އިންޑިއަން އައިޑަލް ސީޒަން 12 ގެ ޗެމްޕިއަން ޕަވަންދީޕާ ރަނަރަޕް އަރޫނީތާ ރާއްޖޭގެ މަޝްހޫރު ވިޔަފާރިވެރިޔާ ޗަމްޕާ މުހައްމަދު މޫސާ، (އުއްޗު) އާ ބައްދަލުކޮށްފިއެވެ.

ޕަވަންދީޕާ ރަނަރަޕް އަރޫނީތާ ޗަމްޕާ މުހައްމަދު މޫސާ، (އުއްޗު) އާއި ބައްދަލުކުރީ އޭނާގެ ކުންފުނިން ހިންގާ ކުރެެއްދޫ އައިލެންޑް ރިސޯޓްގައެވެ. އެ ދެ ފަންނާނުން މިއަދު ކުރެއްދޫ އައިލެންޑް ރިސޯޓަށް ދިޔުމުން މަރުހަބާ ކީ ވެސް އުއްޗުއެެވެ.

އިންޑިއަން އައިޑަލް ސީޒަން 12 ގެ ޗެމްޕިއަން ޕަވަންދީޕާ ރަނަރަޕް އަރޫނީތާ ކުރެއްދޫ ރިސޯޓްގައި އުއްޗު އާއި މިއަދު ވަނީ ބައްދަލުކޮށްފައެވެ. އެ ދެ ފަންނާނުން މިރޭ ތިބުމަށް ހަމަޖެހިފައިވަނީ ރާއްޖޭގެ އެންމެ ބޮޑު އަންޑަރ ވޯޓަރ ރެސްޓޯރެންޓް ހުންނަ ހުރަވަޅި ރިިސޯޓްގައެވެ. ޕަވަންދީޕާ ރަނަރަޕް އަރޫނީތާ ރާއްޖެ އައީ މާލޭގަައި ޝޯތަކެއް ދިނުމަށެވެ. އެ ޝޯ ބޭއްވުމަށް ހަމަޖެހިފައިވަނީ އަންނަ ހުކުރު ދުވަހުގެރޭ ހުޅުމާލޭގައެވެ.



އުއްޗު އަކީ އިންޑިއާގެ މަޝްހޫރު މިފަދަ ލަވަކިޔުންތެރިންނާ އަދި ފަންނާނުންނާއި ވަރަށް ގާތްގުޅުމެއް ބާއްވަވާ ބޭފުޅެކެެެވެ. ދާދި ފަހުން ބައިސްކޯފުން ބޭއްވި ޗަނާޗާ ޝޯގައި ޕާފޯމް ކުރުމަށް ރާއްޖެ އައި ސްރީލަންކާގެ ލަވަކިއުންތެރިއާ ޔޮހާނީ ދޮލޯކީ ޑި ސިލްވާއާ ވެސް އުއްޗު ވަނީ ބައްދަލުކޮށްފައެވެ.

އުއްޗުގެ އުފަން ދުވަސް ފާހަަގަކުރުމަށް އޭނާގެ ދައުވަތަކަށް އިންޑިއާގައި އެންމެފަހުން ބޭއްވި ސްޕަރސްޓަރ ސިންގަރ ލަވަކިޔުމުގެ މުބާރާތުން އެއްވަނަ ހޯދި އިންޑިއާގެ މަޝްހޫރު ލަވަކިޔުންތެރިޔާ މުޙައްމަދު ފާއިޒު، ރާއްޖެއަށް އައިސް ކުރެއްދޫ އައިލެންޑް ރިސޯޓުގައި ވަނީ ޝޯ އެއް ދީފައެވެ.