ސްރީ ލަންކާގެ އަންހެނަކަށް އެއްމާބަނޑު ހަ ކުދިން ލިބިއްޖެއެވެ.

ސްރީ ލަންކާގެ މި އަންހެންމީހާއަށް ލިބުނީ ހަ ފިރިހެންކުދިންނެވެ. ކޮލަމްބޯގެ ކާސްލްވެލް ހޮސްޕިޓަލަށް މި ކުދިން އުފަންވީ މިއަދު ހެނދުނުގެ ވަގުތެއްގައެވެ. ނޫސްވެރިންނަށް މަޢުލޫމާތު ދެމުން ހޮސްޕިޓަލުން ބުނީ އެކުދިންނާއި މަންމަގެ ޙާލަތު ރަނގަޅު ކަމަށެވެ.

އެއްމާބަނޑު ހަ ކުދިން ލިބުމަކީ ވަރަށް މަދުންވާ ކަމެކެވެ. އެންމެ ފަހުން ލަންކާ މީހަކަށް އެއްމާބަނޑު ހަ ކުދިން ލިބުނީ 2021 ވަނަ އަހަރުގެ އޮކްޓޫބަރ މަހުގައެވެ. އެ އަންހެންމީހާ ވިހެއީ 3 އަންހެން ކުދިންނާ 3 ފިރިހެންކުދިންނެވެ.