްސަލާގައި ހައްޔަރުކުރި ފ. ނިލަންދޫ، ފިނިފެންމާގެ އަލީ ޝާހިލް މިހާރުވަނީ ޝަރީއަތް ނިމެންދެން ބަންދުގައި ބެހެއްޓުމަށް ކޯޓުން ފުލުހުންނަށް އަމުރު ދީފައެވެ. ޝާހިލު ހައްޔަރުކުރީ ކުށުގެ ވެށިންނެވެ. އޭނާ ހައްޔަރުކުރި އިރު ހުރީ މަސްތުގެ ހާލަތުގައެވެ.
ކިޔުންތެރިންގެ ހިޔާލު