ދިވެހި ދަޢުލަތަށް 43 އަހަރަށް ވުރެ ގިނަ ދުވަހު ހިދުމަތް ކުރެއްވި މ. އޯޝަން ރީޑު އާދަމް މޫސާ (ބުޗާގޭ ދޮންމަނިކު) އުމުރުފުޅުން 91 އަހަރުގައި އަވަހާރަވެއްޖެއެވެ.

ބުޗާގޭ އެމަނިކުފާނު އަވަހާރަވިކަން ހާމަކުރެއްވީ، ދަރިކަނބަލުން އަދި ކުރީގެ ޔޫތު މިނިސްޓަރު އިރުތިޝާމް އާދަމެވެ. ދޮންމަނިކު އަވަހާރަވީ އޮސްޓްރޯލިއާގެ ބްރިސްބެންގައި ރޭ ފަތިހުއެވެ. އާއިލާއާއެކު އެމަނިކުފާނު އެ ޤައުމުގައި ދިރިއުޅުއްވާތާ އަށް އަހަރު ވެއްޖެއެވެ.

ބުޗާގޭ ދޮންމަނިކަށް ތިން ކައިވެއްޏަކަށް 22 ބޭފުޅުން ލިބިވަޑައިގެންފައިވެ އެވެ. އަވަހާރަވިއިރު، ދުނިޔޭގައި އިންނެވީ އެންމެ އަނބިކަނބަލެކެވެ. އަދި ސައުވީސް ކާފަ ދަރިންނާއި ހަތަރު މުނިކާފަ ދަރިން އެބަ ތިއްބެވި އެވެ.

Dear Colleagues, friends and family

It is with heavy hearts that we convey the passing of our father Buchaage Dhon Manik on 25 April 2023 , 4:45 am Brisbane time, a beloved husband, father, and distinguished public servant. He was a man of great integrity, whose dedication to… pic.twitter.com/kAnrkvZ7TF

— Iru(Iruthisham) Adam (@IruthishamAdam) April 24, 2023

1951 ގައި ސަރުކާރުގެ ހިދުމަތާ ގުޅިވަޑައިގެންނެވި ދޮންމަނިކު ވަނީ ރ. އަތޮޅު، އަތޮޅުވެރިޔާގެ މަގާމު އަދާކުރަށްވާފައެވެ.

އޭގެއިތުރުން މަޙުކަމަތުލް އަމަންއާންމާއި، ވުޒާރަތުއް ދާޚިލިއްޔާ، ޕަބްލިކް މެއިންޓެނެންސް ޑިވިޝަން، ޕޯސްޓު އޮފީސް، މެރިން ޑިވިޝަން، ކޮންޓްރޯލް އޮފް ކޮމިއުނިކިބަލް ޑިވިޝަންގައި ވަޒީފާ އަދާކުރަށްވާފައިވެއެވެ.

އެމަނިކުފާނު އެންމެ ގިނަ ދުވަހު ހިދުމަތް ކުރެއްވީ ފިލްމު ސެންސަރު ބޯޑުގަ އެވެ. އެ އޮފީހުގައި، 18 އަހަރު ޚިދުމަތް ކުރެއްވުމަށް ފަހު، ސަރުކާރުގެ ޚިދުމަތުން ވަކިވެވަޑައިގަތީ އޭޕްރީލް 13، 1998 ގައެވެ.