އިންޑިއާގެ އުމުރުން 19 އަހަރުގެ ގޭންގްސްޓާރެއް ހޯދަން އިންޓަޕޮލްއިން ރެޑް ނޯޓިސް ފޮނުވައިފިއެވެ.

އިންޑިއާގެ ހަރްޔާނާގެ ގޭންގަކަށް ނިސްބަތްވާ ޔޯގޭޝް ކަދްޔަން ހޯދަން އިންޓަޕޮލުން ނޯޓިސް ނެރުނީ އޭނާގެ މައްޗަށް ކުރެވޭ މީހުން މެރުމާއި ޤަވާއިދާއި ޚިލާފަށް ހަތިޔާރު ގެންގުޅުމާއި އެހެނިހެން ޖިނާއީ ކުށުގެ ތުހުމަތުގައެވެ. ނޫސްތަކުގައި ރިޕޯޓްކޮށްފައިވާ ގޮތުގައި ޔޯގޭޝް މިހާރު ވަނީ އެމެރިކާއަށް ގޮސް ފިލާފައެވެ.

އިންޑިއާގެ ނޭޝަނަލް އިންވެސްޓިގޭޝަން އެޖެންސީ (އެންއައިއޭ) އިން ހިންގި ޚާއްސަ އޮޕަރޭޝަނަކަށްފަހު ޔޯގޭޝްއާއި އެއްފަދަ ބައިވަރު ގޭންގްސްޓާރުން ވަނީ ފޭކް ޕާސްޕޯޓު ބޭނުންކޮށްގެން އިންޑިއާ ދޫކޮށް އެމެރިކާއަށް ގޮސް ފިލާފައެވެ.