މިސްރު މަގުން ފަލަސްތީނުގެ ވެރިރަށް ޣައްޒާއަށް ފޮނުވާ އެހީތައް ވެއްދުމަށް އިޒްރޭލުން ރަފާ ބޯޑަރ ހުޅުވާލައިފިއެވެ.
މިސްރާއި ޣައްޒާއާއި ދެމެދު އޮންނަ ސަރަހައްދީ ރޮނގު އިޒްރޭލުން ހުޅުވާދިނީ ޣައްޒާގެ ހޮސްޕިޓަލުތަކުގައި ބޭނުންކުރާ އާލާތްތަކާއި ކާބޯތަކެއްޗާއި، ސާފު ބޯފެން ހުސްވެ އިންސާނީ ކާރިސާއެއް ކުރިމަތިވެފައިވާ ދަނޑިވަޅެއްގައި އިންސާނީ އެހީ ވެއްދުމަށް ފުރުސަތު ދިނުމަށް ބައިނަލްއަޤްވާމީ މުޖުތަމައުން އިޒްރޭލަށް ގޮވަމާލަމުން ދަނިކޮށެވެ. އދ.ގެ ސެކްރެޓަރީ ޖެނެރަލް އެންޓޯނިއޯ ގުޓެރޭޒްވެސް އިއްޔެ ވަނީ ބޯޑަރ ކައިރިއަށް އެއްވި މީހުންނާއިއެކު ބައިވެރިވެ، ޣައްޒާއަށް އެހީ ވެއްދުމަށް ގޮވާލައްވާފައެވެ.
މިއަދު ރަފާ ބޯޑަރ ހުޅުވިފަހުން ޣައްޒާއަށް އެތެރެކުރުމަށް އިޒްރޭލުގެ އަސްކަރިއްޔާއިން ހުއްދަ ދިނީ އެހީ ހިފައިގެން ގޮސްތިބި އެންމެ 20 ގާފިލާއަށެވެ. ގާތްގަނޑަކަށް 3،000 ޓަނުގެ އެހީ އުފުލާ 200 އަށް ވުރެ ގިނަ ޓްރަކް ޣައްޒާއަށް ދިއުމަށް ހުއްދަ ނުދީގެން ދުވަސްތަކެއް ވަންދެން އެ ހުރަސް ކައިރީގައި ތިބެން ޖެހުނު ކަމަށް ހަމާސްގެ އޮފިޝަލަކު އަލްޖަޒީރާއަށް މަޢުލޫމާތު ދީފައި ވެއެވެ.
އިޒްރޭލުން ވަނީ 2 ހަފްތާ ވަންދެން ޣައްޒާއަށް އިންސާނީ އެހީ ފޯރުކޮށްދެވޭނެ މަގުތައް ބަންދުކޮށްފައެވެ. އެކަމުގެ ސަބަބުން ހޮސްޕިޓަލްތަކުގެ ޖަނެރޭޓަރަށް ބޭނުންވާ ފިއުލް ނުލިބި، ސިއްހީ ފަރުވާއަށް ވަނީ ހުރަސް އެޅިފައެވެ.
ރިޕޯޓްތައް ބުނާގޮތުގައި މި ޙާލަތުގައި ފަލަސްތީނުގެ ރައްޔިތުން ހޭދަކުރަން ޖެހިފައިވާއިރު، އިޒްރޭލުން ދެމުންގެންދާ ބޮމުގެ ހަމަލާތަކުގައި އަނިޔާވާ މީހުންގެ ޒަހަމްތަަކަށް ފަރުވާދޭންޖެހެމެނީވެސް އައްސި ކުރާ ސާމާނު ހުސްވެފައިވާތީ އައްސިނުކޮށެވެ. އަދި ކާބޯތަކެތި މަދުވެ، ދުވާލަކު އެއްއިރު ކައިގެން، ލޮނު ފެން ބޭނުންކުރަން ޖެހޭ ޙާލަތަށް ޣައްޒާގެ ރައްޔިތުން ވަނީ ހުށައެޅިފައެވެ.
މިމަހުގެ ހަތްވަނަ ދުވަހުން ފެށިގެން އިޒްރޭލުން ޣައްޒާއަށް ދެމުންދާ ހަމަލާތަކުގައި މިހާތަނަށް ފަލަސްތީނުގެ އެތައް ހާސް މީހުން ޝަހީދުވެ، އެތައްބަޔަކަށް ބޮޑެތި ޒަހަމްތައް ލިބިފައިވެއެވެ. އިޒްރޭލުން ޣައްޒާއަށް މެދުކެނޑުމެއްނެތި ހަމަލާދެމުންދަނީ ފަލަސްތީނުގެ އިސްތިއުމާރީ ޙާލަތު ނައްތާލުމަށް ހަމާސް ޖަމާއަތުން އިޒްރޭލުގެ ރައްޔިތުން ތަކެއް ރަހީނުކުރިކަމުގެ ބަހަނާގައެވެ.
މިއަދު ރަފާ ބޯޑަރ ހުޅުވިފަހުން ޣައްޒާއަށް އެތެރެކުރުމަށް އިޒްރޭލުގެ އަސްކަރިއްޔާއިން ހުއްދަ ދިނީ އެހީ ހިފައިގެން ގޮސްތިބި އެންމެ 20 ގާފިލާއަށެވެ. ގާތްގަނޑަކަށް 3،000 ޓަނުގެ އެހީ އުފުލާ 200 އަށް ވުރެ ގިނަ ޓްރަކް ޣައްޒާއަށް ދިއުމަށް ހުއްދަ ނުދީގެން ދުވަސްތަކެއް ވަންދެން އެ ހުރަސް ކައިރީގައި ތިބެން ޖެހުނު ކަމަށް ހަމާސްގެ އޮފިޝަލަކު އަލްޖަޒީރާއަށް މަޢުލޫމާތު ދީފައި ވެއެވެ.
އިޒްރޭލުން ވަނީ 2 ހަފްތާ ވަންދެން ޣައްޒާއަށް އިންސާނީ އެހީ ފޯރުކޮށްދެވޭނެ މަގުތައް ބަންދުކޮށްފައެވެ. އެކަމުގެ ސަބަބުން ހޮސްޕިޓަލްތަކުގެ ޖަނެރޭޓަރަށް ބޭނުންވާ ފިއުލް ނުލިބި، ސިއްހީ ފަރުވާއަށް ވަނީ ހުރަސް އެޅިފައެވެ.
މިމަހުގެ ހަތްވަނަ ދުވަހުން ފެށިގެން އިޒްރޭލުން ޣައްޒާއަށް ދެމުންދާ ހަމަލާތަކުގައި މިހާތަނަށް ފަލަސްތީނުގެ އެތައް ހާސް މީހުން ޝަހީދުވެ، އެތައްބަޔަކަށް ބޮޑެތި ޒަހަމްތައް ލިބިފައިވެއެވެ. އިޒްރޭލުން ޣައްޒާއަށް މެދުކެނޑުމެއްނެތި ހަމަލާދެމުންދަނީ ފަލަސްތީނުގެ އިސްތިއުމާރީ ޙާލަތު ނައްތާލުމަށް ހަމާސް ޖަމާއަތުން އިޒްރޭލުގެ ރައްޔިތުން ތަކެއް ރަހީނުކުރިކަމުގެ ބަހަނާގައެވެ.
ކިޔުންތެރިންގެ ހިޔާލު