މާލޭ ސިޓީ ކައުންސިލްގެ މެދުހެންވޭރު ދާއިރާގެ ކައުންސިލަރ އާދަމް ރަމީޒް އިދިކޮޅު ޕީޕީއެމުން އިސްތިއުފާދެއްވައިފިއެވެ.

އާދަމް ރަމީޒްގެ އިސްތިޢުފާގެ ސިޓީ މީސް މީޑިއާގައި މިހާރުވަނީ ޢާއްމުވެފައެވެ. އެސީޓީގައި އާދަމް ރަމީޒް ވިދާޅުވެފައިވަނީ، މި ވަގުތު ޕާޓީގެ ހަރަކާތްތަކުގައި އުޅެވެން ނެތުމުން އޭނާގެ ނަން ޕާޓީގެ ދަފްތަރުން އުނިކޮށްދެއްވުމަށް އެދިވަޑައިގަންނަވާ ކަމަށެވެ.

އާދަމް ރަމީޒް ޕީޕީއެމުން އިސްތިއުފާ ދެއްވާފައިވާއިރު އޭނާގެ ސުލޫކީ މައްސަލައެއް ޕީޕީއެމްގެ ސުލޫޚު ކޮމިޓީން ދަނީ ބަލަމުންނެވެ. އަދި އެމައްސަލާގައި އިއްޔެ އޭނާ އެކޮމިޓީއަށް ޙާޟިރުކޮށް ބަޔާންވެސް ނަގާފައިވެއެވެ.

ޕީޕީއެމްގައި ރިޔާސީ ކެންޑިޑޭޓަކު ހުންނަވަނިކޮށް އެހެން ބޭފުޅަކަށް ކެމްޕޭން ކޮށްދޭކަމުގެ ތުހުމަތު އާދަމް ރަމީޒްގެ މައްޗަށް ކުރެވޭ ކަމަށް މަޢުލޫމާތު ވަނީ ލިބިފައެވެ. ނަމަވެސް އެކަން ކަށަވަރުވާގޮތެއް ނުވެއެވެ.

މިކަމާބެހޭގޮތުން އާދަމް ރަމީޒާއި ޕީޕީއެމުންވެސް ރަސްމީކޮށް އެއްވެސް ބަހެއް ބުނެފައެއް ނުވެއެވެ.