ތޫނު އެއްޗަކުން ހަމަލާދީ އައްޑޫ ސިޓީ ހިތަދޫގައި މަރާލި އެ ރަށު ސޮލިޑް، މުޙައްމަދު ޒަޔާންގެ މަރުގެ މައްސަލާގައި 7 މީހެއްގެ މައްޗަށް ދަޢުވާކުރުމަށް ޕީޖީ އޮފީހުން ކްރިމިނަލް ކޯޓަށް ހުށައަޅައިފިއެވެ.
ޒަޔާން މަރާލީ މިއަހަރުގެ ޖޫން މަހުގެ 2 ވަނަ ދުވަހުގެ މެންދަމުގެ ވަގުތެއްގައެވެ. ފުލުހުން ކުރިން ބުނެފައިވަނިީ މިއީ މަސްތުވާތަކެއްޗާއި ގުޅިގެން ދެ ގޭންގެއްގެ މެދުގައި ޖެހުނު މައްސަލައެއްގައި ދުރާލާރާވައިގެން ހިންގި ގަތުުލެއް ކަމަށެވެ. މަރުވުމުގެ ކުރިން ޒަޔާނަށް ހަމަލާދިން މީހުންގެ މައުލޫމާތު ފުލުހުންނަށް ކިޔައިދިން ކަމަށް ފުލުހުން ބުނެފައިވެއެވެ.
ޕީޖީ އޮފީހުން މިއަދު ބުނީ ޒަޔާންގެ މަރުގެ މައްސަލައާ ގުޅިގެން 27 ނޮވެންބަރު 2022 ގައި 7 މީހެއްގެ މައްޗަށް ދަޢުވާ އުފުލާފައިވާ ކަމަށެވެ. އެގޮތުން ތޫނު އެއްޗެއް ބޭނުންކޮށްގެން ޤަޞްދުގައި މީހަކު މެރުމުގެ ދަޢުވާ 2 މީހެއްގެ މައްޗަށް ވަނީ އުފުލާފައެވެ. އެއީ ސ. ހިތަދޫ ކަދުރުމާގެ ޔަޢީޝް އަންވަރާއި ސ. ފޭދޫ ފުފޫމާގޭ އައިލީޝް ޢަލީގެ މައްޗަށެވެ. މި މީހުންގެ މައްޗަށް ކުށް ސާބިތުވެއްޖެނަމަ މަރުގެ ޙުކުމް އަންނާނެއެވެ.
މި މައްސަލާގައި ތޫނުއެއްޗެއް ނުވަތަ ނުރައްކާތެރި ހަތިޔާރެއް ބޭނުންކޮށްގެން ޤަޞްދުގައި މީހަކު މެރުމުގައި އެހީތެރިވުމުގެ ދަޢުވާ 5 މީހެއްގެ މައްޗަށް ވަނީ އުފުލާފައެވެ. އެއީ ސ. ފޭދޫ ދިރިމާގޭ ޢަބްދުالله ޝިޔާޢު ރަޝީދު އާއި ސ. ފޭދޫ ކަރަންފޫގޭ އަޙްމަދު ޢަބްދުالله އާއި ސ. ފޭދޫ ކާމަރަގަގޭ ޢަބްދުالله ނިޒާރާއި ސ. ފޭދޫ ސަންޝައިން އަޙްމަދު ނަބީލާއި ސ. ފޭދޫ ދިރިމާގޭ އަޙްމަދު ޝުޢާއުގެ މައްޗަށެވެ.
މީގެ އިތުރުން މި 7 މީހުންގެ މައްޗަށްވެސް ބިރުދެއްކުމާއި ޖިނާއީ ކުށެއް ކުރުމުގައި ކުޑަކުދިން ބޭނުންކުރުމުގެ ދަޢުވާތައް އުފުލާފައިވެއެވެ. މި ދަޢުވާތައް ސާބިތުވެއްޖެނަމަ އެންމެންގެ މައްޗަށްވެސް 25 އަހަރަށްވުރެ ދިގު މުއްދަތުގެ ޖަލުޙުކުމް އައުން އެކަށީގެންވެއެވެ.
ޕީޖީ އޮފީހުން ބުނީ މިމައްސަލައިގައި ޢުމުރުން 18 އަހަރު ނުފުރޭ ކުޑަކުއްޖެއްގެ މައްޗަށްވެސް ތޫނުއެއްޗެއް ބޭނުންކޮށްގެން ޤަޞްދުގައި މީހަކު މެރުމުގެ ކުށުގެ ދަޢުވާ ކޮށްފައިވާ ކަމަށެވެ. އަދި ޢުމުރުން 18 އަހަރު ނުފުރޭ އިތުރު 03 (ތިނެއް) ކުދިންގެ މައްޗަށް ތޫނުއެއްޗެއް ބޭނުންކޮށްގެން ޤަޞްދުގައި މީހަކު މެރުމުގައި އެހީތެރިވުމުގެ ކުށުގެ ދަޢުވާ 06 އޮކްޓޫބަރު 2022 ދުވަހު ޖުވެނައިލް ކޯޓަށް ހުށަހަޅާފައިވާކަމަށް ޕީޖީ އޮފީހުން ބުނެފައިވެއެވެ.
މި މައްސަލައިގެ ތަފްސީލް މީޑިއާއާއި ޙިއްސާކުރަމުން ފުލުހުން ބުނީ، ޒަޔާނަށް ހަމަލާދީފައިވާ ސީނަށް ފުލުހުމް ދިޔައިރު ބޮޑެތި ޒަހަމުތަކާއިކު ވެއްޓިފައި ޒަޔާން އޮތް ކަމަށާއި، ވާހަކަދެކެވޭތީ އެ ހަމަލާގެ ބައެެއް ތަފްސީލުތައް ފުލުހުންނަށް ޒަޔާން ކިޔައިދިން ކަމަށެވެ.
އެގޮތުން، ހަމަލާދިން ގޮތާއި ހަމަލާދިން މީހުންނާ ގުޅޭ ވާހަކަތައް ޒަޔާން އެވަގުތު ފުލުހުން ކައިރީ ދައްކާފައިވާ ކަމަށް ފުލުހުން ވަނީ ބުނެފައެވެ.
ޕީޖީ އޮފީހުން މިއަދު ބުނީ ޒަޔާންގެ މަރުގެ މައްސަލައާ ގުޅިގެން 27 ނޮވެންބަރު 2022 ގައި 7 މީހެއްގެ މައްޗަށް ދަޢުވާ އުފުލާފައިވާ ކަމަށެވެ. އެގޮތުން ތޫނު އެއްޗެއް ބޭނުންކޮށްގެން ޤަޞްދުގައި މީހަކު މެރުމުގެ ދަޢުވާ 2 މީހެއްގެ މައްޗަށް ވަނީ އުފުލާފައެވެ. އެއީ ސ. ހިތަދޫ ކަދުރުމާގެ ޔަޢީޝް އަންވަރާއި ސ. ފޭދޫ ފުފޫމާގޭ އައިލީޝް ޢަލީގެ މައްޗަށެވެ. މި މީހުންގެ މައްޗަށް ކުށް ސާބިތުވެއްޖެނަމަ މަރުގެ ޙުކުމް އަންނާނެއެވެ.
މި މައްސަލާގައި ތޫނުއެއްޗެއް ނުވަތަ ނުރައްކާތެރި ހަތިޔާރެއް ބޭނުންކޮށްގެން ޤަޞްދުގައި މީހަކު މެރުމުގައި އެހީތެރިވުމުގެ ދަޢުވާ 5 މީހެއްގެ މައްޗަށް ވަނީ އުފުލާފައެވެ. އެއީ ސ. ފޭދޫ ދިރިމާގޭ ޢަބްދުالله ޝިޔާޢު ރަޝީދު އާއި ސ. ފޭދޫ ކަރަންފޫގޭ އަޙްމަދު ޢަބްދުالله އާއި ސ. ފޭދޫ ކާމަރަގަގޭ ޢަބްދުالله ނިޒާރާއި ސ. ފޭދޫ ސަންޝައިން އަޙްމަދު ނަބީލާއި ސ. ފޭދޫ ދިރިމާގޭ އަޙްމަދު ޝުޢާއުގެ މައްޗަށެވެ.
މީގެ އިތުރުން މި 7 މީހުންގެ މައްޗަށްވެސް ބިރުދެއްކުމާއި ޖިނާއީ ކުށެއް ކުރުމުގައި ކުޑަކުދިން ބޭނުންކުރުމުގެ ދަޢުވާތައް އުފުލާފައިވެއެވެ. މި ދަޢުވާތައް ސާބިތުވެއްޖެނަމަ އެންމެންގެ މައްޗަށްވެސް 25 އަހަރަށްވުރެ ދިގު މުއްދަތުގެ ޖަލުޙުކުމް އައުން އެކަށީގެންވެއެވެ.
ޕީޖީ އޮފީހުން ބުނީ މިމައްސަލައިގައި ޢުމުރުން 18 އަހަރު ނުފުރޭ ކުޑަކުއްޖެއްގެ މައްޗަށްވެސް ތޫނުއެއްޗެއް ބޭނުންކޮށްގެން ޤަޞްދުގައި މީހަކު މެރުމުގެ ކުށުގެ ދަޢުވާ ކޮށްފައިވާ ކަމަށެވެ. އަދި ޢުމުރުން 18 އަހަރު ނުފުރޭ އިތުރު 03 (ތިނެއް) ކުދިންގެ މައްޗަށް ތޫނުއެއްޗެއް ބޭނުންކޮށްގެން ޤަޞްދުގައި މީހަކު މެރުމުގައި އެހީތެރިވުމުގެ ކުށުގެ ދަޢުވާ 06 އޮކްޓޫބަރު 2022 ދުވަހު ޖުވެނައިލް ކޯޓަށް ހުށަހަޅާފައިވާކަމަށް ޕީޖީ އޮފީހުން ބުނެފައިވެއެވެ.
އެގޮތުން، ހަމަލާދިން ގޮތާއި ހަމަލާދިން މީހުންނާ ގުޅޭ ވާހަކަތައް ޒަޔާން އެވަގުތު ފުލުހުން ކައިރީ ދައްކާފައިވާ ކަމަށް ފުލުހުން ވަނީ ބުނެފައެވެ.
ކިޔުންތެރިންގެ ހިޔާލު