ޔޫކްރޭނަށް ކުރިމަތިކުރުވަމުންދާ ދަތިތައް ހައްލުކުރުމަށް އިންޑިއާއިން ކުރެވެން އޮތް ކޮންމެ ކަމެއް ކުރާނެ ކަމަށް ބޮޑުވަޒީރު މޯދީ ވައުދުވެވަޑައިގެންފިއެވެ.
އިންޑިއާގެ ބޮޑުވަޒީރު ނަރެންދްރަ މޯދީ މިހެން ވިދާޅުވެފައިވަނީ ޖަޕާނުގެ ހިރޯޝިމާގައި ކުރިއަށްދާ ގްރޫޕް އޮފް 7 ގެ ސަމިޓުގެ ހަވާސާގައި ބޭއްވި ބައްދަލުވުމެއްގެ ތެރެއިން ޒެލެންސްކީއާއެކު ބޭއްވެވި ބައްދަލުވުމެއްގައެވެ. މިބައްދަލުވުމުގައި އިތުރަށް ވާހަކަދައްކަވަމުން މޯދީ ވަނީ އެމަނިކުފާނަށް ޔޫކްރޭންގެ ރައްޔިތުންގެ ހާލަތު ވަރަށް ރަނގަޅަށް ވިސްނިވަޑައިގަންނަވާކަމަށް ވިދާޅުވެފައެވެ.
"އަޅުގަނޑަށް ވަރަށް ރަނގަޅަށް ވިސްނޭ ޔުކްރެއިނުގެ ރައީސާއި ޔޫކްރޭންގެ ރައްޔިތުން މިވަގުތު ތަހައްމަލު ކުރަމުންދާ ކަންކަން." މޯދީ ވިދާޅުވިއެވެ.
"އަޅުގަނޑު ޔަޤީންކަން އަރުވަން، ކަންކަން ހައްލުކުރުމަށްޓަކައި އިންޑިއާއަށް ކުރެވެން އޮތް ހުރިހާ ކަމެއް ކުރާނެކަމަށް،" މޯދީ އިތުރަށް ވިދާޅުވި އެވެ.
މިބައްދަލުވުމުގައި ޒެލެންސްކީ ވަނީ އިންޑިއާއަށް ޝުކުރު އަދާކުރަށްވައި، ބައިނަލްއަގުވާމީ ގޮތުން ސަރަހައްދީ އެއްބައިވަންތަކަމާއި އިސްތިގުލާލީ މަސްލަހަތު ދެމެހެއްޓުމަށް އިންޑިއާއިން ދެމުންދާ އެއްބާރުލުން ފާހަގަކުރަށްވާފައެވެ. އަދި އިންޑިއާއިން ޔުކްރެއިނަށް އިންސާނީ އެހީތެރިކަން ފޯރުކޮށްދިންކަން ފާހަގަކުރަށްވައި މޯދީއަށް ޒެލެންސްކީ ޝުކުރު އަދާކުރައްވައި، ޔޫކްރޭނުން އިސްނަގައި އެކުލަވާލި "ސުލްހައިގެ ފޯމިއުލާ" ގައި ބައިވެރިވުމަށް އިންޑިއާއަށް ދައުވަތު ދެއްވިއެވެ.
"އަޅުގަނޑަށް ވަރަށް ރަނގަޅަށް ވިސްނޭ ޔުކްރެއިނުގެ ރައީސާއި ޔޫކްރޭންގެ ރައްޔިތުން މިވަގުތު ތަހައްމަލު ކުރަމުންދާ ކަންކަން." މޯދީ ވިދާޅުވިއެވެ.
މިބައްދަލުވުމުގައި ޒެލެންސްކީ ވަނީ އިންޑިއާއަށް ޝުކުރު އަދާކުރަށްވައި، ބައިނަލްއަގުވާމީ ގޮތުން ސަރަހައްދީ އެއްބައިވަންތަކަމާއި އިސްތިގުލާލީ މަސްލަހަތު ދެމެހެއްޓުމަށް އިންޑިއާއިން ދެމުންދާ އެއްބާރުލުން ފާހަގަކުރަށްވާފައެވެ. އަދި އިންޑިއާއިން ޔުކްރެއިނަށް އިންސާނީ އެހީތެރިކަން ފޯރުކޮށްދިންކަން ފާހަގަކުރަށްވައި މޯދީއަށް ޒެލެންސްކީ ޝުކުރު އަދާކުރައްވައި، ޔޫކްރޭނުން އިސްނަގައި އެކުލަވާލި "ސުލްހައިގެ ފޯމިއުލާ" ގައި ބައިވެރިވުމަށް އިންޑިއާއަށް ދައުވަތު ދެއްވިއެވެ.
ކިޔުންތެރިންގެ ހިޔާލު