ޣައްޒާގައި މުވާސަލާތީ ޚިދުމަތް ކަނޑާލުމަށްފަހު އިޒްރޭލުން ވައިގެ މަގުންނާއި އެއްގަމު މަގުން ވަރުގަދަ ހަމަލާތަކެއް މިރޭ ދީފިއެވެ.
7 އޮކްޓޫބަރުން ފެށިގެން އިޒްރޭލުން ދޭން ފެށި މިފަހަރުގެ ހަމަލާތަކުގައި މިއީ މިހާތަނަށް އިޒްރޭލުން ޣައްޒާއަށް ދިން އެންމެ ވަރުގަދަ އުދުވާނީ ހަމަލާއެވެ. މިފަހަރު މި ހަމަލާތައް ރައްދުކޮށްފައިވަނީ ޣައްޒާގެ އުތުރު ސަރަހައްދަށެވެ.
މިރޭ ދިން މި ހަމަލާއަށްފަހު ޣައްޒާއަށް އެއްގަމުން ހަމަލާދޭނެ ކަމުގެ އިންޒާރު އިޒްރޭލުން ދިން ކަމަށް އަލްޖަޒީރާއިން ރިޕޯޓްކޮށްފައި ވެއެވެ. އިޒްރޭލުން މިހާތަނަށް ޣައްޒާއަށް ހަމަލާދިނީ ވައިގެ މަގުންނެވެ. ނަމަވެސް ކަނޑާއި އެއްގަމު މަގުން ހަމަލާދޭން ތައްޔާރުވަމުންދާ ކަމުގެ އިންޒާރު އެޤައުމުގެ އަސްކަރިއްޔާއިން ދެމުންދިޔައެވެ.
އިޒްރޭލުން މީގެ ކުރީގައި ޣައްޒާގެ މުވާސަލާތީ ނެޓްވޯކް އެއްކޮށް ކަނޑާލާފައިނުވާ ކަމަށް ރިޕޯޓްތައް ބުނެއެވެ. ނަމަވެސް މިހާރު މުއާސަލާތީ ގުޅުން ކެނޑިފައި ވާތީ ސިއްހީ އިމަޖެންސީތަކުގައިވެސް ޕެރަމެޑިކްސްއާއި މުވާސަލާތު ނުކުރެވޭނެއެވެ.
"އުތުރުގައި ތިބި ޣައްޒާގެ ޢާންމުން ދެކުނަށް ބަދަލުވުމަށް އަދިވެސް އެއްފަހަރު އިލްތިމާސްކުރަން. މިރޭ ގްރައުންޑް ފޯސްތައް އެއްގަމަށް އޮޕަޜޭޝަން ފުޅާކުރާނެ." އިޒްރޭލުގެ ދިފާއީ ބާރުން ބުނެފައި ވެއެވެ.
ކުރިންވެސް އިޒްރޭލުން މިހެން ބުނެފައި ޣައްޒާގެ އުތުރުގައި ތިބި ގިނަ ބަޔަކު ދެކުނަށް ބަދަލުވުމުންވެސް ޔަހޫދީ އަސްކަރިއްޔާއިން ވަނީ ޣައްޒާގެ އުތުރުގެ ބަދަލުގައި ދެކުނަށް ވަރުގަދަ ހަމަލާތައް ދީފައެވެ.
ޣައްޒާއިން ލައިވް މަންޒަރުތައް ގެނަސްދެމުން އަލްޖަޒީރާގެ ރިޕޯޓަރު ވެސް ވަނީ އެމީހުންނަށް ވެސް މުއާސަލާތީ ޚިދުމަތް ނުލިބޭތީ ވާނުވާވެސް ނޭނގޭ ކަމަށެވެ. މިހާރު ޚިދުމަތް ފޯރުކޮށްދެނީ ސެޓެލައިޓް މެދުވެރިކޮށް އެކަނި ކަމަށްވާތީ އެވާހަކަތައް ދުނިޔެއަށް އިއްވައި ދިނުނަށް ރިޕޯޓަރުވަނީ އެދިފައެވެ.
7 އޮކްޓޫބަރުގައި ފެށި މި ހަނގުރާމައިގައި އިޒްރޭލުން ދިން ހަމަލާތަކުގައި މިހާތަނަށް ޣައްޒާ އިން ޝަހީދުކޮށްލި މީހުންގެ އަދަދު 7،300 އަށްވުރެ މައްޗަށް ވަނީ އަރައިފައެވެ.
މުޅި ޣައްޒާ މިހާރު ފެންނަނީ ކަޅު އަނދިރި ގަނޑެން ހެންނެވެ. ޣައްޒާގެ ތެރެއިން ހަމަ އެކަނި ފެންނަނީ ބޮންތަކާއި މިސައިލްތައް ގޮވުމުން އުފެދޭ ވަރުގަދަ އަލިފާން ގަނޑު ތަކެވެ.
Communications cut across Gaza as Israel conducts heavy bombing raids focused on the northern part of the besieged Palestinian enclave.
— Al Jazeera English (@AJEnglish) October 27, 2023
🔴 LIVE updates: https://t.co/5RpbI79Y22 pic.twitter.com/e4Y03tBeQr
މިރޭ ދިން މި ހަމަލާއަށްފަހު ޣައްޒާއަށް އެއްގަމުން ހަމަލާދޭނެ ކަމުގެ އިންޒާރު އިޒްރޭލުން ދިން ކަމަށް އަލްޖަޒީރާއިން ރިޕޯޓްކޮށްފައި ވެއެވެ. އިޒްރޭލުން މިހާތަނަށް ޣައްޒާއަށް ހަމަލާދިނީ ވައިގެ މަގުންނެވެ. ނަމަވެސް ކަނޑާއި އެއްގަމު މަގުން ހަމަލާދޭން ތައްޔާރުވަމުންދާ ކަމުގެ އިންޒާރު އެޤައުމުގެ އަސްކަރިއްޔާއިން ދެމުންދިޔައެވެ.
އިޒްރޭލުން މީގެ ކުރީގައި ޣައްޒާގެ މުވާސަލާތީ ނެޓްވޯކް އެއްކޮށް ކަނޑާލާފައިނުވާ ކަމަށް ރިޕޯޓްތައް ބުނެއެވެ. ނަމަވެސް މިހާރު މުއާސަލާތީ ގުޅުން ކެނޑިފައި ވާތީ ސިއްހީ އިމަޖެންސީތަކުގައިވެސް ޕެރަމެޑިކްސްއާއި މުވާސަލާތު ނުކުރެވޭނެއެވެ.
"އުތުރުގައި ތިބި ޣައްޒާގެ ޢާންމުން ދެކުނަށް ބަދަލުވުމަށް އަދިވެސް އެއްފަހަރު އިލްތިމާސްކުރަން. މިރޭ ގްރައުންޑް ފޯސްތައް އެއްގަމަށް އޮޕަޜޭޝަން ފުޅާކުރާނެ." އިޒްރޭލުގެ ދިފާއީ ބާރުން ބުނެފައި ވެއެވެ.
ކުރިންވެސް އިޒްރޭލުން މިހެން ބުނެފައި ޣައްޒާގެ އުތުރުގައި ތިބި ގިނަ ބަޔަކު ދެކުނަށް ބަދަލުވުމުންވެސް ޔަހޫދީ އަސްކަރިއްޔާއިން ވަނީ ޣައްޒާގެ އުތުރުގެ ބަދަލުގައި ދެކުނަށް ވަރުގަދަ ހަމަލާތައް ދީފައެވެ.
ޣައްޒާއިން ލައިވް މަންޒަރުތައް ގެނަސްދެމުން އަލްޖަޒީރާގެ ރިޕޯޓަރު ވެސް ވަނީ އެމީހުންނަށް ވެސް މުއާސަލާތީ ޚިދުމަތް ނުލިބޭތީ ވާނުވާވެސް ނޭނގޭ ކަމަށެވެ. މިހާރު ޚިދުމަތް ފޯރުކޮށްދެނީ ސެޓެލައިޓް މެދުވެރިކޮށް އެކަނި ކަމަށްވާތީ އެވާހަކަތައް ދުނިޔެއަށް އިއްވައި ދިނުނަށް ރިޕޯޓަރުވަނީ އެދިފައެވެ.
މުޅި ޣައްޒާ މިހާރު ފެންނަނީ ކަޅު އަނދިރި ގަނޑެން ހެންނެވެ. ޣައްޒާގެ ތެރެއިން ހަމަ އެކަނި ފެންނަނީ ބޮންތަކާއި މިސައިލްތައް ގޮވުމުން އުފެދޭ ވަރުގަދަ އަލިފާން ގަނޑު ތަކެވެ.
ކިޔުންތެރިންގެ ހިޔާލު