މި އަހަރުގެ މުލަ ރޯދަ ދުވަހަކީ ބުރާސްފަތި ދުވަސް ކަމަށް އިސްލާމިކް މިނިސްޓްރީން ރަސްމީކޮށް ކަނޑައަޅައިފިއެވެ.
މިއަހަރުގެ ރަމަޟާން މަހުގެ ހަނދު ސާބިތު ކުރުމަށް މިރޭ ބޭއްވި ޖަލްސާއަށް ފަހު އިއްވެވި ހަނދާބެހޭ ގަރާރުގައި މި އަހަރުގެ ރަމަޟާން މަހުގެ ފުރަތަމަ ދުވަހަކީ ބުރާސްފަތި ދުވަސް ކަމަށް ވަނީ އިޢުލާނު ކޮށްފައެވެ. ރާއްޖޭގެ އިތުރުން ސައުދީ އަރަބިއްޔާއިންވެސް ބުރާސްފަތި ދުވަހަކީ ރަމަޟާން މަހުގެ ފުރަތަމަ ދުވަސް ކަމަށް ވަނީ ނިންމައިފައެވެ.
ރަމަޟާންމަހުގެ ހަނދާބެހޭ ބަޔާން އިއްވަވަމުން އިސްލާމިކް މިނިސްޓަރު ޑރ. އަހުމަދު ޒާހިރު ވިދާޅުވީ މިއަދު އިރުއޮއްސޭއިރު، ރާއްޖޭގެ އެއްވެސް ހިސާބަކަށާއި، އިސްލާމީ ގިނަ ގައުމުތަކަށްވެސް މި އަހަރުގެ ރަމަޟާން މަހުގެ ހަނދު ފެންމަތިވެފައި ނުހުންނާނެ ކަމަށް އިތުބާރު ހުރި ފަލަކީ ހިސާބުން ކަށަވަރުވާ ކަމަށެވެ.
އެހެންކަމުން ރަމަޟާން މަހާއި ޝައްވާލު މަހުގެ ހަނދު ސާބިތުކުރުމަށް ދިވެހިރާއްޖޭގައި އަމަލުކުރާ އުސޫލުގައިވާ ގޮތުގެ މަތިން މާދަމާއަކީ 1444 ވަނަ އަހަރުގެ ޝަޢުބާން މަހުގެ ތިރީސްވަނަ ދުވަސް ކަމަށާއި މުލަރޯދަ ދުވަހަކީ ބުރާސްފަތި ދުވަސް ކަމަށް ސަރުކާރުން ވަނީ ނިންމަވާފައެވެ.
ބަޔާން އިއްވަވަމުން އިސްލާމިކް މިނިސްޓަރ ވަނީ ރޯދަ ހިފުމަށް ފަރުވާތެރިވެ ﷲ ސުބުޙާނަހޫ ވަތަޢާލާގެ ރުއްސެވުމާއި މަޣުފިރަތަށް އެދި ހެޔޮ ޢަމަލުތައް އިތުރުކުރުމަށް މަސައްކަތް ކުރުމަށް އެންމެހާ ރައްޔިތުންނަށް ނަސޭހަތްތެރިވެފައެވެ.
ރަމަޟާންމަހުގެ ހަނދާބެހޭ ބަޔާން އިއްވަވަމުން އިސްލާމިކް މިނިސްޓަރު ޑރ. އަހުމަދު ޒާހިރު ވިދާޅުވީ މިއަދު އިރުއޮއްސޭއިރު، ރާއްޖޭގެ އެއްވެސް ހިސާބަކަށާއި، އިސްލާމީ ގިނަ ގައުމުތަކަށްވެސް މި އަހަރުގެ ރަމަޟާން މަހުގެ ހަނދު ފެންމަތިވެފައި ނުހުންނާނެ ކަމަށް އިތުބާރު ހުރި ފަލަކީ ހިސާބުން ކަށަވަރުވާ ކަމަށެވެ.
ބަޔާން އިއްވަވަމުން އިސްލާމިކް މިނިސްޓަރ ވަނީ ރޯދަ ހިފުމަށް ފަރުވާތެރިވެ ﷲ ސުބުޙާނަހޫ ވަތަޢާލާގެ ރުއްސެވުމާއި މަޣުފިރަތަށް އެދި ހެޔޮ ޢަމަލުތައް އިތުރުކުރުމަށް މަސައްކަތް ކުރުމަށް އެންމެހާ ރައްޔިތުންނަށް ނަސޭހަތްތެރިވެފައެވެ.
ކިޔުންތެރިންގެ ހިޔާލު