ދުނިޔޭގެ އެންމެ ރަހުމަތްތެރި 10 ގައުމުގެ ތެރޭގައި އަވަށްޓެރި ސްރީލަންކާ ހިމެނިއްޖެއެވެ.

2022 ވަނަ އަހަރުގެ ރީޑާސް ޗޮއިސް އެވޯޑުގެ ނަތީޖާއަށް ރިއާޔަތްކޮށް ތައްޔާރުކޮށްފައިވާ މިލިސްޓުގައި ސްރީލަންކާ ހިމެނިފައިވަނީ 9 ވަނައިގައެވެ. 2022 ވަނަ އަހަރުގެ ރީޑާސް ޗޮއިސް އެވޯޑުުން ލަންކާ އަކީ ރަހުމަތްތެރި ގައުމެއްގެ ގޮތުގައި ލިސްޓުކޮށްފައިވާއިރު، ލަންކާގެ ރައްޔިތުންގެ ހިތްހެޔޮކަންވެސް ފާހަގަކޮށްފައިވެއެވެ.

"ކުޑަކުދިންނުން ފެށިގެން އުމުރުން ދުވަސްވީ މީހުންނާ ހަމައަށް ލަންކާގެ ރައްޔިތުން ފާހަގަވަނީ އެގައުމަށް ޒިޔާރަތްކުރާ މީހުންދެކެ ލޯބިވާ، ހިތްހެޔޮ އަދި އެހީތެރިވުމަށް އިސްނަގާ ބައެއްގެ ގޮތުގަ."

ދުނިޔޭގެ އެންމެ ރަހުމަތްތެރި 10 ގައުމުގެ ތެރޭގައި އަވަށްޓެރި ސްރީލަންކާ ހިމެނިފައިވާއިރު، މިލިސްޓުގެ އެއްވަނައިގައި ހިމެނެނީ ފްރެންޗު ޕޮލީނީސިއާ އެވެ. އަދި ދެވަނައިގައި ކޮލަމްބިއާ ހިމެނޭއިރު، ތިންވަނައިގައި ނިއުޒިލޭންޑު، ހަތަރުވަނައިގައި ތައިލެންޑުގެ އިތުރުން، ލިސްޓުގެ ފަސްވަނައިގައި ކޯސްޓަރިކާ ހިމެނިފައިވެއެވެ. މީގެއިތުރުން، ސްރީލަންކާގެ ކުރިއަށް، ބޮޓްސްވާނާ، ޕެރޫ އަދި ބެލީޒް ލިސްޓުކުރެވިފައިވާއިރު، މިލިސްޓުގެ ދިހަވަނައިގައި ހިމެނެނީ ފިލިޕީންސެވެ.