ފަލަސްތީނުގެ ބިންތަކަށް ވެރިވެގަނެގެން އުޅޭ ޔަހޫދީ އިސްރާއީލުން ފަލަސްތީނުގެ ގާޒާގެ މުސްލިމުން ނައްތާލުމަށް ދެމުންދާ ލާއިންސާނީ ހަމަލާތަކުގައި މިހާތަނަށް ގާޒާގެ 3000 މީހުން ޝަހީދުވެފައިވާކަމަށް ކަމާއިބެހޭ ފަރާތްތަކާއި ހަވާލާދީ ބައިނައިލްއަޤްވާމީ މީޑިއާތަކުން ބުނެފިއެވެ.
3
ހަބަރުތައް ބުނާގޮތުން މިމަހުގެ 7 ވަނަ ދުވަހުން ފެށިގެން ދެމުންގެންދާ ހަމަލާތަކުގައި މަރުވި 3000 ފަލަސްތީނު ރައްޔިތުންގެ ތެރެއިން، 3 ބައިކުޅަ އެއް ބަޔަކީ ކުޑަކުދިންނެވެ. ޔަހޫދީން ދެމުންގެންދާ ހަމަލާތަކުގައި ޒަހަމްވެ، އަނިޔާތައް ލިބިފައިވާ ފަލަސްތީނު ރައްޔިތުންގެ އަދަދު 12500 އަށް އަރާކަމަށްވެސް ހަބަރުތައް ބުނެއެވެ.
ފަލަސްތީނުގެ ބިންތަކަށް ވެރިވެގަނެގެން އުޅޭ އަނިޔާވެރި ޒަޔަނިސްޓް ޔަަހޫދީންނާއި ދެކޮޅަށް ހަމާސްއިން ދެމުންދާ ހަމަލާތަކުގައި މިހާތަނަށް 1500އާ ގާތްކުރާ އަދަދެއްގެ ޔަހޫދީން ވަނީ މަރުވެފައެވެ. އަދި ގިނަ އަދަދެއްގެ ބަޔަކު އަސީރުންގެ ގޮތުގައި ވަނީ ހައްޔަރުވެސްކޮށްފައެވެ.
ޔަހޫދީ ސިފައިން ދެމުންދާ ހަމަލާތަކުގައި ތަނެއްދޮރެއް ބެލުމެއް ނޯންނައިރު، ހޮސްޕިޓަލްތަކާއި ސްކޫލްތަކާއި އެހީގެ ސާމާނު ރައްކާކޮށްފައި ހުންނަ ތަންތަނަށްވެސް ދަނީ ހަމަަލާ ދެމުންނެވެ. މީގެއިތުރުން ރައްކާތެރި ހިސާބުތަކަށް ދަތުރުކުރާ އާއްމުންނާއި ހަބަރުތައް ގެނެސްދޭން ހަރަކާތްތެރިވާ ނޫސްވެރިންނާއި ފަރުވާގެ ކަންކަމުގައި ހަރަކާތްތެރިވާ ޑޮކްޓަރުންނަށްވެސް ޔަހޫދީ ސިފައިން ދަނީ ހަމަލާތައް ދެމުންނެވެ.
ގާޒާގައި ހިނގަމުންދާ ކަންކަމަށް ހައްލެއް ފެނޭތޯ ދުނިޔޭގެ އެކި ހިސާބުތަކުގެ ލީޑަރުން މަޝްވަރާކުރަމުން ދިޔަނަމަވެސް މިހާތަނަށް މިކަމަށް އަލި މަގެއް ނުފެނެއެވެ. އަދި ގާޒާގައި ހާލުގައި ޖެހިފައިވާ ފަލަސްތީނުގެ ރައްޔިތުންނަށް އެހީތެރިކަން ފޯރުކޮށްދޭނެ ގޮތެއްވެސް ބައިނަލްއަޤްވާމީ މުޖްތަމަޢުޢަށް ހޯދިފައެއް ނުވެއެވެ.
މަސްރަހު ގޯސްވަމުންދާއިރު، އެމެރިކާގެ ރައީސް މާދަމާ އެ ސަރަހައްދަށް ވަޑައިގަތުމަށް ވަނީ ހަމަޖެހިފައެވެ.
ހަބަރުތައް ބުނާގޮތުން މިމަހުގެ 7 ވަނަ ދުވަހުން ފެށިގެން ދެމުންގެންދާ ހަމަލާތަކުގައި މަރުވި 3000 ފަލަސްތީނު ރައްޔިތުންގެ ތެރެއިން، 3 ބައިކުޅަ އެއް ބަޔަކީ ކުޑަކުދިންނެވެ. ޔަހޫދީން ދެމުންގެންދާ ހަމަލާތަކުގައި ޒަހަމްވެ، އަނިޔާތައް ލިބިފައިވާ ފަލަސްތީނު ރައްޔިތުންގެ އަދަދު 12500 އަށް އަރާކަމަށްވެސް ހަބަރުތައް ބުނެއެވެ.
ފަލަސްތީނުގެ ބިންތަކަށް ވެރިވެގަނެގެން އުޅޭ އަނިޔާވެރި ޒަޔަނިސްޓް ޔަަހޫދީންނާއި ދެކޮޅަށް ހަމާސްއިން ދެމުންދާ ހަމަލާތަކުގައި މިހާތަނަށް 1500އާ ގާތްކުރާ އަދަދެއްގެ ޔަހޫދީން ވަނީ މަރުވެފައެވެ. އަދި ގިނަ އަދަދެއްގެ ބަޔަކު އަސީރުންގެ ގޮތުގައި ވަނީ ހައްޔަރުވެސްކޮށްފައެވެ.
ޔަހޫދީ ސިފައިން ދެމުންދާ ހަމަލާތަކުގައި ތަނެއްދޮރެއް ބެލުމެއް ނޯންނައިރު، ހޮސްޕިޓަލްތަކާއި ސްކޫލްތަކާއި އެހީގެ ސާމާނު ރައްކާކޮށްފައި ހުންނަ ތަންތަނަށްވެސް ދަނީ ހަމަަލާ ދެމުންނެވެ. މީގެއިތުރުން ރައްކާތެރި ހިސާބުތަކަށް ދަތުރުކުރާ އާއްމުންނާއި ހަބަރުތައް ގެނެސްދޭން ހަރަކާތްތެރިވާ ނޫސްވެރިންނާއި ފަރުވާގެ ކަންކަމުގައި ހަރަކާތްތެރިވާ ޑޮކްޓަރުންނަށްވެސް ޔަހޫދީ ސިފައިން ދަނީ ހަމަލާތައް ދެމުންނެވެ.
މަސްރަހު ގޯސްވަމުންދާއިރު، އެމެރިކާގެ ރައީސް މާދަމާ އެ ސަރަހައްދަށް ވަޑައިގަތުމަށް ވަނީ ހަމަޖެހިފައެވެ.
ކިޔުންތެރިންގެ ހިޔާލު