ފޭދޫ ފިނޮޅު ކައިރިން އިއްޔެ ހަވީރު 2 ލޯންޗު ޖެހި ހިނގި ނުރައްކާތެރި އެކްސިޑެންޓުގައި މީހަކު ނިޔާވި މައްސަލާގައި މިހާތަނަށް މީހަކު ހައްޔަރު ކޮށްފައިނުވާކަމަށް ފުލުހުން ހާމަކޮށްފިއެވެ.

އިއްޔެގެ ލޯންޗު އެކްސިޑެންޓުގައި ލިބުނު ޒަހަމްތަކާ ގުޅިގެން އޭޑީކޭ ހޮސްޕިޓަލުގައި ފަރުވާދެެމުންދަނިކޮށް ރޭ އިރުއޮއްސި 6:30 ހާއިރު ނިޔާވެފައިވަނީ ކޮންސްޓްރަކްޝަން ދާއިރާގެ ވިޔަފާރިވެރިއެއް ކަމަށްވާ ބ. ކުޑަރިކިލު، އޯޝަންވިލާ، ސައުދުﷲ އަހްމަދެވެ.

މި އެކްސިޑެންޓް ހިނގައިފައިވަނީ ސާސޭ ސްޕީޑް ނަމަކަށް ކިޔާ ގަލްފް ކްރާފްޓް ލޯންޗަކާއި އެމްޑަބްލިއުއެސްސީގެ ލޯންޗެއް ޖެހިގެންނެވެ. މި އެކްސިޑެންޓް ހިނގީ ހަވީރު 4:40 ހާއިރުކަމަށްވެސް ފުލުުހުން މައުލޫމާތުދެއެވެ.

އިއްޔެ ހަވީރު ހިނގި އެ އެކްސިޑެންޓުގައި، ސާސޭ ކޮންސްޓްރަކްޝަންގެ ލޯންޗުގައި އިންނެވި އެ ކުންފުނީގެ ވެރިޔާ ސައުދުﷲ އަހުމަދު ވަނީ ނިޔާވެފައެވެ. އެކްސިޑެންޓްވީއިރު ލޯންޗުގައި ކްރޫންގެ އިތުރުން އިންނެވީ ވެސް ސަޢުދުﷲ އެކަންޏެވެ.

މި އެކްސިޑެންޓް ހިނގަން މެދުވެރިވި ސަބަބު ފުލުހުން ދަނީ ތަހުޤީޤްކުރަމުންކަމަށް ފުލުހުން މައުލޫމާތުދެއެވެ.