ޖަޕާން ބޮޑުވަޒީރު ފޫމިއޯ ކިޝިދާ ހާއްސަ ދަތުރެއް ޔުކްރެއިނަށް ކުރައްވަން ނިންމަވައިފިއެވެ.
މިއީ ޔުކްރެއިނަށް ހިތްވަރުދިނުމުގެ ގޮތުން ބޮޑުވަޒީރު ކުރައްވާ ދަތުރެއް ކަމަށް ޖަޕާނުގެ ފޮރިން މިނިސްޓްރީން ހާމަކޮށްފައިވެއެވެ.
ކިޝިދާގެ މިދަތުރާއިއެކު އޭނާ ވެގެންދާނީ ރަޝިޔާގެ ހަމަލާތަކުގެ ޝިކާރަ އަކަށްވެފައިވާ ޔުކްރެއިނަށް ޒިޔާރަތް ކުރާ އެންމެ ފަހުގެ ޖީ7ގެ ލީޑަރަށެވެ. އެގޮތުން ކުރިއަށް އޮތް ޖީ7 ގެ ސަމިޓް ބާއްވަން ހަމަޖެހިފައިވާ ޖަޕާނަށް މިދަތުރު ފުރިހަމަ ކުރުމަށް ޕްރެޝަރ ކުރިމަތިވަމުންދާކަމަށް ބައެއް ރިޕޯޓުތައް ބުނެއެވެ. މީގެ ތެރޭގައި ސަލާމަތީ ކަންކަމާއި ލޮޖިސްޓިކަލް ގޮންޖެހުންތަކަކީ ބޮޑު ހުރަހަކަށްވާ ނަމަވެސް ކިއެވްއަށް ޒިޔާރަތް ކުރުމަކީ މުހިންމު ކަމެއް ކަމަށް ދެކެވަޑައިގަންނަވާކަމަށް ބޮޑުވަޒީރު ކިޝިދާ ވަނީ ތަކުރާރުކޮށް ވިދާޅުވެފައެވެ.
ކިޝިދާ އިންޑިއާއަށް ކުރެއްވި ދަތުރު ހޯމަ ދުވަހު ނިންމަވާލައްވާ އެނބުރި ޓޯކިޔޯއަށް ވަޑައިގަންނަވާނެ ކަމަށް ބެލެވުނު ނަމަވެސް އޭނާ އިންޑިއާއިން ވަޑައިގެންނެވީ ޕޮލޭންޑަށެވެ. އަދި މިއަދު ޕޮލޭންޑުން ޔޫކްރޭނަށް ދިއުމަށް ރޭލަކަށް އަރާވަޑައިގެންނެވި ކަމަށް ރިޕޯޓްތައް ބުނެއެވެ.
ކިޝިދާގެ ދަތުރުގައި ޔުކްރޭންގެ ރައްޔިތުންގެ ހިތްވަރާއި ކެތްތެރިކަމަށް އިހުތިރާމް ކުރާކަން ފާޅުކުރައްވައި، ޔުކްރެއިނުގެ ރައީސް ޒެލެންސްކީ އާއި ބައްދަލު ކުރައްވާ ޖަޕާނުން ޔޫކްރޭނާއި އެކު ވާކަން ފާހަގަކުރަައްވާނެކަމަށް ޖަޕާނުގެ ފޮރިން މިނިސްޓްރީން ހާމަކޮށްފައިވެއެވެ. މީގެއިތުރުން ޖަޕާނުން ޗެއާކުރާ ކުރިއަށް އޮތް ޖީ7 ބައްދަލުވުމުގައި ޔުކްރެއިނަށް ތާއީދު ކުރައްވާނެކަން ހާމަކުރައްވާނެ ކަމަށް ފޮރިން މިނިސްޓްރީން ބުނެފައިވެއެވެ.
ޔުކްރެއިނަށް ވަޑައިގަތުމަށްފަހު ޖީ7 ސަމިޓްގެ މަޝްވަރާތައް ކުރެއްވުމަށް ބޮޑުވަޒީރު ކިޝިދާ ބުދަ ދުވަހު ޕޮލެންޑަށް ވަޑައިގަތުމަށް ވަނީ ހަމަޖެހިފައެވެ. އަދި އެއަށްފަހު ބުރާސްފަތި ދުވަހު އޭނާ ޓޯކިޔޯއަށް ވަޑައިގަންނަވާނެ ކަމަށް ޖަޕާން ފޮރިން މިނިސްޓްރީން ހާމަކޮށްފައިވެއެވެ.
ކިޝިދާގެ މިދަތުރާއިއެކު އޭނާ ވެގެންދާނީ ރަޝިޔާގެ ހަމަލާތަކުގެ ޝިކާރަ އަކަށްވެފައިވާ ޔުކްރެއިނަށް ޒިޔާރަތް ކުރާ އެންމެ ފަހުގެ ޖީ7ގެ ލީޑަރަށެވެ. އެގޮތުން ކުރިއަށް އޮތް ޖީ7 ގެ ސަމިޓް ބާއްވަން ހަމަޖެހިފައިވާ ޖަޕާނަށް މިދަތުރު ފުރިހަމަ ކުރުމަށް ޕްރެޝަރ ކުރިމަތިވަމުންދާކަމަށް ބައެއް ރިޕޯޓުތައް ބުނެއެވެ. މީގެ ތެރޭގައި ސަލާމަތީ ކަންކަމާއި ލޮޖިސްޓިކަލް ގޮންޖެހުންތަކަކީ ބޮޑު ހުރަހަކަށްވާ ނަމަވެސް ކިއެވްއަށް ޒިޔާރަތް ކުރުމަކީ މުހިންމު ކަމެއް ކަމަށް ދެކެވަޑައިގަންނަވާކަމަށް ބޮޑުވަޒީރު ކިޝިދާ ވަނީ ތަކުރާރުކޮށް ވިދާޅުވެފައެވެ.
ކިޝިދާ އިންޑިއާއަށް ކުރެއްވި ދަތުރު ހޯމަ ދުވަހު ނިންމަވާލައްވާ އެނބުރި ޓޯކިޔޯއަށް ވަޑައިގަންނަވާނެ ކަމަށް ބެލެވުނު ނަމަވެސް އޭނާ އިންޑިއާއިން ވަޑައިގެންނެވީ ޕޮލޭންޑަށެވެ. އަދި މިއަދު ޕޮލޭންޑުން ޔޫކްރޭނަށް ދިއުމަށް ރޭލަކަށް އަރާވަޑައިގެންނެވި ކަމަށް ރިޕޯޓްތައް ބުނެއެވެ.
ޔުކްރެއިނަށް ވަޑައިގަތުމަށްފަހު ޖީ7 ސަމިޓްގެ މަޝްވަރާތައް ކުރެއްވުމަށް ބޮޑުވަޒީރު ކިޝިދާ ބުދަ ދުވަހު ޕޮލެންޑަށް ވަޑައިގަތުމަށް ވަނީ ހަމަޖެހިފައެވެ. އަދި އެއަށްފަހު ބުރާސްފަތި ދުވަހު އޭނާ ޓޯކިޔޯއަށް ވަޑައިގަންނަވާނެ ކަމަށް ޖަޕާން ފޮރިން މިނިސްޓްރީން ހާމަކޮށްފައިވެއެވެ.
ކިޔުންތެރިންގެ ހިޔާލު