ރަމަޟާންމަހުގެ ރޭތައް އިޙްޔާކުރުމަށް އިސްލާމިކް މިނިސްޓްރީން މި ރޯދަމަހު ބާއްވަމުން ގެންދިޔަ އިޙްޔާ ޕްރޮގްރާމްގެ ފަހު ޕްރޮގްރާމް މިރޭ އޮންނާނެ ކަމަށް އިސްލާމިކް މިނިސްޓްރީން ހާމަކޮށްފިއެވެ.
އިސްލާމިކް މިނިސްޓްރީން ބުނީ، އިސްލާމީ މަރުކަޒުގައި މިރޭ ބާއްވާ ފޯރަމްގެ މައުޟޫއަކީ "ފާފަ ފުއްސެވުމުގައި ﷲ ގެ އޯގާވަންތަވެރިކަން" ކަމަށެވެ. މި މައުޟޫއަށް އިންސާފުކޮށްދެއްވާނީ ޑރ. އަބްދުއްސައްތާރު އަބްދުއް ރަހުމާނެވެ.
ރޯދަ މަހުގެ ރޭތައް އިހުޔާކުރަން މިރޭ ބާއްވާ ފޯރަމަކީ މި އަހަރުގެ 16 ވަނަ ފޯރަމެވެ. މިއަހަރުގެ އިޙްޔާ ފޯރަމްތައް މާލޭގެ އިތުރުން އަތޮޅު ތެރޭގައި ވެސް ބާއްވާފައިވެއެވެ.
އެގޮތުން އައްޑޫ ހިތަދޫ، ހދ. ކުޅުދުއްފުށި، ޅ. ނައިފަރު، ރ. ދުވާފަރު، ހއ. ހޯރަފުށި، ގދ. ތިނަދޫ އަދި ފުވައްމުލަކުގައި ފޯރަމް ވަނީ ބާއްވާފައެވެ.
އޭގެ އިތުރުން އިސްލާމިކް މިނިސްޓްރީން މިއަހަރު ސްކޫލް ދަރިވަރުންނަށް ޚާއްސަ ފޯރަމްތަކެއްވެސް ކުރިއަށް ގެންގޮސްފައިވެއެވެ.
ރޯދަ މަހުގެ ރޭތައް އިހުޔާކުރަން މިރޭ ބާއްވާ ފޯރަމަކީ މި އަހަރުގެ 16 ވަނަ ފޯރަމެވެ. މިއަހަރުގެ އިޙްޔާ ފޯރަމްތައް މާލޭގެ އިތުރުން އަތޮޅު ތެރޭގައި ވެސް ބާއްވާފައިވެއެވެ.
އޭގެ އިތުރުން އިސްލާމިކް މިނިސްޓްރީން މިއަހަރު ސްކޫލް ދަރިވަރުންނަށް ޚާއްސަ ފޯރަމްތަކެއްވެސް ކުރިއަށް ގެންގޮސްފައިވެއެވެ.
ކިޔުންތެރިންގެ ހިޔާލު