2021 ވަނަ އަހަރުގެ މާރޗް މަހުގެ 7 ވަނަ ދުވަހު ދަންވަރު 3:45 ހާއިރު ދ.މީދޫ "ޖިހާދު" ދޯނީގައި ވަޅިން ޙަމަލާދީ މަރާލި ބަނގަލަދޭޝްގެ މުހައްމަދު ޝާހީންގެ މަރުގެ މައްސަލައިގެ އަޑުއެހުމެއް ކްރިމިނަލް ކޯޓުގައި މިއަދު ކުރިއަށް ގެންގޮސްފިއެވެ.
ޝާހީން މަރާލާފައިވަނީ، "ޖިހާދު" ދޯނި މަސްބޭނުމަށް ކ. ގުރައިދޫ މަސްބޮޔަށް ދަތުރުކުރަމުން ދަނިކޮށް، އޭނާއަށް ވަޅިން ދިން ޙަމަލާތަކެއްގައި ލިބުނު ޒަހަމްތަކަށް ފަރުވާދެމުންދަނިކޮށެވެ.
މި މައްސަލައިގައި ބަނގަލަދޭޝް ރައްޔިތެއް ކަމަށްވާ މުހައްމަދު ޝާހީން މަރާލުމުގެ ކުށުގެ ދައުވާ އުފުލާފައިވަނީ، ބަނގަލަދޭޝް ރައްޔިތެއް ކަމަށްވާ ޢުމުރުން 42 އަހަރުގެ މުހައްމަދު މަސްއޫދުގެ މައްޗަށެވެ.
މިއަދުގެ އަޑުއެހުމުގައި މަސްއޫދަށް ދައުލަތުގެ ފަރާތުން އައްޔަނު ކޮށްދީފައިވާ ވަކީލު ޝިފާއު ވިދާޅުވީ، އޭނާގެ މުވައްކިލު މިހާރު އަމިއްލަ ވަކީލެއް ޢައްޔަނު ކުރަށްވާފައިވާތީ މައްސަލާގައި ޖަވާބުދާރީވާން އެނގިވަޑައިގަންނަވާނީވެސް ފަހުން އައްޔަނު ކުރެއްވި ވަކީލަށްކަމަށެވެ.
ވަކީލް ޝިފާއު އަކީ 'މާލީ ތަނަވަސްކަން ނެތް ފަރާތްތަކަށް ވަކީލުން ހަމަޖައްސައިދިނުމާ ބެހޭ އުސޫލު'ގެ ދަށުން އެޓާނީ ޖެނެރަލް (އޭޖީ)ގެ ފަރާތުން އައްޔަންކޮށްފައިވާ ވަކީލެކެވެ.
މަސްއޫދު މިއަދު ބުނެފައިވަނީ މި މައްސަލަ ވަރަށް ބޮޑަށް ދިގުލައިގެން ގޮސްފައިވާތީ އޭނާ އަމިއްލައަށް ވަކީލަކު އައްޔަންކޮށްފައިވާ ކަމަށެވެ. އަދި މި މައްސަލާގައި އިތުރަށް ކުރިއަށްދާން ބޭނުންވަނީ އަމިއްލައަށް އައްޔަނު ކުރި ވަކީލާއެކު ކަމަށް އޭނާ ބުނެފައިވެއެވެ.
އެހެންކަމުން މައްސަލަ ބައްލަވާ ޤާޟީ އިބްރާހިމް އިޙްސާން ވިދާޅުވީ، މަސްއޫދުގެ ފަރާތުން އަމިއްލައަށް ވަކީލަކު ހަމަޖައްސާފައިވީނަމަވެސް، އެކަމުގެ ލިއުން އަދި ކޯޓަށް ލިބިފައިނުވާ ކަމަށެވެ.
މި މައްސަލާގައި އަޑުއެހުމެއް އެންމެފަހުން ބާއްވާފައިވަނީ 11 މެއި 2023 ގައެވެ. އެ ދުވަހު ޤާޟީ ވިދާޅުވެފައިވަނީ، ދެން އޮންނަ އަޑުއެހުމެއްގައި ހެކި ރައްކާތެރި ކުރުމުގެ އަމުރާ ގުޅޭގޮތުން ޝަރީއަތުން ނިންމާ ގޮތެއް ހާމަ ކުރަށްވާނެ ކަމަށެވެ. ނަމަވެސް މަސްޢޫދު އަމިއްލަ ވަކީލެއް ޢައްޔަނުކުރުމާ ގުޅިގެން މިއަދު އެބައި ކުރިއަށް ގެންގޮސްފައެއް ނުވެއެވެ.
މަސްޢޫދުގެ މައްޗަށް ބިރުދެއްކުމާއި ނުރައްކާތެރި ހަތިޔާރާއި ތޫނު އެއްޗެހި ގެންގުޅުން މަނާކުރުމުގެ ޤާނޫނުގެ ފަސް ވަނަ މާއްދާގެ (ހ) އާ ޙަވާލާދީ، އެމާއްދާގެ (ނ) އާއި (ރ) ގެ ދަށުން ގަސްދުގައި މީހަކު މެރުމުގެ ދައުވާ އުފުލާފައިވާއިރު، އޭނާ ހުރީ ޝަރީއަތް ނިމެންދެން މާފުށީ ޖަލުގައި ބަންދުކޮށްފައެވެ.
ދައުލަތުން މަސްއޫދުގެ މައްޗަށް ކުރި ދައުވާގައިވަނީ، އޭނާ ޝާހީނަށް ހަމަލާ ދީފައި ވަނީ ތިލައިގައި ހަ އިންޗި ހުރި ކަޅުކުލައިގެ މުއްގަނޑުލީ ވަޅިއެއް ބޭނުންކޮށްގެން ކަމަށެވެ. އެގޮތުން ހަމަލާ ދީފައި ވަނީ ޝާހީންގެ ކަނާތް ފަރާތު އަރިކަށްޓަށްކަމަށް ދަޢުލަތުން ވަނީ ބުނެފައެވެ.
މި މައްސަލައިގައި ބަނގަލަދޭޝް ރައްޔިތެއް ކަމަށްވާ މުހައްމަދު ޝާހީން މަރާލުމުގެ ކުށުގެ ދައުވާ އުފުލާފައިވަނީ، ބަނގަލަދޭޝް ރައްޔިތެއް ކަމަށްވާ ޢުމުރުން 42 އަހަރުގެ މުހައްމަދު މަސްއޫދުގެ މައްޗަށެވެ.
މިއަދުގެ އަޑުއެހުމުގައި މަސްއޫދަށް ދައުލަތުގެ ފަރާތުން އައްޔަނު ކޮށްދީފައިވާ ވަކީލު ޝިފާއު ވިދާޅުވީ، އޭނާގެ މުވައްކިލު މިހާރު އަމިއްލަ ވަކީލެއް ޢައްޔަނު ކުރަށްވާފައިވާތީ މައްސަލާގައި ޖަވާބުދާރީވާން އެނގިވަޑައިގަންނަވާނީވެސް ފަހުން އައްޔަނު ކުރެއްވި ވަކީލަށްކަމަށެވެ.
ވަކީލް ޝިފާއު އަކީ 'މާލީ ތަނަވަސްކަން ނެތް ފަރާތްތަކަށް ވަކީލުން ހަމަޖައްސައިދިނުމާ ބެހޭ އުސޫލު'ގެ ދަށުން އެޓާނީ ޖެނެރަލް (އޭޖީ)ގެ ފަރާތުން އައްޔަންކޮށްފައިވާ ވަކީލެކެވެ.
މަސްއޫދު މިއަދު ބުނެފައިވަނީ މި މައްސަލަ ވަރަށް ބޮޑަށް ދިގުލައިގެން ގޮސްފައިވާތީ އޭނާ އަމިއްލައަށް ވަކީލަކު އައްޔަންކޮށްފައިވާ ކަމަށެވެ. އަދި މި މައްސަލާގައި އިތުރަށް ކުރިއަށްދާން ބޭނުންވަނީ އަމިއްލައަށް އައްޔަނު ކުރި ވަކީލާއެކު ކަމަށް އޭނާ ބުނެފައިވެއެވެ.
އެހެންކަމުން މައްސަލަ ބައްލަވާ ޤާޟީ އިބްރާހިމް އިޙްސާން ވިދާޅުވީ، މަސްއޫދުގެ ފަރާތުން އަމިއްލައަށް ވަކީލަކު ހަމަޖައްސާފައިވީނަމަވެސް، އެކަމުގެ ލިއުން އަދި ކޯޓަށް ލިބިފައިނުވާ ކަމަށެވެ.
މި މައްސަލާގައި އަޑުއެހުމެއް އެންމެފަހުން ބާއްވާފައިވަނީ 11 މެއި 2023 ގައެވެ. އެ ދުވަހު ޤާޟީ ވިދާޅުވެފައިވަނީ، ދެން އޮންނަ އަޑުއެހުމެއްގައި ހެކި ރައްކާތެރި ކުރުމުގެ އަމުރާ ގުޅޭގޮތުން ޝަރީއަތުން ނިންމާ ގޮތެއް ހާމަ ކުރަށްވާނެ ކަމަށެވެ. ނަމަވެސް މަސްޢޫދު އަމިއްލަ ވަކީލެއް ޢައްޔަނުކުރުމާ ގުޅިގެން މިއަދު އެބައި ކުރިއަށް ގެންގޮސްފައެއް ނުވެއެވެ.
ދައުލަތުން މަސްއޫދުގެ މައްޗަށް ކުރި ދައުވާގައިވަނީ، އޭނާ ޝާހީނަށް ހަމަލާ ދީފައި ވަނީ ތިލައިގައި ހަ އިންޗި ހުރި ކަޅުކުލައިގެ މުއްގަނޑުލީ ވަޅިއެއް ބޭނުންކޮށްގެން ކަމަށެވެ. އެގޮތުން ހަމަލާ ދީފައި ވަނީ ޝާހީންގެ ކަނާތް ފަރާތު އަރިކަށްޓަށްކަމަށް ދަޢުލަތުން ވަނީ ބުނެފައެވެ.
ކިޔުންތެރިންގެ ހިޔާލު