އައިޖީއެމްއެޗްގައި ހީމޯޑަޔަލެސިސް ނަރުހެއްގެ ގޮތުގައި މަސައްކަތް ކުރަމުންދިޔަ ފިލިޕިންސްގެ މޭރީ ގްރޭސް ޕިނޭޑާގެ މަރުގެ މައްސަލައިގެ ޝަރީއަތް ފަށައި އިފްތިތާޙީ ބަޔާން ހުށައަޅައިފިއެވެ.
މި މައްސަލާގައި ދަޢުލަތުން ދަޢުވާ އުފުލާފައިވަނީ، މޭރީގެ ފިރިމީހާ، ޢުމުރުން 29 އަހަރުގެ މާވިން އެސްވައި ވާގަސްއާއި، އޭނާ ލޯބީގެގޮތުން ގުޅިގެން އުޅުނު ޅ. ހިންނަވަރު، މާފިނި ޢުމުރުން 24 އަހަރުގެ ހަލީމަތު ލަމްހާ އަބްދުއްރަހްމާނުގެ މައްޗަށެވެ. މޭރީގެ މަރުގެ މައްސަލާގައި މާވިން އާއި ލަމްހާގެ މައްޗަށް ދައުވާ އުފުލައި ޕްރޮސެކިއުޓާ ޖެނެރަލް އޮފީހުން ކުރިމިނަލް ކޯޓަށް މައްސަލަ ފޮނުވީ މިއަހަރުގެ ޖެނުއަރީމަހުގެ ހަތަރު ވަނަ ދުވަހުއެވެ.
މި މައްސަލައިގެ އަޑުއެހުމެއް ކުރިމިނަލް ކޯޓުގައި މިއަދުވަނީ ކުރިއަށް ގެންގޮސްފައެވެ. މިއަދުގެ އަޑުއެހުމުގައި އިފްތިތާޙީ ބަޔާން އިއްވަމުން ދަޢުލަތުން ބުނެފައިވަނީ، މާވިން އާއި ލަމްހާ ރާއްޖޭގައިތިބެ ކައިވެނި ކުރުމަށް މަޝްވަރާކޮށްފައިވާ ކަމަށެވެ. އަދި ލަމްހާ ދިރިއުޅޭ ގެ ކްރިމިނަލް ކޯޓުގެ އަމުރެއްގެ ދަށުން ބަލައި ފާސްކުރިއިރު، ލަމްހާ ދިރިއުޅޭ ކޮޓަރި ތެރެއިން، ހޮސްޕިޓަލްތަކާއި ފަރުވާ ދޭ މަރުކަޒުތަކުގެ ބޭނުމަށް އެކަނި ދޫކުރެވޭ ބާވަތުގެ ބޭސްތަކެއް ފެނިފައިވާކަމަށް ދަޢުލަތުން ބުނެފައިވެއެވެ.
ލަމްހާގެ ގެ ބަލާ ފާސްކުރިއިރު ފެނިފައިވާ 3 އިންޖެކްޝަންގެ ތެރޭގައި "ސަކްސިނައިލްކޮލިން" އާއި، "ޕޮޓޭސިއަމް ކްލޮރައިޑް" ހިމެނޭއިރު، އެ އިންޖެކްޝަންތަކަކީ މީހުން ހޭނައްތަން ބޭނުންކުރާ އަދި މީހަކު މަރާލެވިދާނެ ފަދަ އިންޖެކްޝަނެއްކަން ދައުލަތުން މީގެ ކުރިން ފާހަގަކޮށްފައިވެއެވެ. އެކަންކަން ސާބިތު ކުރުމަށް ދައުލަތުން ހެކި ހުށައަޅާފައިވެއެވެ. އޭގެ އިތުރުން، މޭރީ މަރުވެފަައިވަނީ ދަންޖެހިގެން ނޫންކަމާއި، އޭނާ މަރުވީ އޭނާގެ ބޮލަށާއި، ކަރަށް ލިބުނު ގެއްލުމުގެ ސަބަބުން ކަމަށްވެސް އިފްތިތާޙީ ބަޔާނުގައި ދަޢުލަތުން ފާހަގަކޮށްފައިވެއެވެ.
މައްސަލާގައި މާވިންގެ ފަރާތުން އިއްވި އިފްތިތާޙީ ބަޔާނުގައިވަނީ މުޅި ދައުވާގައިވާ ހުރިހާ ކަމަކަށް މުތުލަޤުކޮށް އިންކާރުކޮށްފައެވެ. ހަމައެއާއެކު މާވިންގެ ފަރާތުން ވަނީ 5 ޝަފަހީ ހެއްކެއްވެސް ހުށައަޅާފައެވެ. ލަމްހާގެ ފަރާތުންވެސް އިފްތިތާޙީ ބަޔާން ހުށައަޅަމުން ބުނެފައިވަނީ މޭރީ މަރާލުމުގައި ލަމްހާގެ ބައިވެރިވުމެއް ނޯންނާނެ ކަމަށާއި ލަމްހާގެ ގެއިން ފެނުނުކަމަށް ބުނާ ތަކެއްޗަކީ ޤާނޫނާ އެއްގޮތަށް ހޯދާފައިވާ ހެއްކެއް ނޫންކަމަށެވެ. އަދި އެތަކެއްޗާއި ލަމްހާއާއި އެއްވެސް ގުޅުމެއް ނެތްކަމަށްވެސް ވަނީ ބުނެފައެވެ. މި މައްސަލާގައި ލަމްހާގެ ފަރާތުންވެސް ވަނީ ދިފާއީ ހެކި ހުށައަޅާފައެވެ.
މިއަދުގެ އަޑުއެހުން ނިންމަވާލައްވަމުން މައްސަލަ ބައްލަވާ ޤާޟީ ހުސައިން ފާއިޒު ރަޝާދު ވިދާޅުވީ މި މަހުގެ 16 ވަނަ ދުވަހުގެ ހެނދުނު 09:00 ގައި ދަޢުލަތުގެ ހެކިންގެ ހެކިބަސްނެގުން ކުރިޔަށްދާނެ ކަމަށެވެ.
މި މައްސަލާގައި ހިމެނޭ މޭރީގެ ފިރިމީހާ މާވިން އެސްވައި ވާގަސް އާއި، ޅ. ހިންނަވަރު، މާފިނި ހަލީމަތު ލަމްހާ އަބްދުއްރަހްމާން ވަނީ ދަޢުލަތުން އުފުލާފައިވާ ދަޢުވާތަކަށް އިންކާރުކޮށްފައެވެ. އެމީހުންގެ މައްޗަށް އުފުލާފައިވާ ދައުވާތައް ސާބިތު ކުރުމަށް ދައުލަތުން ވަނީ 110 ހެކި ހުށައަޅާފައެވެ. އޭގެ ތެރޭގައި ހިމެނެނީ 74 ޝަފަހީ ހެއްކާއި 36 ކިތާބީ ހެއްކެވެ.
ޕްރޮސިކިއުޓަރ ޖެނެރަލްގެ އޮފީހުން މާވިންގެ މައްޗަށް ކޮށްފައިވަނީ އެނގިހުރެ މީހަކު މެރުމުގެ ދައުވާއެވެ. އެ ދަޢުވާ މާވިންގެ މައްޗަށް ކުރަނީ އޮކްޓޫބަރު 19، 2021 ދުވަހުގެ 12:00 އާއި 12:49 އާ ދެމެދުގެ ވަގުތެއްގައި، އޭނާ ދިރިއުޅޭ މއ. އުދުހޭކޮކާގޭގެ ފުރަތަމަ ފަންގިފިލާގެ ތެރޭގައި މޭރީގެ ބޮލާއި ކަރަށް ހަމަލާދީގެންނާއި ނޭވާ ހާސްކޮށްގެން މަރާލާފައިވާތީ އެވެ. މި ކުށުގެ އަސާސީ އަދަބަކީ 10 އަހަރަށް ޖަލަށް ލުމެވެ.
ޕްރޮސިކިއުޓަރ ޖެނެރަލްގެ އޮފީހުން ހަލީމަތު ލަމްހާގެ މައްޗަށް ތިން ދައުވާއެއް އުފުލާފައިވެއެވެ. އެއީ އެނގިހުރެ މީހަކު މެރުމުގައި ބައިވެރިވުމާއި އެހެން މީހެއްގެ މުދަލެއްގެ މައްޗަށް ހުއްދަނޫން ގޮތެއްގައި ބާރުހިންގުމާއި ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގާ ކުރުމުގެ ދަޢުވާ އެވެ.
ލަމްހާގެ މައްޗަށް ކޮށްފައިވާ އެނގިހުރެ މީހަކު މެރުމުގައި ބައިވެރިވުމުގެ ކުށުގެ އަސާސީ އަދަބަކީ ހަ އަހަރަށް ޖަލަށް ލުމެވެ. ލަމްހާއަށް ކުރާ އެހެން މީހެއްގެ މުދަލެއްގެ މައްޗަށް ހުއްދަ ނޫންގޮތެއްގައި ބާރުހިންގުމުގެ ކުށުގެ ދައުވާގެ އަސާސީ އަދަބަކީ ދެ މަހާއި ބާރަ ދުވަހަށް ޖަލަށް ލުމެވެ. ލަމްހާއަށް ކުރާ ތިން ވަނަ ދައުވާ ކަމަށްވާ ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގާ ކުރުމުގެ ކުށުގެ އަސާސީ އަދަބަކީ ވެސް ދެ މަހާއި ބާރަ ދުވަހަށް ޖަލަށް ލުމެވެ.
ޕީޖީ އޮފީހުން ބުނެފައިވަނީ މި 4 ދައުވާއަކީވެސް ގުޅިފައިވާ އަމަލުތަކެއްގެ މައްޗަށް ބިނާވެގެން އައިސްފައިވާ ދައުވާތަކެއް ކަމަށެވެ. މޭރީ ގްރޭސްގެ ޕޯސްޓްމޯޓަމް ރިޕޯޓުން ދައްކާފައިވަނީ އޭނާ މަރުވެފައިވަނީ "ބްލަންޓް އިންޖަރީ" ނުވަތަ އެއްޗެއް ބޭނުން ކޮށްގެން މީހަކު ދިން އަނިޔާއެއްގެ ސަބަބުން ކަމަށެވެ.
މި މައްސަލައިގެ އަޑުއެހުމެއް ކުރިމިނަލް ކޯޓުގައި މިއަދުވަނީ ކުރިއަށް ގެންގޮސްފައެވެ. މިއަދުގެ އަޑުއެހުމުގައި އިފްތިތާޙީ ބަޔާން އިއްވަމުން ދަޢުލަތުން ބުނެފައިވަނީ، މާވިން އާއި ލަމްހާ ރާއްޖޭގައިތިބެ ކައިވެނި ކުރުމަށް މަޝްވަރާކޮށްފައިވާ ކަމަށެވެ. އަދި ލަމްހާ ދިރިއުޅޭ ގެ ކްރިމިނަލް ކޯޓުގެ އަމުރެއްގެ ދަށުން ބަލައި ފާސްކުރިއިރު، ލަމްހާ ދިރިއުޅޭ ކޮޓަރި ތެރެއިން، ހޮސްޕިޓަލްތަކާއި ފަރުވާ ދޭ މަރުކަޒުތަކުގެ ބޭނުމަށް އެކަނި ދޫކުރެވޭ ބާވަތުގެ ބޭސްތަކެއް ފެނިފައިވާކަމަށް ދަޢުލަތުން ބުނެފައިވެއެވެ.
ލަމްހާގެ ގެ ބަލާ ފާސްކުރިއިރު ފެނިފައިވާ 3 އިންޖެކްޝަންގެ ތެރޭގައި "ސަކްސިނައިލްކޮލިން" އާއި، "ޕޮޓޭސިއަމް ކްލޮރައިޑް" ހިމެނޭއިރު، އެ އިންޖެކްޝަންތަކަކީ މީހުން ހޭނައްތަން ބޭނުންކުރާ އަދި މީހަކު މަރާލެވިދާނެ ފަދަ އިންޖެކްޝަނެއްކަން ދައުލަތުން މީގެ ކުރިން ފާހަގަކޮށްފައިވެއެވެ. އެކަންކަން ސާބިތު ކުރުމަށް ދައުލަތުން ހެކި ހުށައަޅާފައިވެއެވެ. އޭގެ އިތުރުން، މޭރީ މަރުވެފަައިވަނީ ދަންޖެހިގެން ނޫންކަމާއި، އޭނާ މަރުވީ އޭނާގެ ބޮލަށާއި، ކަރަށް ލިބުނު ގެއްލުމުގެ ސަބަބުން ކަމަށްވެސް އިފްތިތާޙީ ބަޔާނުގައި ދަޢުލަތުން ފާހަގަކޮށްފައިވެއެވެ.
މައްސަލާގައި މާވިންގެ ފަރާތުން އިއްވި އިފްތިތާޙީ ބަޔާނުގައިވަނީ މުޅި ދައުވާގައިވާ ހުރިހާ ކަމަކަށް މުތުލަޤުކޮށް އިންކާރުކޮށްފައެވެ. ހަމައެއާއެކު މާވިންގެ ފަރާތުން ވަނީ 5 ޝަފަހީ ހެއްކެއްވެސް ހުށައަޅާފައެވެ. ލަމްހާގެ ފަރާތުންވެސް އިފްތިތާޙީ ބަޔާން ހުށައަޅަމުން ބުނެފައިވަނީ މޭރީ މަރާލުމުގައި ލަމްހާގެ ބައިވެރިވުމެއް ނޯންނާނެ ކަމަށާއި ލަމްހާގެ ގެއިން ފެނުނުކަމަށް ބުނާ ތަކެއްޗަކީ ޤާނޫނާ އެއްގޮތަށް ހޯދާފައިވާ ހެއްކެއް ނޫންކަމަށެވެ. އަދި އެތަކެއްޗާއި ލަމްހާއާއި އެއްވެސް ގުޅުމެއް ނެތްކަމަށްވެސް ވަނީ ބުނެފައެވެ. މި މައްސަލާގައި ލަމްހާގެ ފަރާތުންވެސް ވަނީ ދިފާއީ ހެކި ހުށައަޅާފައެވެ.
މިއަދުގެ އަޑުއެހުން ނިންމަވާލައްވަމުން މައްސަލަ ބައްލަވާ ޤާޟީ ހުސައިން ފާއިޒު ރަޝާދު ވިދާޅުވީ މި މަހުގެ 16 ވަނަ ދުވަހުގެ ހެނދުނު 09:00 ގައި ދަޢުލަތުގެ ހެކިންގެ ހެކިބަސްނެގުން ކުރިޔަށްދާނެ ކަމަށެވެ.
މި މައްސަލާގައި ހިމެނޭ މޭރީގެ ފިރިމީހާ މާވިން އެސްވައި ވާގަސް އާއި، ޅ. ހިންނަވަރު، މާފިނި ހަލީމަތު ލަމްހާ އަބްދުއްރަހްމާން ވަނީ ދަޢުލަތުން އުފުލާފައިވާ ދަޢުވާތަކަށް އިންކާރުކޮށްފައެވެ. އެމީހުންގެ މައްޗަށް އުފުލާފައިވާ ދައުވާތައް ސާބިތު ކުރުމަށް ދައުލަތުން ވަނީ 110 ހެކި ހުށައަޅާފައެވެ. އޭގެ ތެރޭގައި ހިމެނެނީ 74 ޝަފަހީ ހެއްކާއި 36 ކިތާބީ ހެއްކެވެ.
ޕްރޮސިކިއުޓަރ ޖެނެރަލްގެ އޮފީހުން މާވިންގެ މައްޗަށް ކޮށްފައިވަނީ އެނގިހުރެ މީހަކު މެރުމުގެ ދައުވާއެވެ. އެ ދަޢުވާ މާވިންގެ މައްޗަށް ކުރަނީ އޮކްޓޫބަރު 19، 2021 ދުވަހުގެ 12:00 އާއި 12:49 އާ ދެމެދުގެ ވަގުތެއްގައި، އޭނާ ދިރިއުޅޭ މއ. އުދުހޭކޮކާގޭގެ ފުރަތަމަ ފަންގިފިލާގެ ތެރޭގައި މޭރީގެ ބޮލާއި ކަރަށް ހަމަލާދީގެންނާއި ނޭވާ ހާސްކޮށްގެން މަރާލާފައިވާތީ އެވެ. މި ކުށުގެ އަސާސީ އަދަބަކީ 10 އަހަރަށް ޖަލަށް ލުމެވެ.
ޕްރޮސިކިއުޓަރ ޖެނެރަލްގެ އޮފީހުން ހަލީމަތު ލަމްހާގެ މައްޗަށް ތިން ދައުވާއެއް އުފުލާފައިވެއެވެ. އެއީ އެނގިހުރެ މީހަކު މެރުމުގައި ބައިވެރިވުމާއި އެހެން މީހެއްގެ މުދަލެއްގެ މައްޗަށް ހުއްދަނޫން ގޮތެއްގައި ބާރުހިންގުމާއި ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގާ ކުރުމުގެ ދަޢުވާ އެވެ.
ޕީޖީ އޮފީހުން ބުނެފައިވަނީ މި 4 ދައުވާއަކީވެސް ގުޅިފައިވާ އަމަލުތަކެއްގެ މައްޗަށް ބިނާވެގެން އައިސްފައިވާ ދައުވާތަކެއް ކަމަށެވެ. މޭރީ ގްރޭސްގެ ޕޯސްޓްމޯޓަމް ރިޕޯޓުން ދައްކާފައިވަނީ އޭނާ މަރުވެފައިވަނީ "ބްލަންޓް އިންޖަރީ" ނުވަތަ އެއްޗެއް ބޭނުން ކޮށްގެން މީހަކު ދިން އަނިޔާއެއްގެ ސަބަބުން ކަމަށެވެ.
ކިޔުންތެރިންގެ ހިޔާލު